أتت الرياح بما لاتشتهي السفن آآآآآآآآآآآآآآآآآآآآآه ؟؟؟؟؟؟؟

اولا الله يشفي الوالده يارب

وماتشوف شر يارب

فرحنا لك بالفيزه وبنفس الوقت زعلنا على اللي صار

اخوي فهيد انا بقولك مثل بعض الشباب اللي ردو

الواحد يعرف ان بر الوالدين واجب ومعروف عظمت هالشي

لكن لاتتنازل عن شي انت تبيه واخذها مني نصيحة اخو لاخوه

انا ماقول عق والدينك لا انا ابي منك تحاول تسايرهم وتتفاهم معهم

والاهم في الموضوع هي الام لان قلبها حنون وهي الوحيده اللي صعب اقناعها

كلم اخوانك واهلك كلهم وتجمعو عند الوالده الله يطول بعمرها وافتحو الموضوع لها وانك تبي مستقبلك وانت تبي ترفع راسها وراس ابوك

وبعد هالشي لابد من جلسه معها على انفراد كلمها بكل شي تبيه يعني قلها هذي رغبتك وانك ماراح تنقطع عنها
وعلى اتصال معها دائماً اذا رحت

اهم شي زي ماقلت لك الام ثم الام ثم الام

الاب اقناعه شي سهل جداً

كلم احد عمانك او خوالك يكون كبير ويقنعه ويحاول يخليه يوافق
وانت قله يا ابوي انا رايح اشوف مستقبلي وباذن الله اجيب شهاده ترفع الراس
قدام جماعتي وقدام الناس كلهم

وانت يا ابوي صرفت علي عشان تبيني اصل الى اعلى المستويات والسفر لابد منه عشان اكمل دراستي
مابي اصير عاله عليك وعلى عيالي بعدين

ترى قلت لك هالكلام يافهيد لاني اعرف الشيبان عندنا وانا عتيبي وانت سبيعي وعارفين طبوع بعضنا

اتمنى من الله عز وجل ان ييسر امرك ويوافقون والدينك ويدعون لك

بالتوفيق اخوي فهيد وانتظر ردك على الموضوع والاخبار اللي تسر يارب

اخوووي
بصراحة قريت موضوعك وحبيت اعطيك رايي الشخصي .. وما عندي وقت اقرأ شنو كتبوا الأخوان واعرف انهم اكيد ما قصروا فيمكن يكون كلامي مكرر
اللي بغيت اقوله
اللي صار لك طبيعي وهذا من حبهم لك وخوفهم عليك في نفس الوقت انا اقول لو اهالينا من خوفهم علينا واحنا صغار لمن جيينا نتعلم الوقوف منعونا عشان ما نتعور من كثر الطيحات ، كان إلى يومنا الحاضر ما تعلمنا نوقف ولا نمشي ولا حتى نقعد

امريكا فيها الحلو والمر لكن الأهم بالنسبة لي اني تعلمت واثبت للناس والعالم من أنا وغير كذا شخصيتي اكثر انفتاح ، قمت اعرف كيف اتعامل مع من يختلف عني سواء في دين أو مذهب أو دولة أو لغة او لهجة
قمت انظر لأي موضوع يواجهني من زوايا مختلفة .. مو بس اللي احنا اعتدنا عليه ..تعلمت ان لكل مشكلة حل والحل بسيط .. واللي يعقد المسألة هو طريقة نظرنا وتعاملنا للموضوع

صحيح إن رضا الله من رضا الوالدين في نفس الوقت انت ما انت قاعد تسوي شي يغضب الله
تقدر تدخل تكلم اهلك وتخاطبهم باللي يحبونه والأهم بالعقل
مثال لمن جيت بقدم للطب ابووي رفض تماما ليش.؟؟
قال اختلااااط ورجال واخاف عليك وسمعتك ومافي ولد إلا بهالبلد غيري التخصص
قلت له:1- اطلبوا العلم ولو في الصين
2-الإختلاط في كل مكان حتى في اماكن العبادة مثل الحج ..واللي رح يحافظ على روحه ما يحتاج يكون محبوس في البيت ..ياما ناس مايبين منهم شعره ولايطلعون من البيت واهم تضج السموات والارضين من افعالهم.. ربيتني على الاخلاق وبأذن الله هذا حجاب لي من اي معصية بالاضافة لحجابي
3-كنا نفتخر انو العرب اساس العلم بس الحين بعض ابناء العرب مو قاعدين يكملون المشوار
4- اذا أنت يابوي مارضيت اصير طبيبة وغيرك منع بناته ..بكرا اذا مرضت او محتاجة توليد من رح يولدني ويعالجني غير رجال!!طيب الحين وين الغيرة والحمية؟؟
5-رح ادرس وارفع راسك وابيض وجهك ولا قالوا من هذي رح يرد عليهم الغير ويقول بنت ابوها وبنت فلان واهلها عرفوا من يربون
6- هذا فخر لك وللعيلة وللبلد تمشي وانت رافع الراس وبإذن الله مارح اسوي الا اللي يرضي الله ويرضيك
والحمدلله اقتنع ورضى لكن سبحان الله شاء الله اني ما ادرس طب لكن بعد تخرجي اشتغلت بمستشفى
فأنت تقدر تدخل لأهلك من هذا الجانب وانو اذا كانوا هم متدينين تقدر تقوول لهم اذا درست ونجحت انا بهالشي اثبت من انا كمسلم
اغير صورة العرب والمسلمين قدام العالم باخلاقي وتعاملي الحسن وهذا الشي يرضي الله ويكون سبب لمغفرة الوالدين
اذا كانوا يهمهم نظرة الغير لهم: ادخل لهم من باب انو هذا الشي يرفع مكانتهم قدام الناس وخصوصا انك نافست عيال البلد وعيال الغرب
شوف شنو اهتماماتهم وحاول تستخدمه في صالحك
مهم توفر لهم النت والابتوب مع الكاميرا وتعلمهم كيف يستعملون الكمبيوتر ويفتحون البرنامج اللازم فالتواصل يجبر الخواطر
وهذا انت تسمع اذا انت من اللي يلفون ويدورون عندك خيارين:
1- تقعد بالبيت ، حرام تعب امك فيك وعرق جبين ابوك عشان يحفظ كرامتك
2- انك تغير نفسك وتروضها كرمال عيون الوالدة وشيبة ابوك
في نقطة مالها دخل بس مثل ما قلت لك امريكا غيرت مفهومي لكل شي ..يقول المثل افعل ما تحب فأن لم تستطع فأحب ما تفعل..لأنو هالشي رح يحدد مصير ومسار حياتك ...وأنا اقول افعل ما يرضي والديك فأن لم تستطع فإرضهم بما تفعل

