استفسار الشهاده البنكيه والله يستر منها ؟

لو كتبت انك طالع على حساب ابوك احسن من ان المتاهات ههههه

عموما الضمان البنكي او كشف الحساب نادرا ما يسألون عنه

يعني ان شاء الله امورك ميسره


وعلى فكره لو حبيت تغير وتحط على حساب ابوك

ترا مسموح لك تعدل في الابلكيشن قبل موعد محدد حاطينه لك

عاد سوينا الشهاده البنكيه باسمي وراحت لاني بصراحه ماتوقعت ابد بيكون فيه صعوبات لاسمح الله ولا عاد اقدر اغير الشهاده

ولا شي خبرك الحين سكرو البنوك وغير كذا ماعاد باقي شي على الموعد وبعد الاي توني حقي مكتوب فيه المبلغ اللي بالشهاده

البنكيه يعني لو بغير بينحاس كل اموري ولا عاد باقيلي شي على الموعد ثلاث ايام وشوي بس

بس ماقلتلي اخوي وش رايك انت باللي اقوله لهم زين ولا فيه احسن منه ؟

ويااااليت ياااليت اخوي تقولي وين الاقي اخر تاريخ اعدل بالابلكيشن كيف اعرف ولو عدلت تتغير صفحة التأكيد ولا لا ؟

والله يعطيك العافيه اخوي

يالغالي عاطل يصير فيها شكوك عندهم

بس انت في الابلكيشن وش عبيت؟

شف يالغالي احد من اخوياك عنده مؤسسه او مكتب عقار

يكتب لك فيها ورقة تعريف انك اشتغلت عنده اي شي معقب او محصل او سكرتير اي شي من يوم ماتخرجت وبراتب معين

ويحط عليها ختم وتوقيع ورح ترجمها وخلاص تمشي امورك


الله يوفقك وييسر امرك يالغالي

اخوي انا كانت الشهادة البنكية باسمي وعند المقابله سال عن من الي راح يدفع المصاريف قلت العائله واعطيته الشهادة البنكية ورجعه لي وبس يعني ما سال من وين الفلوس ولا غيررره

يعني اتوقع والله اعلم انه ما يسئلك من وين جبت الفلوس ولا غيرررره هو اكبر همه انك عندك فلوس للدراسة وبس والورقة تثبت ذلك

والله ييسر امورك

انا مطلع الضمان المالي بأسمي ومبلغ ميه الف ريال , مقابلتي بعد بكره بإذن الله

بس انا جهزت كشف حساب من الوالد لمدة ثلاث شهور عشان لو قالو لي من راح يتكفل بالمصاريف بقول انا معي هذا المبلغ واذا احتجت شي الوالد راح يساعدني وهذا كشف حساب منه

اعتقد لو تاخذ كشف حساب من ابوك يكون افضل وبإذن الله يقبلونك وتجيك

والله ما ادري وش اقول ولكن الله يسهلها ان شاء الله علينا وعلى كل واحد ناوي يبتعث