مقابلة للسفارة

July 3rd, 2007, 11:29 AM

السلام عليكم ورحمة الله ....
تحية طيبة لجميع اعضاء وزوار المنتدى وشخباركم ... حبيت اكتبلكم اليوم قصتي بمقابلة السفر وهي بكل بساطه انه في يوم الثلاثاء 3/7 رحت للسفارة الساعه خمسة الفجر طبعاً استمتعت بالمشوار بسبب انه الشوارع فاضية ووصلت الساعه خمسة ونص طبعا البوابة مقفلة ورحت عن طريق البوابة الثانية ولقيت عساكر فكلمتهم انه عندي مقابلة طبعا رفضوا اني ادخل قبل ستة ونص طبعا انتظرت للساعة ستة ونص:123:: وطبعا توقعت اني راح اكون اول واحد لكن تفاجئت انه قبلى فلبينيه وواحد شكلة تركي الي مستغرب منه متى دخلوا ,,, المهم انتظرنا للساعة 7 وبعدها جت وحده شقراء وقامت تشيك على الاوراق واي شخص عنده نقص تطلب انه يكمله وثم وصلني الدور والحمد الله كانت اوراقي مظبوطه ثم قبل الدخول للسفارة يطلبون اي جهاز الكتروني او جوال ويحطونه بظرف صغير وبعدها تدخل السفارة ويتم التفتيش طبعا تمرر كل اوراقك واغراضك بجهاز بالاضافة للحذاء - وانتم بكرامة - وبعدها تدخل مع بوابة ثانية ويشيكون مره ثانيه بس بالمرور بالبوابة الالكترونية وبعدها دخلنا السفارة وعطونا ارقام وجلسنا ننتظر للساعة 8 وجاء دوري وشيك موظف اعتقد والله اعلم انه سعودي موظف بالسفارة بالتشيك على الاوراق وبعدها اخذت رقم ثاني وانتظرت لين الساعة 9 وبعدها بدات المقابلة وخلال ربع ساعة جاء دوري وتم سؤالي عدة اسئلة مثل متى تخرجت من الثانويه وش سويت بعدها وين تشتغل وش هي طبيعة عمل هل سافرت سوريا او العراق او الكويت او قطر او اليمن في احد يقربلك بامريكا .. انت اخترت الجامعة او الوزارة ليش اخترت امريكا متزوج او لا وبالاخير سالتني نرسل جوازك بالفيدكس او تاخذه بنفسك فقلت انا بالرياض واستلمة بنفسي فاعطتني كرت لونة تقريبا بيج :115: وختمت علية التاريه وكتبت رقم الجواز من وراى وقالت تعال بعد اسبوعين انشاء الله - طبعا كان موجود مترجم لان لغتي الانجليزية تعبانة - هذا والله اعلم وباذن الله بعد اسبوعين لنا موعد اخر

• نشر عبر تويتر
• نشر عبر فيسبوك
• نشر عبر جوجل