عاجل ياشباب يامتزوجين !

أبدا ما تحتاج i-20 والأفضل لك انك ما تطلع لها اي توني، لأنك اذا طلعت الآي توني لها لازم تدرس دوام كامل واذا جلست في البيت راح تدخل في مشاكل مع الأميقريشن...

توكل على الله وطلع لها فيزة مرافق F2

ضروري يكون لها i-20 ويكون مكتوب فيه أنها مرافقه لك
وتقدم على فيزا f2 وهاذي الفيزا بيكون نظامها دراسه جزئيه
يعني عادي لو مادرست بكيفها متى ماحبت تروح تروح ومتى ماحبت تجلس تجلس
مافيها أي مشاكل...

والله يوفقك
ويسهل امرك

شكرا اخوي موادع

اخوي سلطان، كلام موادع ادق من كلامي الاي توني الخاص بالزوجه يكون عن طريق نفس الجامعه اللي اعطتك الاي توني ويكون موضح انها مرافقه لك مو اي توني مستقل. وبكذا ممكن تطلع فيزه لها من نوع F2 واللي هي مرنه جدا للدارسة او الجلوس في البيت

بس أهم شي تطلع الاي توني حقها من نفس الجامعه وتقول لهم انك تبي تجيب زوجتك معك. وفي نفس الوقت هذا اسرع واسهل من انك تطلع اي توني مستقل لها او من جامعه ثانيه.

وبالتوفيق

<<< انلحس مخه
انا مابيها تداااوم لا جزئي ولا كامل
ابيها بس تنطق
يعني الاي توني فينا فينا
على كذا بنطول وما قدر اخذها خلال اجازتي ذي لازم اجي باجازة ثانية

الله يكون في العون
اللي قهرني موظف في الوزارة يقول ماهو لازم بس جيب جوازك وقرارك الابتعاث القديم وجوازها ونراسل السفارة وقلت له احتاج اي توني قال لا ماتحتاج

طيب كم تتوقعون يوصل الاي توني لي اذا راسلت جامعتي
وهل لازم ارسل لهم ضمان مالي او خطاب من الوزارة او مو لازم

يعني مافيه واحد متزوج ماخذ زوجته معه يخبرني بالاشياء ذي

خذ كلام واحد متزوج
لازم لها آي20 حتى لو ما راح تدرس...........وشغلتة بسيطة اهم شي انك ترسل للجامعة قلرار ابتعاثك او بالاصح الضمان المالي الاصل ولا يكون صادر قبل اكثر من ثلاثة شهور ويكون اصل
وارسلة بالبريد المستعجل وراح ياخذ عند الجامعة من اسبوع الى عشرة ايام والآى20 عندك

يعطيكم العافية
الحمدلله الان القبول على الطرييييق جاي

بس يافرحة ماتمت فرحنا بهالقبووول وحزنا مع مواعيد السفارة وفيزتي
دراستي تبدأ 27اوقسطس وزوجتي موعدها 22 اقوسطس
وفيزتي صار لها تقريبا شهر وساحبين علي انتظر الاتصال

ياليتنيي ماجددت الفيزا وربي طلعت غبي بالتجديد المشكلة باقي ينتهي في اخر اقوسطس
لعن الله ابوها من سفارة
<< والله انه متورط بقووووه