المشاركة الأصلية كتبت بواسطة د.ملحط
ارقى دَرَج والحظّ ينزل اصنصير!!
ينزل وانا من عادتـي لازم ارقـا
حظاً يعاكس خَطوتي وين ما اسير
لامن بغيت الغرب ينحـاز شرقـا
حظي بوقتي صار مثل الأعاصيـر
بينه وبيـن
الفيزا مليـون فرقـا
السلام عليكم
اسعد الله مسائكم/صباحكم
بالأمس رحت للسفارة من شان تأخير فيزتي التي استغرقت مدة طويلة
وبسببها اضطريت أأجل الدراسة
المهم أخذت اجازة من دوامي وكالعادة اخذت كرتون موز فاضي عشان احط فيه الاوراق والوثائق
لدرجة بغيت اخذ صورة امي بجلالها
جيت للشباك لقيت المصرية قلت لها انا وضعي كذا ماخلتني اكمل اف ياهي نفسية وتهاوش قالت ارسل ايميل
تذكرت المثل اللي يقول اذا صار لك عند الكلب حاجة قل له ياسيدي
شفته البارح حكيت وحكالي < شفت السوداني اللي يرد ع التيليفون
بغيت اذبحه
وبرضوا سحب علي وقال ارسل ايميل
لقيت موظف بالشباك مدري وش جنسيته يتكلم لغة عربي (هو الوحيد اللي عطاني وجه)
شرحت له الوضع قال والله ماندري وش يصير داخل
ومانقدر ندخلك
وموب انت لوحدك
قال اللي اقدر عليه استفسر هل ناقصه اوراقك او لا < طبعا بإمكانك تتصل ع السوداني تحويلة رقم 4445 ويعلمك ناقصك اوراق اولا
قال اكتب رقم جوازك ورقم جوالك ويلا مع السلامة
وزودني بعلمومة
بمجرد مايردون عليك بالعبارة القلق(تحت المعالجة الإدارية) يعني اوراقك كامله والكامل وجهه
دق علي بعد نصف ساعة من عقب طلعتي منهم وقال تحت الاجراء واوراقك كاملة < وكنك يابوزيد ماغزيت
بإختصار لاتروحون لاني صراحة ما استفدت شي رغم نشبتي لهم لدرجة المصرية قالت بتروح والا انادي الامن < نشبه
بقول لكم شي بس لاتعلمون اوك
سمعت المصرية تقول وصلت الأميرة فلانة وخلوها تنزل اغراضها عشان مايكون فيه احراج لما تنسحب منها
يعني لا واسطة ولاغيره
شفت هذيك السيارات اللي تلمع مير اعض براطم واصابع الندم واولي مدبراً لسيارتي واسحب كرتون اوراقي
يالله الحمدلله على الصحة والعافية
الموضوع مجرد تجربة حبيت اطرحها لعل البعض يستفيد ويدعي ربه ابرك من الروحة لهم
دعواتي للجميع بالتوفيق والسداد
LinkBack URL
About LinkBacks
ينزل وانا من عادتـي لازم ارقـا
حظاً يعاكس خَطوتي وين ما اسير
لامن بغيت الغرب ينحـاز شرقـا
حظي بوقتي صار مثل الأعاصيـر
بينه وبيـن الفيزا مليـون فرقـا
منت بهين طلعت شاعر وحركتات
بس الابيااااااات كذااااااا
اخيرا ياصديقي رحت السفاره لكن ضاق صدري يوم قلت ماطلعت بنتيجه
لكن عندي احساس ان فيزتك بتطلع فى الاسبوع الجاي
لكن اذا احساسي فى محله اجل العشا عليك
عاد من زمان عن المطاعم
<<<مسكين بس ياكل من البيت
وبعدين يارجال اهم شى ان اوراقك كامله والكامل وجه الله
واما سيارة الاميره ياحلاته انها تسلفنى هالسياره اسبوعين اكشخ فيها بعرسي وبعد شهرالعسل ههههههههههههههه
المهم ان الله يوفقك وهونها وتهون
والله يوفق الجميييييييييع يارب