أتت الرياح بما لاتشتهي السفن آآآآآآآآآآآآآآآآآآآآآه ؟؟؟؟؟؟؟

الله يكون بعونك ويسر امورك يارب

والله اني حاس بمعاناتك لاني مريت بنفس حالتك علما بأن الوالد متوفي والوالده موجوده والله يطول بعمرها يارب

المهم اخوي انا قبل سنه واسبوعين بالضبط استلمت وثيقه التخرج طبعا قبل التخرج كان عندنا تطبيق اجباري تطبقه

باحد شركات سابك لمده 3 شهور وتقدر تتخرج , طبعا ان شفت وضع حملة الدبلوم من الموظفين حالتهم صعبه

بغض النظر عن رواتبهم الحلوه , بس وش فايده الراتب من دون احترام .

المهم اتفقنا حنا قروب نطلع لامريكا نكمل دراستنا ولقينا جامعه تعادل ساعاتنا جهزنا اوراقنا وكل المتطلبات ووصلت القبولات

ومابقى الا موعد السفارة , وفى يوم من الايام جتنى الوالده الصباح وقالت لي كلمه صراحه ضايقتنى : انت لازم تطلع تدرس؟

انا انصدمت قلت ليه يمه ؟ قاللتي اقعد وتوظف وتزوج والدراسه مالها داعي وطلعتك برا مثل (شيلة الظرس) = (خلع الظرس)

انا وقتها قلت لها ابشري وقمت وقطعت الاوراق وقلت بلا دراسة بلا يحزنون , طبعا خلال السنه وش سويت :-

1- عملت خمس مقابلات في سابك ولا شركة قبلت فيني .
2- رحت لارامكو على اساس اقدم ببرنامج التأهيل الوظيفي طبعا قالوا لي وبكل ثقه تخصصك غير مرغوب فيه.
3- رحت لشركة شلمبرجير ورجعوني من الباب وقالوا لي قدم عن طريق النت .
4- مقدم من 9 شهور على شركة معادن ولاحس ولاخبر.
5- جاني عرض من شركة وبراتب قدره 11000 بس ادرس عندهم في الربع الخالي لمده سنتين وبشهاده خاصه فيهم واشتغل معهم لمده خمس سنوات وبعدين اقدر اتوكل واذا تركتهم اثناء الدراسة ادفع جميع الراوتب اللي دفعوها لي وراح يظل دوامي شهر دوام وشهر اجازة في الربع الخالي , ركــــــــــــــــــــز معي ( هذا الدوام طول العمر )
6- حضرت يوم المهنة اللي انعقد في جامعة الملك فهد للبترول والمعادن اللي تجتمع فيه الشركات وكلهم بفم واحد : مانبي دبلوم.
7- يعنى ياحبيبي كل اللي صار ومازلت صابر ليمن جاني الفرج ووافقت الوالده اني اكمل والحمد لله تيسرت اموري.
8- ولله الحمد اخوايي اللي طلعوا جاهم الحاق من المكرمه . (والحمد لله على كل حال )


اخوي انا كتبت لك المعاناة اللي صارت خلال سنه واحده فقط , وان شاء الله تستفيد منها, الحين شلون يوافقون الحلوين (امك وابوك)

محد راح يقنع امك والا وابوك الا الناس اللي بكبرهم , لانهم مهما كان ماراح يقتنعون بكلامك لانك انت بنظرهم مهما كبرت تراح تظل

بعينهم ولدهم الصغير , فأنصحك ياخوي انك تشتغل عليهم من الحين تجيب خوالك , عمامك , خلهم يشوفون مكالمات الفيديو على

سكايبي وقل لهم يوميا راح اكلمكم , وانت استخير ربك وتراها ياخوي فرصه ماتنعوض بشرط ان اهلك موافقين

واسئل الله العلي العظيم ان ييسر امورك وان شاء نشوفك في امريكا في اوقست

وبالوالدين إحسانا

بر الوالدين فيه اجر عظيم

والله الظاهر صكتك عين مننا اهل المنتدى

الله اكبر وماشاء الله تبارك الله

ولو انا منك استخير الله وارضى بقرار الوالدين لعل الله كتب لي الخير بسببهم

والاستخارة افضل حل في مثل هالامور

ياعمي استخير الله وناقش اهلك بالموضوع وحاول تقنعهم اذا مافي فايدة اعرف انها

خيرة لك وارضى بوظيفتك وتوكل على الله

ويارب يكتب لك اللي فيه خير وصلاح ويوفقنا معاك لما يحب ويرضى

الله يعينك اخوي ويفرج همك ويساعدك


والله مدري وش اقول بس بر الوالدين قبل كل شي وحاول تقردنهم

اولا أخوي فيهد احيي فيك رحابة صدرك وانك تشارك اخوانك همومك

الانسان في هذه الحال لايخلو من حالين الاستشارة و الاستخارة
والله انت تبي تكمل دراستك وانا كذلك وأخوان الي يشاركونا في هذا المنتدى الغالي
لكن الانسان مايدري وين الخيرة فيه يعني اذا كان في نفسك دراسه حاول انك طيب خاطر الوالده وتبين الوضع ومعاناتك مع القبول وامور الدراسة الخ

الله يكتب لك كل مافيه خير سوا في دراسة او وظيفة

أولاً أشكر جميع من ردو على جزيل الشكر وربي يوفقهم من أدلى برايئة أو تجربته
ثانياً أوعدكم إني راح آخذ إجازه وأقعد قدامهم وأحاول معهم لآخر يوم قبل الرحله وإن شاء الله أبشركم
يارب يارب يارب إنه يوفق جميع من خبطت يده على لوحة المفاتيح علشان يرد علي
تحياااااااااااااااااااااتي لكم يالغالين كلكم

ابيك تطمنى اول بأووول
ترانى كل شوي اشيك اشوف رديت علينا او لا
الله يخليلك شيبانك ويطول بعمر اميمتك

إن شاء الله أبشرك قريب لأني كلمت تلفون
وحسيت بأمل
الله يطولي عمرك
من ناحيتي أنا اليوم إظطراريه راسي ماعاد يتحمل الدوام بس الله يشرح صدري وياكم

اللهم امين
انا متفائل فيك بكل خير
الله يسمح دربك وييسر امرك

الله يوفقك ويسهل امورك