مارح اعتذر على الإطالة بل اعتذر ان كنت قصرت بما لدي
بالتوفيق

الله يكتب لنا ولك كل اللي فيه خير

استخير و وكل امرك لربك وحاول تقنع اهلك وصدقني بالاخير مارح يصير غير اللي يرضيك و يريحك باذن الله انت واهلك

الله يهدي بالك يارب

أخوي فهيد
والله بكيتنني ..وضعي ما يعلم به إلا الله وانا مرة محتاجة للهدعوة الصادقة
..مشاركاتي اقل من 30 ما اقدر ارد عليك
لك اضعاف ما دعوت لي يأ اخ العرب وسخر لك الله الارض ومن وطاها

والله شف يا اخوي انا مثلك لاكن بصوره اخف

يعني الوالده ولله الحمد تقول رح وش يقعدك
وابوي يقول وشوله

الوالد كان معارض وشوله تروح وانت موظف لك ثلاث سنين وراتبك حول 8 الاف

قلت له انا الله يطول بعمر ماني رايح اتمشى انا رايح ادرس واذكره بكلامه يوم كنا صغار
كان يقول الله الله بالدراسه ترا ما فيهه خساره

اخير وافق

وانشاءالله تزين امورك انت بعد
انصحك
قل للوالد يبه صح ان التدرسي راتبه جيد قرابه 6 اللاف لاكن لما ارجع من السفر لن يقل راتبي بحول الله عن 10 اللاف في اي شركه
اذا انت ماستر وقله انا رغبتي بالتعليم اكثر من التدريس وذكره بنصائح الملك عبدالله لطلابه المتبعثين ووعده لهم بالتنميه المستقبليه

والله يكون في عونك

طمناااااااااااا عنك اخوية

عزيزي لك تجربتي :
- رفضت وظيفة راقية جدا بعد حصولي على البكالوريوس في وزارة الصحة بمهنة أخصائي . وجاء التعيين في أول 6 أشهر من مرحلة اللغة.للأسباب التالية :
1-طموحي أولا وأخيرا تطوير النفس وهذا يشمل العلم والتجربة وغيره وغيره.
2-الاستفادة من الفرصة في التطوير وخصوصا انها بعثة وهذه فرصة لن يجدها أي مواطن في بعض الدول .والواقع ان البعثات في بعض الدول تقتصر على مبلغ بسيط يساعد الشخص للبدء في التطوير.أما هذه الفرصة شاملة كل التكاليف.
3-سأتقاضى راتب بغض النظر عن المبلغ .
4-طموحي لايقتصر على راتب يبداء من 8000 ويقف عند 18000 .الحياة تتغير كل يوم وفي اعتقادي سيكون هناك تصنيفين أجيال سابقة والأجيال القادمة .السابقة مثلا تبدأ الراواتب من 4000 الى 15000 أما القادمة 15000 فما فوق وقد أيدني دكتور في هذه النظريه ودليل ذلك زميلي في أحد الفروع الطبية من خريجي بريطانيا يتقاضى راتب 14000 كأول راتب له.

والنقطة الأهم ومع احترامي للمدرسين ولهذه المهنه ..في الوقت الحالي أعتبرها مهنه متعبة من كل النواحي وبالطبع روتينيه..والمحزن أن كل الانظمة ضد المعلم ومن صالح الطالب .انتهى عهد المعلم والضابط في رأيي..

بعض الأقرباء غلى رأس العمل في التدريس ينطقون أكثر من مليون حرف في الاجتماع العائلي الواحد لفظفظة الهموم.

تحياتي.

اخوي الله يوفقك
الاخوان ما قصروا في الردود انا حبيت اشكرهم واقول الله يوفقك
وترى الحال من بعضه انا نفس طريقتك واجلت بعثتي سنتين
واللغلط كان مني انا لاني ما مشيتهم معاي خطوة بخطوة انا صدمتهم بخصوص سفري بعد ما سويت كل شيء واكيد نتيجة الصدمة رفضوا
انصح الكل ان يتقدم مع والدية خطوة بخطوة ويبلغهم ايش جالس بسوي وايش هي الاحتمالات وخلية يتحمسون معاك ويعرفون انك مصر وعازم وان ما فية شيء يجي بالسهولة .
بكذا ما رح تلاقي صعوبة في الاخير ..

ربي ييسر امورك
ويكتب لك اللي فيه الخير وين ماكان

والاخوان ماقصروا قبلي ماقالوا الا الصحيح