استفسار حاله نادره بخصوص (المخطوبه) أرجو المساعده ؟؟؟؟؟؟؟

يا أختي مشكوره على مساعدتك وماقصرتي يالغاليه
بس من ناحة الفيزه السياحيه زي ماقال الأخ أعرف نظامها زي ماأعرف أبويه بالنسبه لأمريكا 6 شهور ولازم تطلع من أمريكا وإلا مسكوك من إذنك وسوو بك (بوم آس) يعني شاتوك شوت ههههههه

ياعيني عليك يعترفو بكرت العايله المترجم أدري مالهم دخل بكرت العايله الأصلي لأنهم ماهوم هيئة المعروف والنهي عن المنكر
برضه بعض أو أكثر المأجرين للسكن يطلبون هذا الإثبات

أيييييييييييوه بس هنا أنت عندك مصيبه كبر السماء على الأرض قل وش هي لأنك ماتعرف الأمقريشن وش دخلهم؟؟؟؟؟
الأمقريشن ياحبيبي هذا الشخص اللي يوقع على الآيتوني حقك طالع في التوقيع اللي في الآيتوني وشف إسم الشخص هذا الشخص المسئول عنك في أمريكا يعني بأختصااااار (كفيلك أو كفيلتك أو عمك أو عمتك) يعني سبحان الله كنت تكفل الهنود والبنقاليه واليوم تكفل أنت يالله هذا حال الدنياء
وهذا الموظف مايطلع أي آيتوني إلا عن طريقه وفي نفس الوقت هو موظف تبع الدوله وليس تبع الجامعه ولا تنسى إن هذا الموظف ماتطلع من أمريكا إجازه حتى يوقع لك في الآيتوني يعني يعطيك تأشيرة خروج زيك زي البنقالي لاتقعد تهايط وتقولي أنا سعودي ومدري أيش هذا في السعوديه
لا وأزيدك من الشعر بيت الموظف هذا المسئول عنك توقع في أي لحظه لو باقي لك يوم وتتخرج يشوتك على بلد وبدون مايتكلم معك
أعرف زميلتي بخاريه زي ما أعرف أمي وأبوي جوها الأ FPI وأخذو اخوها وشاتوه على السعوديه قل ليش ؟؟
لأنه غير عنوانه بس ولا أعطاهم خبر لأن فيه تعهد توقع عليه إذا غيرت عنوانك تعطي الأمقريشن خبر

تحياتي أخي ترى ماقصدي أخوفك بس على شان أوصل لك المعلومه الصحيحه اللي راح تلقاها يوم من الأيام بنفسك

الي اعرفه اسم الشخص الي تحت وموقع على الايتوني موظف المعهد الي مطلع الايتوني

ويرسلوا نسخه منه الى الامقريشن

حتى اذا اصدرتي قبول ثاني من نفس المعهد تلاقي نفس اسم الشخص وتوقيعه

مو معقول مافي في الامقريشن الا هذا الموظف !!!

وعلشان كذا دايما اذا اصدرت ايتوني ثاني من معهد ثاني لازم تلغيه لانه اترسل للامقريشن بس

نسيت اقلك على كرت العايله

ترى يبغوا كونترااااااااااااااكت يعني عقد النكااااااح

لا ياحبيبي مع إحترامي لك هذا موظف الأمقريشن موجود لدى كل جامعه ومسئوول مسئوليه تامه عن الطلبه اللي يدخلون عن طريقه
ويعمل عادتةً بارت تايم للجامعه ولوترح على المطار بتطلع من أمريكا طبعاً لازم تمر على موضف الأمقريشن في المطار يسجل لك خروج إذا شاف الآيتوني ماوقع لك الموظف حقهم اللي تبع الجامعه خروج تروح في مشاكل (إيتنق هي) يعني تاكل تبن
ما اتكلم من فراغ أنا خمس سنوات باتشلر في أمريكا خابزتها خبز
أنا أسألكم عن الفيزه الزفت من هنا خلو أمريكا علمها عندي

نسيت أنا أفهمك بعد كونترااكت إشتراك اللي يكون وكرت العايله يعتبر إثبات بعد إذا صار مترجم ومعترف فيه في أمريكا كلها

موضوع نادر ومهم في نفس الوقت الله يوفق يارب

تفاألو بالخير تجدوه

طيب يعني انا ماغلطت هذا موظف في نفس المعهد لاني انا اتكلمت معاه

اذا كان هو يشتغل شغلتين في المعهد والامقريشن هذا الشي انا مادري عنه

وشي اكيد انه لازم تعدي على الامقريشن وانتي داخله امريكا او وانتي طالعه ولا مالك رجعه على امريكا

وبالنسبه لكرت العايله يقولك اسألي مجرب ولاتسألي طبيب

عندي كرت العايله مترجم اترفض

اخذوا صوره من عقد النكاح المترجم حتى مكتب القبول قالي نبغى عقد النكاح المترجم والمصدق من الخارجيه

انا قلت تجربتي للي حاب يستفيد

بالتوفيق للجميع

تبن !
الزفت !

وراكي معصبه

ترا الدنيا ما تستاهل اول شيء

ثاني شيء طلعي آيتوني للمخطوبة

وخلها تطلع الفيزا على انها سينقل

بعدين خلها تتزوج وتجيب ورقة من الخارجية تثبت الزواج ومصدقة

وخلصنا

وهذا اللي انا بسويه ايضا

موفقه اختي

والدعوى مهي مستاهلة سب ولعن

هدي اعصابك ماله داعي النرفزة والالفاظ
الامور سهالات ان شاء الله
الله يوفقك