الله يرحم أم أمكم ، تعالوا أشرحولي شيء ، والله من كثر الردود المختلفه تلخبطت

اخوي بما انك على حسابك الخاص فا تروح للبنك وتطلب منهم (شهادة بنكية) برصيدك

ان عندك مبلغ كذا وكذا في حسابك او حساب والدك او غيره وعاده يفضل اكثر من 32 الف دولار امريكي ،،،


اما الضمان المالي فهذا ان تضمن لهم مبلغ معين يصير تحت تصرفهم ( يعني يحجز عليك ) وهذا ليس مطلوب منك ابدا ابدا ،،،


وبما انك مقدم على جامعة ومعهد يطلب منك شهادة بنكية بالرصيد ويفضل مثل ما قلت لك 32 الف دولار ،،

وكذلك لمقابلة السفاره الامريكية يجب احضار الشهادة البنكية .. واهم شي تكون الورقة الاصلية معك

وكشف الحساب 3 اشهر ترا ماهو لازم ولا يطلبونه منك خير شر .. لاني مقدم على جامعة ومعهد وسويت المقابلة ولا طلبوا مني كشف حساب .

واتمنى لك التوفيق ان شاء الله

اخوي الضمان المالي لو طلعته من حسابك الخاص يعني ان المبلغ الي بالضمان ولا تستطيع انت صاحب الحساب التصرف فيه إلى بإشعار من الجهة المعنية بالظمان المالي الي انت سويته اما الشهاده البنكية فهي اقرار من البنك بان فلان الفلاني يوجد في حسابه مبلغ كذا وكذا ساعة اصدار الشهادة ولا يكون للشهادة البنكية اي تأثير على حسابك

بالنسبه للطلبه الي بيدرسون على حسابهم الخاص زي حالتنا - الله يعين - يجيبون شهاده بنكية + كشف حساب عن اخر ثلاث شهور للحساب الي صدرة له الشهادة البنكية وبالشهاده نفسها يجيب قبول I-20 وياخذها معه في المقابلة مع كشف الحساب.

اما الطلبه المبتعثين فبدل الشهاده البنكية يعطون الظمان البنكي ولكن استخدامهم له من حيث الحصول على قبول و ضرورة احضارة في المقابلة مثل الشهادة البنكية للدارسين على حسابهم.

انا تعمدت اطيل الشرح لأني كنت اعاني من اللخبطه بين الاثنين حتى الحمد لله عرفت الفرق الان.


بالتوفيق ان شاء الله

رحم الله والدينا والديك

اخوي بالنسبة لضمان المالي هو عبارة عن ضمان مالي من جهة معينه مثل التعليم العالي او مؤسسة او شركة تضمن لك المصاريف الماليه للدراسة او بما معنى ( على حساب الحكومه او شركات)

اما الشهادة البنكية هو خطاب من البنك الي حسابك موجود فيه يوضح كم عندك فلوس بحسابك واكيد انت راح تطلب من البنك انهم يصدرون لك الخطاب باللغة الانجليزية وبالعملة الدولار يعني انت اتجه للبنك اذا كنت ما اصدرت الشهادة البنكية وقلهم ابي شهادة بنكية باللغة الانجليزية والعملة الدولار
والكشف الحساب ثلاث شهور هو يكشف جميع العمليات المصرفية الي بحسابك لثلاثة شهور وراء

ممكن تقول ليش يطلبون الشهادة البنكية او الضمان المالي بالجامعه او المعهد او السفارة

اذا قدمت على الجامعه او المعهد او السفارة يبون يسئلونك على حسابك الخاص ولا حساب دوله
اذا كنت تملك الضمان المالي(وانشاء الله نملكه بأذن الله تعالى) تعطيهم ورقة الضمان المالي
واذا كنت على حسابك الخاص تعطيهم الشهادة البنكية وكشف حساب ثلاث شهور وبس

