ماهو الضمان المالي والشهاده البنكيه وكشف الحساب .. ؟؟ الاجابه بالداخل

[QUOTE=مبتعثة - متفائلة;2261221]ياجماعه تكفون وش يعني الشهاده البنكيه ؟؟؟؟ وبعدين وش هالمواعيد الي تقولوا عنها بلييييز خبروني لاني من المرحله السادسه وللحين ماطلعت نتايجنا
معليش اخوان اخواتي هل فيه شئ يحتاج اجهزه الحين من ناحيتي او مرافقي بلييييز قولوا لاني احس اني ملخبطه واخاف انو الوقت يروح وانا مادري وش اسوي تكفوووووون نوروني الله ينور عليكم





الشهادة البنكية هي شهادة بوجود مبلغ بحسابك وتطلب اصدار شهادة علية تسمى شهادة بنكية تثبت مدى قدرتك على دفع رسوم الدراسة وغيرها وتقدر او تقدرين تحطين بحسابك مبلغ مثلا 50 الف ريال وتتركينه لمدة 24 ساعة وتروح للبنك اللي ترغب في اصدار شهادة بنكية منه ولديهم الصيغة كاملة بالعربي والانجليزي ورسوم اصدار الشهادة 50 ريال فقط وبعد صدور الشهادة في نفس اللحظة تقدر تسحب فلوسك كاملة وترجعها الى اصحابها اذا كنت متسلفها وعسى ربي يسهل جميع امورنا وامورك

شرفتني اخوي علي كفيت ووفيت
الرسوم تقدر تشيلها بالراحه بسياستك واسلوبك مع الموظف وهي تحسب لمصلحة الفرع وليس للبنك
والشهاده البنكيه تاخذ 24 ساعه حتى تصدر وهذا بالنسبه للراجحي ولا ادري عن البنوك الثانيه

ولاتنسون اخذ جواز السفر لتعديل الاسم حسب الجواز

بالتوفيق

[QUOTE=az-007;2261504]شرفتني اخوي علي كفيت ووفيت
الرسوم تقدر تشيلها بالراحه بسياستك واسلوبك مع الموظف وهي تحسب لمصلحة الفرع وليس للبنك
والشهاده البنكيه تاخذ 24 ساعه حتى تصدر وهذا بالنسبه للراجحي ولا ادري عن البنوك الثانيه
ولاتنسون اخذ جواز السفر لتعديل الاسم حسب الجواز

بالتوفيق

حياك الله والشرف لي ياطويل العمر..
اذكر قبل تقريبا سنتين طلعتها من الراجحي طلبتها الصباح والساعة 2 يتصل علي الموظف جاهزة وشي مهم ذكرته انت وانا نسيتة لازم يكون الاسم مطابق للاسم اللي في الجواز حتى مايتبهذل الواحد وعن السحب انا سحبتها بنفس اللحظة ويقدر الواحد يطلب اكثر من نسخة

الله ينور عليكم مشكورين يعني مااحتاج الشهاده البنكيه ولا لمرافقي صح

السفاره الامريكيه تكتفي بكشف الحساب الجاري

^
جزاكــ الله خير على المعلومات الاكثر من رائعة

انا طلعت كشف حساب من البنك الاهلي وطلعت شهادة بنكية من سامبا لانه فية راس المال اللي بدرس فية وارسلتةا كلها للسفارة...فا وش رايكم ياشباب طريقتي اللي سويتها صح ولا غلط...وهل فية احد صار معة مثل ماصار معي .....ودمتم

الشكر موصول لك عزيزي وجزاك الله خير الجزاء

اتمنى الجميع استفادوا

تحياتي

اذا طلبوا كشف الحساب عطهم أياه بدون الشهادة البنكية والعكس صحيح

بس الأهم تتأكد من تطابق الاسم بين الكشف الحساب وشهادة البنكية مع الشخص

المتكفل بالتكاليف

بالتوفيق لكـــ

السلام عليكم

عندكم فكرة يا شباب اذا الشهادة البنكية تفي بالغرض بالنسبة للسفارة الامريكية ؟ مقابلتي بعد 10 ايام ان شاء الله وابي اتأكد من هالنقطة عشان اذا ما ينفع ادبر كشف حساب.