استفسار بخصوص احضار جواز السفر للمقابلة

ماعندي علم
إن شاء الله مايقصروا معاك الأعضاء

السلام
طيب أخوي جوازك القديم هو منتهي ولا باقي له على سنه وينتهي ورحت جددته؟؟
رقم الجواز إللي مسجل عندك بالشهاده هل هو حق الجواز القديم او الجديد؟؟

اخوي كل اللي عليك تروح الجوازات وتطلبهم برنت عن جوازك القديم .. وعادي يكون بالعربي
والسفاره ممكن تطلبه وممكن لا ...
بالتوفيق

برنت من الأحوال

شكرا على ردودكم.

بالنسبة لجواز السفر حقي، هو انتهى من سنتين تقريبا و رحت جددته فأخذوه حقين الجوازات و أعطوني واحد ثاني بس برقم جواز مختلف عن الأول و هو اللي باستخدمه حاليا و باقيله 3 سنين على انتهاء صلاحيته.

اللي فهمته من كلامكم ان الشغلة على حسب مزاج الموظف اذا حيسأل عن الجواز القديم أو لا.

بس من باب الاحتياط راح أعمل بنصيحتكم و أطلع برنت للجواز السابق.

و أسأل الله لي و لكم التوفيق و السداد انه مجيب الدعوات.

و شكرا لكم على تجاوبكم مرة أخرى.

انا عندي نفس مشكلتك

وسمعت عن موضوع البرنت لاكن الي سمعته ان الجوازات مايعطون برنت الالما يكون معك خطاب موجه من اي جهه للجوازات بطلب برنت


اتمنى اذا احد عنده معلومة يفيدنا

بس اخوي ياليت تعلمني متى موعدك بالسفاره؟

انا موعدي 21 اوقست

و الله هذي معلومة جديدة!!!

الله يستر ان كانت صحيحة

يا ليت الاخوان ينورونا في الموضوع.

على العموم انا رايح لهم بكرة و أشوف ايش الهرجة.



أنا موعدي 26 يوليو (بعد بكرة) بالقنصلية الأمريكية بجدة.

والله يا اخوان انا جددت جوازي وباقي فيه سنه وينتهي ونسيت اخذ القديم و رجعت لهم ثالث يوم يعني بعد ما استلمت الجواز الجديد بيوم ونشبت لهم ولطعوني لين صلات الظهر حتى عطوني جوازي القديم طبعا مخرم. المهم مع الربشه جهزت اوراقي وسافرت من جده للرياض ولا يطري علي الجواز القديم إللى ونا خارج من مطار الرياض يوم الثلوث 6 جولاي والمقابله كانت اليوم الي بعده, قلت على الله الي كاتبه ربنا بيصير.
وقت المقابله سألني وين جوازك الي قبل هذا؟ قلت نسيته لكن معي صوره, واعطيه الصوره وياليت حتى قدر يقرى الارقام عشان الصوره ما كانت واضحة. بعدين قال وين الجواز الي قبله ؟ قلت بإستغراب. الي قبله ؟ قال ايه الي قبل الي نسيته. قلت اخذوه الجوازات يوم جددت.
وهذا كان كل الحوار المتعلق بالجواز
المقابله كانت يوم 7 جولاي
شباك رقم 9
الساعة 9 ونص