استفسار في مكتب عرض علي موعد قريب جدا بـ500 هل هو صادق ؟

ياخوي انت غلطان لو تاخذه انا بقولك شغله

انا دخلت يوم 22 اوقست على موقع حجز المواعيد ابغى احجز موعد فشفت اقرب موعد يوم 18 سبتمبر يعني بعد شهر و حجزته
ولكن كل 10 دقايق اشيك على المواعيد اقول يمكن واحد يكنسل موعده وانا اخذه وصج حصلت واحد كنسل وكنسلت موعدي وخذيت الموعد المكنسل وكان موعدي 25 اوقست


يعني انت شوف احجز اقرب موعد طيب وكل حدث الصفحة لين واحد يكنسل اللي يكنسلون كثير


والله يوفقك انشاء الله

اخوي انا امس منزل مواعيد محدثه كان فيه بيوم 1 سبتمبر وكذلك 7 وكذلك 5 وكذلك 8 ابدر شي انا مثلك موعد دراستي باكتوبر
خذيت موعد في سبتمبر 18 عموما لو حاب احدث كل يوم ابشر اهم شي يوزرك موجود وبينا اتصال

خله يبله ويشرب مويته قال 500 قال !!

مصيره يكنسله ويحجز غيره وهو مايشوف الدرب وجعله من جرف الى دحديره والله لا يربحه اذا يبي يستغل حاجة الناس لصالحه

يالغالي خويي قبل يومين عبينا الأبلكيشن DS-160 وبعد ما خلصنا نبي نحجز موعد ولا لقينا الا يوم 18 سبتمبر وموعد دراسه 13 اكتوبر المهم جلسنا نحدث لين لقينا موعد يوم 1 سبتمبر وتيسرت الحمد لله

انت حدث بإستمرار وان شاء الله تلقى بدون ما تحتاج للأشكال هذي .. ولو انه قال بـ 45 قيمة اليوزر اللي دافع قيمته نقول مو مشكله لكن 500 !! خيييييييييير ان شاء الله !!

الشبابا كفو ووفو
يعني حرام تدفع له 500 ريال وانت لو تجلس على النت وتحدث صفجت المواعيد كل شوي اكيد راح تلفى موعد
واكبر دليل تجارب الشباب الي ردو قبلي
والله يكون في عونك

لا تعطيه شي .. حدث كل شوي .. الا ماتحصل وقت قريب .. انا يوم الاحد الماضي محدث صفحه المواعيد ولقيت موعد الاربعاء هذا ..

بالعربي حدث

حبيبي

انا عندي لك الحل

فيه مكتب انا تعاملت معاه في الرياض

ترا كل الدعوه 250 ريال مع رسوم المقابله


اذا موعد دراستك قريب تقدر تطلب مقابله اضطراريه

ويعطونك موعد قريب

بدون نصب مكاتب

تقدر تحطها اضطراريه

صح انها ظلم 500 ريال

لكن اذا كنت اشيك على طول ولا لقيت مواعيد وموعد الدراسه قرب ويش اسوي

الله يعيني على المكاتب بشوف المكتب الي يجيب اقرب موعد واخذه لان وقتي ضيق بالنسبه لي هذا الي صار معي

شفت مكتب وقال500 قلت خلاص وقبل الموعد بيوم جيته وعبى الابلكيشنات ويوم جا الحساب ناقصته في المبلغ

نزله لـ400 يعني الـ400نقص منها

45 طلع ربحه 355 ريال عليه بالعافيه بس فكني من وجع الراس والحمد لله طلعت الفيزه

بس انت انشاء الله ماتحتاج المكاتب دام ان عطران الشوارب موجودين وانشاء الله مايقصرون معك

تقبلوا مروري

صح عليك .. كلام 100 %

ياصديقي انا اشتريت موعد بـ 500 ريال وخلصت امور المقابلة

فنصيحة لاتنتظر لأن امور التأشيرة صارت تتأخر هاليومين وممكن ماتطلع تأشيرتك إلا موعد دراستك رايح عليك