المشاركة الأصلية كتبت بواسطة إياس
لا تعطي الموضوع بعداً آخر يا صديقي.
السفارة ستقوم باستخراج جواز آخر مؤقت بطبيعة الحال.
وعند عودتك للسعودية لن تأخذ وقتأ طويلاً صدقني أنا مقتنع من ذلك، ظروف وملابسات فقدان الجواز تختلف من إنسان إلى آخر وما يكتب هنا أو هناك خذه على سبيل الإفادة والاستئناس لا أكثر.
أخوي الكريم إياس
الله يعطيك العافيه على مجهودك . . مجهودك هذا وربي كأني لقيت جوازي
بس بقول لك شي يمكن أنت ماتدري به عن الناس قصدي الموظفين اللي يتسدحون في السفاره طال عمرك !!
أولا اللي يقول لك أن السفاره يخدمونك في مثل هذي الأمور فهو مع أإحترامي الشديد كذاب !!
اللي يسوونه لك بس إذا بغيت ترجع للسعوديه يعطونك كرت مرور كأنك واحد من البنقاليه !! لا ومايعطونك إلا بتقرير من الشرطه أنك أنسرقت !!
ثانيا: كلمت جميع المسؤولين في قسم الرعايا السعوديين !! ويقولون الحل الوحيد أنك ترجع للسعوديه !! قلت لهم يعني أقطع دراستي لمده لاتقل عن 3 أشهر ووقت البعثه محسوب علي عشان أستخراج جواز ؟ قالوا : معليش طال عمرك نعتذر منك !! قلت طيب ليه؟! قالوا والله السستم ماهو مربوط مع الداخليه ؟! قلت أنت متأكد ؟! قال أي نعممممممم متأكد !! وأكلم الوالد بحكم عمله فالداخليه قال تراه يكذب!! نظام الداخليه مربوط مع السفاره له 7 سنوات ونشتغل عليه في تلقي بلاغات السفاره!! @@ قلت أيييييييه زين
ثالثا: سجلت أسمي عشان بس أبي أقابل الملك وأعلمه بأن كلمته اللي رازينها السفاره في موقعهه على الأنترنت أنها ذهبت أدراج الرياح ولكنهم رفضوا تسجيل أسمي !! سجلوا أسماء الطلاب الضعوف اللي الواحد مايقدر يقول كلمتين ورا بعض ويستحون !! وهذا هم اللي يبونه يعني يوهمون المسؤولين بأن مافيه مشاكل !!
رابعا: هذي كلمة أبو متعب الله يطول بعمره اللي رازينها سفارتنا الموقره :
[أوصيكم بتقوى الله أولاً، ثم خدمة شعبكم لأنكم مسؤولون عن شعب المملكة العربية السعودية في كل وطن يوجد فيه أحدكم، فلا تهملوهم ولا تغلقوا الأبواب دونهم، بل قابلوهم بالرحب والسعة، لأن هؤلاء هم أبناؤكم، وإخوانكم ورجال المستقبل.] من كلمة لخادم الحرمين الشريفين
الملك عبدالله بن عبدالعزيز لسفرائه في الخارج
حرصاً علي خدمة المواطنين والمواطنات المتواجدين في كندا، سواء كانوا دارسين، أو مقيمين، أو زائرين، فإن قسم الرعايا بسفارة خادم الحرمين الشريفين في أوتاوا يتولي تقديم ما يحتاجه الرعايا من خدما قنصلية وأهمها:
إصدار الوثائق الرسمية (جوازات سفر، تذاكر مرور، شهادات ميلاد.. الخ)، إضافة إلي توفير المعلومات المختلفة بما في ذلك ما يتناول أنظمة الإقامة في كندا وكذلك تقديم المساعدة القانونية عند الحاجة ـ لا قدر الله. وسعيا من قسم الرعايا لتقديم أفضل الخدمات في جميع الأوقات ، فقد تم تخصيص خط هاتفي لهذا الغرض ، حيث يمكنكم الاتصال أثناء ساعات العمل الرسمي من الساعة التاسعة صباحاً وحتى الساعة الرابعة عصراً (بتوقيت أوتاوا) مع مراعاة فارق التوقيت ، على هذا الرقم (6132374100 تحويله 1003 والتحويلة1036 والتحويلة 1064 والتحويلة 1069 ) , وفي حالات الطوارئ و خارج أوقات الدوام الرسمي يمكنكم الاتصال على تحويلة 1070 و 1032 وترك اسمك ورقم هاتفك لمستقبل المكالمة وسوف يقوم الشخص المسئول بالاتصال بك .
ليتك والله تدري يبو متعب !! يعني لو أني ولد وزير ولا ولد أحمد السنوسي كان جاني جوازي خلال 24 ساعه
لكن لأني مواطن عادي ومسكين يقولون أذلف للسعوديه ويصير خير !!
أخوي إياس أنا أحس بالذل ورب العزه !! يعني أذا كان هذا كلام خادم الحرمين الشريفين !! وسفارتنا يقولون أرجع للسعوديه وأقطع دراستك وإنلطع 3 شهور ويمكن تطلع لك فيزا ويمكن لأ؟ بالله وش أسوي !!
ياخي خلهم يفرقون بين السائح وبين الطالب !! السائح اللي يجيك يبي يتمشى ويفلها غير عن الطالب اللي منلعن خيره فالسعوديه وينتظر تعيينه له سنين وجايك مبتعث ومخلي أومه وأبوه وأخوانه وراه يبي يخلص الماستر !! وفجأه يضيع جوازه ويقولون أقطع دراستك وخل 3 شهور تروح عليك كذا !! ياجماعه هذا مو قهر !!
أخوي إياس ترا هذا أجراء بسيط جدا وحااااجه تافهه جدا !! أنك تستخرج جواز جديد من السفاره أذا أنسرق جوازك مو أذا ضيعته !!
جيت أبي أختبر الآيلس في قلوبل فيلج-كالجري قالوا معليش الجواز الأصلي @@
جيت بطلع بطاقة التأمين الصحي قالوا الجواز الأصلي @@
ياجماعه وربي حكومتنا ماهي مقصره لكن الأشخاص اللي يتسدحون والله لاشغل ولا مشغله فالسفاره البلا منهم حسبي الله عليهم
عرفت يا إياس كيف تعامل السفاره مع رعاياها !! يا إياس والله العظيم أني سويت كل اللي علي وتعبت وأتصالات وحاله لكن لاحياة لمن تنادي !
والله ماحد وقف بصفي منهم !! وانا وحيد !!
لكن عزاي فيهم قلمي وورقتي وأبياتي
<<هذا حدنا مع السفاره
يعني كذا وأن جيت بستانس أحيان!!
وأرتاح من جور الحياة الشقيه !!
حصلت ناس(ن) تجرح الكبد..شيبان
حطوا لهم في كل حادث . . قضيّه !!
LinkBack URL
About LinkBacks
