حوار اسباب تأخيـــــــــــــــــــــر التأشيرة الأمريكية

اتوقع سببين

الاول اسم العائله

الثاني شكل السفاره تطلع الفيز انت وحضك

طبعا اكيد فية اسباب ادارية وامنية الامريكان دقيقين في عملهم

الي يقدم على طلب فيزا وباقي على موعد دراستة اكثر من 120 يوم ياخرونها الين تقرب موعد دراستة لانة فية ناس اولى منة يكون باقي على موعد دراستة شهر او اقل وينصح بالتقديم خلال فترة ال 120 يوم من بداية دراستة
,
غير مسموح للطالب الاجنبي دخول الولايات المتحدة الامريكية قبل موعد دراستة ب 30 يوم

اذا كان اول مرة يسافر لامريكا او اوربا بصفه عامة يحتاج تدقيق في معلوماتة وارتباطاتة بالاشخاص لان المعلومات ترسل الى مكتب الهجرة في امريكا ويعملو التحريات الامنية اللازمة اذا كانت امور المتقدم تمام يرسلون موافقة بطباع الفيزا للقنصلية بالسعودية ويتم طباعتها وارسالها

و ايضا اسم العائلة لة تاثير في تاخير الفيزا

الدول الي انت سافرت لها خلال الخمس سنوات الماضية تهمهم كثير لانة بعض الدول محضورة بالنسبة لهم

لا تنسى ايام الويك اند الضايعة بيننا وبينهم خميس وجمعه هنا والسبت والاحد عندهم اربعة ايام من كل اسبوع

هذا كل الي اعرفة واذا كنت غلطان اتمنى تصححوني

اتمنى التوفيق للجميع ويارب يعجلون باصدار فيزنا

تحايا

مهما كانت الاسباب ... الله يفرجها

طيب ايش اسماء العوائل اللي فيها تدقيق

.. يقول المثل { ان قام حظك باعلك واشترالك !! وان طاح حظلك ؟ لا شرالك ولا باع }

.. انا والله يحق لي يضايقني هالموضوع ..
.. ب خصوصا اني : طالب .. في سنة ثانية من الجامعة ب المملكة المتحدة .. بنوتنجهام ..

لاكن .. اراد الله : اني اقدم على السفارة الامريكية لاكمال دراستي بامريكاا

وهذا الموضوع جا : بعد .. مباردة واستشارة مع ابناء العايلة ..

وقررت ان انتقل انا وابن خالتي وابن عمي .. الى امريكااا

ولكم القصـة
.. رجع الاول : وقدم .. وجلست فيزته 9 شهور .. وجاه بعد ذلك رفض {{ تحطيم × تحطيم .. {{ دمار × دمار }}

ورجع الثاني .. : وقدم .. وبعد اسبوعين طلعت فيزته ؟؟؟؟؟؟ مع العلم ان الثاني : يكون : اخ !! الاول

.. عاد جا : دوري انا .. استبشرت خير وقلت ب ارجع :

وقدمت .. على الفيزااا ..
وانتظرت الشهر الاول : والثاني والثالث والرابع !! {{ فكرت اسحب : وارجع على بريطانيا }} بس فيه واحد صار ب امريكا : قلت خلني اصبر عشانه
وانتظرت ، الخامس والسادس : والسابع !! والثامن !! والتاسع ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تعقبدت : نفسيتي ورب البيت ..

ف قررت .. ان رمضان اخر فرصة لهم ي يعطوني جوازي : ي اسحب نفسي .. وارجع على بريطانيااا

واكثر الناس : قالوا لي .. والاغلبية ان سبب التعقيد : هو اسم { القحطاني } وكذا واحد صارت له هالمشكلةةة

لاكن اللي اشوفه .. ان فيه ناس راحت .. وان فيه : اقرباء لي كثير

ف اعتقد ان الموضوع !! مجرد " حظ "

هذا والله اعلم .. بس انا خايف يصير لي زي الاول ..

ب انجلطططططططططططططططططط

سيم سيم انـا


انا مقدم بالظبط بتــاريخ 20/2/2011 الحين احنا 16/11/2011

تسـع شهوووووور واعرف واحد توه مستلمها بأسبوع



حظ X حظ

انا لله وانا اليـه راجعون

يارب فرجها علينا وبيٌن لنـا الأمور خيرها من شرهـا

وانا مازلت منتظر لي شهر الان يارب يسر امري وامر كل مسلم

بسم الله الرحمن الرحيم
انا وصاحبي قدمنا على الفيزا مع بعض وفي نفس اليوم ورحنا على المقابله سوا وسوينا المقابله سوا
وفي نهايت المقابله هو استلم الفيزا في اليوم الثاني واناقالي بعد اسبوعين الى الآن انتظر الفيزا
والحين كملت اسبوعين ويومين بالتمام وما جاء اي رد
علما بأن كشف الحساب حقي اكثر بكثيييييييير
ودراستنا تبدأ في نفس الوقت 27/2/1012
لكن سألته عن سبب التأخير
وقالي بالحرف الواحد بعد ما اصريت عليه ((انت لازم نشيك عليك لأنك زهراني )))
وفي الاخير المكتوب بيصير واذا ما طلعت الفيزا انشاء الله انها تكون خيره

حبيبي بيانته مسجلة في المرة الاولى وجوازه منسخوخ عندهم انا لي حتى الان ثمانية اشهر غامدي واخوي بعد اسبوع اخذها