هذا ما حصل معي في السفارة الامريكية بالرياض بالتفصيل الممل

May 18th, 2010, 12:13 AM

كانت مقابلتي في السفارة الامريكية بالرياض يوم السبت الماضي 15 may وهذا ما حصل معي.
نصيحتي انكم تريحوا وتناموا قبل الموعد لكي تكونوا مستعدين للمقابلة بشكل جيد
في صباح يوم السبت الموافق 15 may استيقضت من النوم وصليت الفجر ورجعت اخذت غيلوله بعد الفجر حتى الساعة السابعة لاكن !!!!!!!!!!!!!!!التريحة ما كانت في محلها قمت وانا مدروخ جهزت نفسي بسرعة البرق لان المقابلة الساعة الثامنة والنصف. .
تعرفون زحمة الرياض تروح من اي طريق تلقاه زحمة المهم فوق هاذا كله كنت ابغا انزل اخوي العمل واخذ سيارته علشان اروح بها السفارة !!!!!!تدرون انا ماني من الرياض والا ادل الرياض زين بس ما تدري اتيسرة من الله.
خرجنا من البيت الساعة 7:10 في نص الطريق افتكرت انه المحفظة نا سيها في البيت قلت اهه من اولها كده !!!!!! وانزل اخويه واخلي ياخز تكسي واخذ السيارة وارجع اخذ المحفظة وانطلق بس بسبب نظام ساهر الي مطبقينوه في الرياض ما قدرة اتجاوز السرعة القانونية والطريق زحمة موت *المهم وصلت لتفتيش الي في مدخل السفارات والغى زحمت قلت حضي اليوم منحوس شكلها راحة عليا المقابلة !!!!!!!!! المهم جاء دوري في التفتيش سألت العسكري وين السفارة الامريكية قالي ثالث دوار يمين وامشي الين ثالث دوار والف يمين الا يجيني دوار ثاني اناضراي شي او اي لوحة مكتوب عليها السفارة الامريكية ما لقيت غير لوحة مكتوب عليها الامم المتحده مشيت من عندها يمين القا نفسي بين بيوت السفراء قلت الموعد راح عليا *المهم شويه اناضر الا اشوف التفتيش الي خشيت من عنده قلت الحمد لله ما ضعت كثير المهم بعد كذا رجعت مع نفس الطريق الين الدوار الثالث خشيت يمين قابلني الدوار الي اول طولت من عنده لقيت قدا مبنى الامم المتحده في مواقف قلت خليني اوقف فق المواقف واسأل وين السفارة !!!!!!!!!!!!!!!نزلت من السيارة اله القالك ابو هنود سالته وين السفارة الامريكية قلي هذي المواقف تبع السفارة روح طوالي تلقى السفارة وقتها لو شفتوني كيف طاير من الفرحة اخيرن وصلت بالسلامة بس كانت الساعة 8:45!!!!!!!!!!!!!
قفلت السيارة وبسرعه رحة للبوابة الرئيسية واتفاجئ بالزحمة عند البوابة العالم صافة سره واصف معاهم كان هناك شباكين كل الي فيهم هنود الاول يشيك اوراقك والثاني صندوق الامنات المهم لما جا دوري قلي وين ورقت الموعد و ورقت التسجيل الي فيها الصورة شيك عليها قلي الصورة هذي ما يقبلوها مع انه السيستم قبلها والامور كانت تمام التمام في التسجيل تدرون ليه قال كذه لاني في الصورة كنت متكشخ عقال وغتره واخر حلاوه غارو مني شكلهم !!!!!!!!!المهم ما عليكم كنت حاسب حسابي ومتصور على حسب المواصفات الي يبغوها قلي عندك صور الا اخرج الصور الي معايا شا فها قلي اوكي اخذ ورقة الموعد ورجعلي ورقت التسجيل وقلي اتفضل فرحت من كل قلبي لانه ما قلي ليش اتأخرة كان الوقت الساعة 9:00 بعد كذا روحت لشباك الي جنبه عطيتوه المفاتيح حطها في ظرف وقفل عليه واعطاني رقم علشان لما اخلص المقابلة ارجع واعطيه الرقم يرجعلي اشيائي.
بعد كده توجهة لبوابة الدخول كان هناك تفتيش شخصي زي المطار خلوني افصخ الحزام والساعة حطيتها في صندوق وخشت على الجهاز بعد كذا مريت انا من الجهاز الحمد لله بدون مشاكل جاني الهندي مرر العصاية تبع التفتيش ما لقى شي خذيت اغراضي قالي اتفضل خرجت من غرفة التفتيش القى واحد هندي