ودعواتكم لي بالتوفيق رحلتي الاسبوع الجاي

افادوك الأخوان ولكن عندي اضافه وهي ان الجامعه او المعهد مالهم دخل في كشف الحساب هم يبون شهادة بنكية فقط لا غير اما السفاره يحتاجون كشف الحساب واحيانا يسألون عن الشهاده البنكية وبالتوفيق

انت المطلوب منك شهادة بنكية (ميزتها تقدر تسحب المبلغ بعد استخراجها من البنك فوراً)

طبعاً هذة مطلوبة لمعهد اللغة والجامعة والسفارة كلها نفس الشهادة تكفي .


اما الضمان المالي هذا شيء ثاني (اذا استخرجته من البنك معناه انه يحجز المبلغ عنده حتى نهاية الدراسة) وطبعاً هذا غير مطلوب


كشف حساب لمدة 3 شهور او ستة شهور (بعض الجامعات تطلب 6 شهور) هذة عشان يتأكدوا نه عندك قدرة مالية فعلاً . لكن بصراحة قليل جداً من الجامعات اللي تطلبها .
اما السفارة فتطلبها عشان تتأكد انك ناوي ترجع لبلدك بعد استكمال الدراسة لانهم يعتبروها سبب مقنع لهم انك مرتبط بهذا البلد ارتباط قوي (وغالباً مايطلبوها منك) لكن انت خذها احتياط .

انا اودعت المبلغ يوم السبت واستخرجت الشهادة يوم الاحد ومعاها كشف حساب لمدة 3 اشهر . (يعني عادي لو طلع المبلغ في آآآآخر الكشف ماعندك مشكلة بالنسبة للسفارة) .


الله يوفقك

الله يوفقك وياي..
طيب أخوي ، ألحين الجامعة والمعهد يطلبون الشهادة البنكية فقط ، وبالنسبة لـ كشف حساب لاخر ثلاث شهور للسفارة . سؤالي هنا : متى أطلع كشف حساب لاخر ثلاث شهور ، يعني هل بعد مااخذ موعد من السفارة ، والا عادي سواء قبل أو بعد ماتفرق ؟
واذا جيت أطلع الشهادة البنكية ، وش الاوراق اللي لازم اخذها معي للبنك ؟
نفس السؤال بالنسبة لكشف الحساب لاخر ثلاث شهور..؟

طبعا المبلغ اللي بتحطه في الرصيد هذا لك ولا من احد من اهلك ؟؟

اذا هذا لك عادي قبل المقابله بيومين تسوي كشف الحساب لاخر ثلاثه شهور

ااما مو لك المبلغ بس تسوي الاجرائات شكليا تسويها كشف الحساب والشهاده البنكيه في نفس الوقت وبعدها تحول المبلغ للشخص اللي سلفك ياه وخلاص

بعد اذن الاخ عازف الليل

بالنسبه لكشف الحساب طلعه اذا قرب الموعد مع انها ما تفرق انا طلعت الشهاده البنكيه وكشف الحساب في نفس ليوم وسويت المقابله بعدها بشهرين تقريبا.

اما بالنسبه للشهاده البنكيه وكشف الحساب كيف تطلعهم, المسأله بسيطه.
روح للبنك وعند خدمة العملاء قوله ابي شهاده بنكيه وكشف حساب اخر ثلاثة شهور راح يطلب منك رقم الحساب وبطاقة الاحوال ويطبع لك كشف الحساب وراح يقول لك اكتب ورقه مثل الطلب بخط اليد انك تبي شهاده بنكيه موجهة لكذا وكذا ولا تنسى تكتب في اللب انك تبي الشهاده باللغة الإنجليزيه وركز على الموضف انها تكون بالإنجليزي, راح يقول لك عطني الجواز و بالكثير نص ساعه ويعطيك الشهاده البنكية.

لا تنسى الجواز

الله يوفقك

عسى ربي يوفقك ، ويفتحها عليك يااااارب ياكريم..