استفسار حاله نادره بخصوص (المخطوبه) أرجو المساعده ؟؟؟؟؟؟؟

موفقة ان شاء الله

أتمنى لك التوفيق والتيسير

انتي نفس وضعي

انا راجع الكريسمس اتزوج

وان شاء الله اقدر افيدك لاني حايس في هذا الموضوع اكثر من 3 شهور !!!!

انتي ماعندك خيار غير f1

انا عندي عقد نكاح ونفس المشكله ماقدرت استخرج ايتوني f2 رافضين !!

لازم تجيبي كشف حساب وتقدمي لحالك كأنك على حسابك وتعطي كشف الحساب لزوجك يجيبلك الايتوني من الجامعه او المعهد

حتى عقد النكاح مايمشي وش اللي يبغون بالظبط كرت عايله
والله يحسسوني كني بستاجر شقه
ممكن تفيدني أكثر
بخصوص جواز حرمتك إذا دخل إسمك فيه يتغير رقم الجواز أولا

أنا كنت أبغى أطلع لزوجتي آيتويني مرافق.. وكلمت المعهد بالتليفون وأرسلت له بالإيميل(بيانات جواز زوجتي) يعني حتى ما أرسلت له صورة الجواز.. بس البيانات (الاسم وتاريخ الميلاد وتاريخ إصدار وانتهاء الجواز ورقمه ومكان الإصدار والجنسية....)

وطلعه لي في نفس اليوم وأرسل لي صورته بالسكانر..
ما طلب مني أي إثبات إنها زوجتي..


فالموضوع سهل لكن خليه يحاول من ناحية ثانية أو يكلم شخص ثاني..
أنا قلت لهم إن إجراءات الفيزا عندنا في السعودية تتأخر، وأنا شاكر لتعاملكم اللطيف ومن هالكلام.. وبعدين أبي منكم تصدرون لهالآيتويني واحد ثاني لمرافقي زوجتي..

خليه يراسلهم وبس.. حتى لو كان عندهم..
أو يروح لأكثر من شخص.. مسؤول الطلبة الدوليين وغيره..

إن شاء الله بيلقى حل لها المشكلة..
وممكن يقول لهم إن العقد بيكون في ديسمبر لكن هو يبغاك تطلعين الفيزا قبل ما يسافر عشان ما تتأخرون لأن السفارة الأمريكية تكون مسكرة في الكريسماس..

لكن انتبهي تطلعين F1 وأنتي ما تبين تدرسين..
لأنها إلزامي بتدرسين بها..

أريح شي للي ما تبي تدرس F2.. وتقدر تدرس نصف دوام أو ترتبون مع المعهد أو المركز الإسلامي تجيك مدرسة إنجليزي في البيت أوقات معينه..


ترا إجراءات الفيزا معقدة..
السياحية لها إجراءات خاصة وكذلك الدراسية..
فانتي طلعي اللي بتستمر معك على طول..
لا تخاطرين بها الشي..

وبالتوفيق..

السلام عليكم أخوي ...

انا أخالفك الرأي مليون بالمية بالنقطة الأخيرة اللي قلتها ...

بسبب أنه السفارة اللحين صارت زي شربة الموية مع الطلاب السعوديين خاصة الحمد لله ...

فياليت اذا انت طالع من زمن مو قريب لا تحكم على الماضي ...

انا معاك ان الماضي كانت معقدة أجرائات السفارة ...

لا حالياً الحمد لله كلها تمشي بالسهولة ان شاء الله وتعاملهم مع الطلاب السعوديين خاصة راااقي جداً ...

والأمثلة كثيرة ...

أبحث في المنتدى الطلاب اللي قابلوا في السفارة من قبل شهرين وأنت جاي ...

بتحصلهم كلهم طلعوا مرتاحين الحمد لله ... والله يوفق الجميع ...

فيا أختي والله أمور السفارة بسيييييييييييييييطة جداً ان شاء الله وتتذكري كلامي بعد ما تتنتهي المقابلة ... بس توكلي على الله وصلي لك ركعتين وأموركي بالسليم ...

وتأكدي من موضوعك ايش يحتاجون وووإلخ ...

أتمنى أكون أفدتك أختي ...

ولا تزعل أخوي مجرد رأي وأنا وطلاب كثير أعرفهم من قريب يشيدوا بتعامل السفارة ... وسرعة الإجرائات ...

موفقين خير ... ولا تتضايق ... واذا بتزعل حقك علي ... لأن اللي يبي يروح السفارة مو محتاج تحطيم ومعقدين ووووإلخ ...

يحتاج معنويات وهاذي الحقيقة مو مجاملة في السفارة ...

وعسى الله يوفق جميع طلابنا ...

فمان الله ...

ودي ...

ما أقول الأ الله يوفقكم دنيا وآخره ولكن لا زال بصيص الأمل يقبل
ومشكورين يالغااااااااااااااااااااااااااالين

تحيه خاااااااااااااااصه

آآآآمين وياكي يارب ...

اذا للحين ما عرفتي الإجابة علميني ... أعرف واحد يزبط أوراق للسفارة ... شخص كبير ... علميني أسأله أو عرفتي شتسوين ...

ودي ....

شكرا على أخلاقك الراقية..

أنا أتكلم عن السفارة وتعقيداتها من ناحية كثرة الأوراق المطلوبة..
انا توني مطلع الفيزا من 13 يوم.. وكل شي كان تمام الحمد لله وتعاملهم كان ممتاز..
المقابلة سهلة جدا الحمد لله..
لكن كان جمع الأوراق وطلب تاريخ الآيتويني وأنا ما ادري كم بتتأخر أوراقي في السفارة متعب لنا..
أنا ما رحت إلا وأوراقي كلها تمام الحمد لله

وبالنسبة لأنهم في الشهرين الأخيرة تغيروا صحيح.. لكن الضغط خف عليهم جدا..
وما تزال قنصلية جدة غير..
وشهرين شي ما نحكم به على سفارة أمام عدة سنوات..




لكن كل يتيسر بإذن الله..
وتنبيهي على عدم التهاون في مدة استخراج التأشيرة..

وإذا كان كلامي يؤثر أو يحطم أنا آسف..
وكل قصدي الاستعداد المبكر وإتمام كل الأوراق قبل السفارة..
بعد كذا كل شي بيكون تمام وبييسره الله..

وشكرا مجددا على ردك..
وأسلوبك الراقي..

ياحبيبتي والله للحين ماني عارفه وش أسوي F1 تعقيد ولا راح أقدم عليها F2 لازم خطيبي ياخذ لي الآيتوني
لكن هل أنا أقدر أسوي مقابله بدون آيتوني وإذا جاء زوجي وطلعنا كرت عايله نرسله للجامعه وناخذ الآيتوني ونرسله للسفارة وإلا مايقبلون أسوي المقابله بدون آيتوني