الضمان المالي وش لازم يكون مكتوب فيه

اخوي الضمان المالي امرها سهل بس
جمع مبلغ وقدره في حسابك ( ممكن تاخذ المبلغ من قريبك اوابوك اوخوييك وقلهم شغلتها ممكن يوم واحد بس ويرجع المبلغ يعني بس شغلت اصدار ورقة بس ) وقل للبنك يصدرون لك شهادة بنكية باللغة الي تبيها وبالعملة الي تبيها يعني اذا كنت رايح لامريكا اكيد باللغة الانجليزية والعملة الدولار
ومايحتاج تصدقها من الغرفة التجارية بس ختم البنك كافي
واذا اصدرو لك الشهادة رجع المبالغ لاصحابها وبس
وانتبه قبل لا تروح للبنك يكون معك صوره للجواز لمطابقة الاسم فقط واسم الجامعه الي ناوي تدرس فيها وبس والله يوفقك

مثل ماتفضل اخوي sa11ad ,,, بزيادة ان لا يشترط كتابة اسم الجامعة ,,, ومنها تستفيد تعدد الاستخدام لاكثر من جامعة او معهد ,, واتمنى لك التوفيق ,,

مافهمتوني اقصد ورقه للسفاره السفاره يبون ورقه كشف حساب او ضمان مالي
الشهاده البنكيه خلصت منها منذ قرن من الزمان ههههههههههه


اخوكم مغلوب على امره

اخوي ممكن انت ما فهمت وش الفرق بين الضمان المالي والشهادة البنكية
الضمان المالي بما معناه ان فيه جهة حكومية او جهة خاصة تضمن المصاريف الدراسية مثل الطلاب المقبوليين في برنامج خادم الحرمين الشريفين لابتعاث او موظف في شركة او حكومة

الشهادة البنكية هو الشخص الي يبي يدرس على حسابه الخاص
يعني لو رحت للمقابله يبي يسئلك من الي يبي يدفع لك المصاريف الماليه
اذا كنت على حساب التعليم العالي او شركة او مؤسسة تعطيهم ورقة الضمان المالي من الجهة الي اصدرته منهم
اما اذا كنت على حسابك الشخصي يطلبون منك شهادة بنكية او كشف حساب ثلاث شهور
وانت شكلك على حسابك الخاص فاورقة الشهادة البنكية كافيه وزد عليها كشف حساب ثلاث شهور وخلاص

والله يوفقك

رصيدك في البنك كم ومن متى وانت معهم في البنك وبس
وانت اصلا يوم ما تروح البنك وتقولهم ابي شهاده بنكيه للسفاره الأمريكيه
يعطونك ياها .

بالتوفيق

يعطيكم الف عافيه اللحين فهمت طيب عندي شهاده بنكيه ب 100 الف ريال موجهه للجامعه ينفع اوديها للسفاره ؟؟ او لازم اجيب شهاده بنكيه موجهه للسفاره ؟؟

مغلوب على امره

ياجماعة عندي سؤالين؟؟

اللي معاه شهادة بنكية من بنك العربي هل هو مقبول ،،علماً أن الحساب حاطه بأسمي وأخاف وقت المقابلة يسألوني من اللي راح يتكفل في دراستك ،،أكيد بقول الوالد وبيطلبون الشهادة البنكية بس هل تنفع الشهادة البنكية اللي بأسمي ،، علماً أن المبلغ بالسعودي وليس بالدولار،

ياجماعة الشهادة البنكية وكشف الحساب قديم من شهر 5 هجري بينفع ولا لا وكشف الحساب مدته سته أشهر من شهر 5 وماوراه .

أنا بالمقابلة قالي من يتكفل بمصاريفك

قلت انا قال انت ولا ابوك فيه فرق سألني لاني صغير ع امتلاك مبلغ

قالي عندك شي يثبت قلت يس قال عطني كشف حساب ثلاث اشهر عطيته الكشف وشهاده بنكية وكلها جديدة رجع لي الشهاده حتى ماطالع فيها

طبعاً طالع الاسم اللي بكشف الحساب وفتح ع آخر صفحه وشاف التاريخ والمبلغ والحمد الله طلعت فيزتي

بس شفته يخانق وحده وبالقوة مشالها كشف الحساب لان صاير له اكثر من 20يوم قال جيبي جديد وطالخ طيخ لحد مامشالها


وأنا واصحابي كل مبالغنا بالريال وكلنا ولله الحمد طلعت تأشيراتنا وماتأخرت