موعدي يوم الاحد وعندي مشكله حلوها لي

أنا مافهمت ؟!!
وشلون جواز زوجك طول ماجا وانتي تبين تضيفه معك بالمقابله؟!!
عالعموم خليه يدخل معك والله يبي ييسره ان شا الله لانو مايدققون على موضوع كم شخص بالموعد
وحتى لو دققوا قولي حصل خطأ وماقدرت اصححه
وبالنسبة للدرجات والوثيقه أسأل الله إن ماحد يسألك عنه
كل التوفيق ارجوه لك

مرحباااااااااااا ياحلوه...
اول شئ عندك اصول الاوراق اللى فقديتها ولالا
اذا عندك على طول نطي للجامعة وجيبي نسخ مترجمة منها +صور طبق الاصل احتياط
ثاتيا ....اللى صار معي انهم مافكروا يسالون لا عن وثيقة ولاكشف درجات ولا شئ اهم شئ عندهم الايتونى والجوازوتسددين اللى يبغون فقط هذا اهم شئ انا كنت ماخذه كل الاوراق بس مادققوا اللى باللى قلت لك +الابليكيشن +تاكيد الموعد..تقريبا هذا اهم شئ
اما بخصوص زوجك مثل ماقلت لك روحي اذا دخلوكم بدون مشاكل الحمد لله اذا لا خلاص ارجعي وخذي موعد من اول وجديد
ومووووووووفقة يارب........

مشكورين حبايبي والله ان راسي بينفجر ....
مشكلة جواز زوجي اولا كان ضايع وهو عسكري تعرفون مسؤوليه المهم وجارا باوراقه وواسطات ولفات ودخلات
المهم يمكن كم شهر وويوم خلص اوراقه ماقدريستلمه وكل مكتب تعقيب وراعي المكتب الله لايوفقه

سرق الجواز واختفى وبعد شهرين واكثر من البحث بلغ زوجي والمهم اصدروله خطاب انو يستلم تاني

ومخلص اوراقه وكل ماراح طلعوله مصيبه ناقصته المهم ومابقي شي الا انه يستلمه مخلص خلاص الجواز
انضغط بالعمل وخاف يوكل مكتب تاني ويسرقه المهم وكل يوم مايقدر يروح لهم واليوم ماراح بدري واعطوه

خبر السبت خلاص تعال بدري واستلمه الجواز جاهز
والحين قلت بشوف اقدر اضيفه او لا لقيتهم مقفلينه ..فهمتو السالفه الله يعين ...

كل ماقول هانت جد علم جديد ...
الله يعين شكلي مابكنسل وبروح و اللي يصير يصير وبكرة بحاول ارجع للمكتب واترجم الاوراق ...

والله اني كرهت البعثه وكرهت التفكير بيها بس ما ابي اتنازل حلمي اكمل دراستي الله يعين ....

وعليكم السلام ورحمة الله وبركاته
اهلين تشيكو
حاولي تضيفية مرة واثنين وثلاثة هو شوي الموقع مخرف حبتين بس خليك وراه وراه الين تضيفيه ان شاء الله

الله يوفقك ويسهل امورك ويفرج كربك

توكلي على الله وروحي انتي وزوجك

واذا قالو شي قولي مرافق معي

مايقولون شي ابد ابد وعلى مسؤليتي بس اهم شي عبي له نموذج طلب تأشيره DS-160

وادعي ربك يوم السبت يوصل جواز زوجك وتخلصين كل شي

الشهادات الغالب مايسئلون عنها بس المسئله حظ يمكن يسئلون

اهم شي صور من الاوراق وباذن الله تكفي

والاخت شهد ماقصرت قالت كل اللي بقوله

واتمنى لك التوفيق بالبعثه يارب وزوجك الله يكون بعونه شكله مثل حالتي من مصيبه الى مصيبه

شوفي لو انت مترجمة شهاداتك عند مكتب معتمد هو بالاساس يكون حافظها على الجهاز ولا يلعب عليكي يقلك هاتي فلوس ولو قالك يكون عشرة ريال واعطيه اياه وخذي ورقكي وبالتوفيق ان شاء الله وربنا يفتحها عليكي والله العظيم كلنا ملينا من هذي البعثة واتعبتنا ونستنا الهنا بس دعواتكم
انا عندي سؤال موعدي بعد شهر ايش الاوراق اللي تجهزونها للمقابلة + كمان لازم اعبي كل شي بالنموذج زي مثلا يبغوا اثنين معرفين

اتوكلي على الله وخدي زوجك معاكي محيقولولكم شي اكيد ان شاء الله وكمان انتبهو تقولو جواز زوجك انسرق...عشان حيدققو فيها مرررررررره..انا جواز زوجي قد ضاع في نيوزيلندا بس في واحد لقاه و قام ارسلو للسفارة السعودية بس كان زوجي قيد رجع السعودية خلاص بخطاب كده زي الجواز يستعمل مره وحده..المهم السفارة السعودية في نيوزلندا ارسلو الجواز لجوازات السعودية ولما وصل الجواز كلمو زوجي وراحلهم وقالولو خلاص هذا لاغي لازم تطلع جديد...
المهم انو لما قلهم انو جوازو قد ضاع سين وجيم وما خلصنااااااااااااااااااااا ويبغو يعرفو التفاصيل ومين لقاه وكيف ضاع وفين ضاع مين كان معاك فين نزلتو على اي خطوط المهم اسئلة تربك اللي ما يتربك لوووول هذا كان بالنسبة للفيزا السياحية وما طلعت الا بعد 3 شهور واسبوع لووول

يلا موفقين يا رب

مشكورة حبيبتي سويت تكفيني دعواتكم لي الله يوفقكم ..

أخوي منصور مشكور على المرور وان شاء الله تتيسر امورنا جميعا ,

بالنسبه للموعد خلاص بروح والي يصير يصير ....

مشكورة أختي بنت طموحه على دعمك والله ما ادري انا لي يمكن سنه من ايام التدقيق مترجمتها

بس شكلي بكرة بمرة وبشوف مع انو اليوم زوجي يقولي خلاص بطلي يمكن ربي مورايد اننا نروح

بس انا مو قادرة افرط بيها والله اني طفشت من هم لهم الله يعين ...

حبيبتي أرو معقول بتاخذ الفيزا السياحيه 3 شهور الله يعين انا دراستي يوم2-8 وابغاها قبل شهر

عشان الاجازة لزوجي يبيلها اقل شي شهر الله يعين ....

اللهم فرج علي كربي وهمي ويسر امور كل متعسر ....

آمييييييين يا رب

شوفي هيا كل حالة تختلف عن حالة بس اللي عملتلنا المقابلة من يوم ما قال زوجي انو جوازو قد ضاع وهيا سؤال ورا سؤال وعشان كده يمكن طولت الفيزا بس اذا ان شاء الله صار وضعكم في السليم وما شكو فيكم زي حالتنا لووول كلها اسبوعين اجراءات وتستلمو الفيزا يا رب

عاد شوفي مع انو عندنا السياحية ورحنا امريكا اتمشينا فيها اكتر من مره دحين داخلين على الاسبوع التالت ولسا جوازاتنا مع السفارة عشان الفيزا الدراسية...الله يعيييييننا اجمعيييييييييييييين

اتوكلي على الله وروحو وان شاء الله تتسهل من عنده الكريم...