لابس بدله عسكرية ثابت ما يتحرك المهم خفت اسأله وين اروح !!!!!!!!!!!!!الا اشوف واحد قدامي مدرعم على الجهة الاخرى من المبنى درعمت وراه خشيت المبنى لقيت امه من الناس حسيت انه السعوديين كلهم مهاجرين لامريكة
ما راح يبقى احد في السعودية الله يوفقهم جميع وينالوا مبتغاهم .
بعد ما خشيت المبنه لقيت ابو هنود في وجهي قلي فيزا طالب قلتله ايوه عطاني رقم وقلي اجلس انتضر الين يقرب دورك راح انده عليك جلست انتضر مع الناس في السيب كان الهندي كل شويه ينادي 3-4 ارقام ويدخلهم للغرفة الي فيها شباك 1-2-3 احفضوها هذي تبع تشيك الاوراق قبل مقابلة القنصل المهم لمى جاء دوري دخلت الغرفة لقيت عالم جالسين ينتضروا سراهم .جلست معاهم كان باقي على سراي 15 رقم بس مشيت بسرعة لما جا دوري على شباك رقم 2 رحت اخذ مني هذي الاوراق الي هيا
1-ورقت التسجيل الي فيها الصورة
2-ورقة تسديد الرسوم من سامبا
3-الجواز
قلي الصوره الي في ورقت التسجيل غير مقبولة !!!!!!!!!!! خرجت صوره من جيبي مطابقه للمواصفات الي يبغوها شافها قلي ايوه كده تما ورجعها ليا ما اخذها !
اخذ البصمات بالجهاز الي عنده.
سألني ليش رايح امريكا؟
فين سافرة خلال الخمس سنين الماضيه؟
هل زرة امريكا قبل من قبل؟
بعد كده ختم على الاوراق ولفها مع الجواز وعطاني هيا .
الي لاحضته انه يدقق في الجواز والبيانات الي ادخلتها في السستم.
اخذت الاوراق ورحت ورحت للصالة المجاورة الي فيها الشبابيك من 4-13 اتوقع 4-5 برضوا لتشيك الاوراق اما من 6-13 لمقابلت القنصل .
للمعلومية احتفضوا بالرقم بعد ما تغلقوا من الشبابيك الاوله تبع التشيك لانه نفس الرقم راح تخش فيه المقابلة مع القنصل
بعد كده رحت جلست في الصاله لقيت عالم وزحمه قلت في نفسي شكلنا ما راح نغلق الا العصر بس الحمد لله كان السره ما شي تساهيل كان منظم السره واحد اسمر شكله امريكي بشوش كل شويه ينادي الي سراهم قرب يخليهم يجلسوا في قدام في الصفوف الاولى علشان من يوم يجي سراهم ما يتأخروه
يوم جاء رقمي رحت قدام بعد كده طلع دوري في شباك رقم 10 رحت لقيت واحد امريكي شباب حاط المايك والسماعات اشرلي ارفع السماعة لانه بيني وبينه قزاز عازل المهم رفعت السماعه وعطيته الاوراق من الفتحة الصغيرة .
بدأ يسألني الاسئله هاذي ويشيك في الكمبيوتر اتوقع انه يشيك معلومات التسجيل هل هي مطابقة للاجابات الي يسألها او لا
هذي الاسئلة:
1-هل انت الذي ادخلت بيانات التسجيل؟
2-لماذا تريد الذهاب الى امريكا؟
3-هل سبق لك الذهاب الى امريكا؟
4-ماذا تريد ان تدرس في امريكا؟
5-ما اسم الجامعة التي سوف تدرس فيها؟
6-ما هو مؤهلك الدراسي؟
7-ماذا عملت بعد التخرج؟ اذا كان هناك فتره طويله منذ التخرج
8-ما هي البلدان التي زرتها خلال الخمس سنين الماضية؟
9-من الذي سوف يتكفل بمصاريف دراستك؟
بعد كده سألني عن كشف الحساب طالع فيه ورجعه ليه ما طلب لا شهاده بنكيه ولا شي !!!!!!!!!!! بعد كده قلي فيزتك مقبوله تخلص بعد ثلاث اسابيع كتبلي ورقه خضراء وقلي وديها لفيدكس .
رحت لفدكس لقيت اثنين فلبينيين عطيتهم الورقه وعبيت البيانات ودفعة 125 حق التوصيل اتوقع انه السعر هاذا موحد لاي مدينه خارج الرياض .

بعد كده خرجت من السفاره وانا طاير من الفرح وسلامتكم

اتمنا اني افدت كل الي متخوفين من المقابلة؟
واي سؤال انا حاضر
*

• نشر عبر تويتر
• نشر عبر فيسبوك
• نشر عبر جوجل