حوار اللي كانت مقابلاتهم من 15 سبتمبر الى 29 سبتمبر... حياكم

السلام عليكم ورحمه الله

مساء الخير عليك ياذوق

انا متابع لهالقسم من فترة .. واعرف أشخاص طلعت تأشيراتهم خلال هالفترة اللي انت ذاكرها .. وأذكر بعض الأعضاء الله يوفقهم

مثلا الأخ Dex أتمنى مايكون النك نيم خطأ .. كانت مقابلته بـ 25 سبتمبر وإستلم التأشيرة .. أيضا الأخ husam كانت مقابلته

بتاريخ 27 سبتمبر معاي بنفس اليوم ..وماشاء الله تبارك الرحمن إستلم تأشيرته بإسبوع .

وفيه غيرهم الكثير بس ماتحضرني أسمائهم

يعلم الله إني فرحت لهم .. والله يوفقهم يارب بالإبتعاث .

بالنسبة لي كانت مقابلتي بـ 27 سبتمبر الساعه 7:30 ص وللحين لا حس ولا خبر .. ومتفائل خير ان شاء الله

أنت متى كانت مقابلتك يالغالي ؟

بحفظ الله

اخوي النازف. اسعد الله مساك ياللي ملكني غلاك

مرورك عسل والله يعجل بفيزتك والف الف مبروك للشباب اللي ذكرتهم لي وعقبالنا انشالله.

أنا يا طويل العمر كانت مقابلتي في ١٨ سبتمبر يعني قبلك بشوي وقالولي مبروك انتظر ٣ اسابيع

انت كم قالولك تنتظر

هلا بالذوق

اللهم آمين يارب ويعجل بفيزا كل من ينتظر .

بالنسبة لي قابلت معاي وحده سمراء اتوقع من الأمريكان السمر .. كانت المقابلة كويسه .. وقالت فيزتك مقبوله .. ولا ذكرت لي كم

المدة اللي ممكن تطلع فيها التأشيرة .

الله يعجل إصدارها اذا فيها خير لي ولك ولباقي المسلمين .

هذا الكلام اللي المفروض نقوله

مقابلتي في يوم 27 سبتمبر .. في قنصلية جده .. الله يحرقهآ

طبعا عطوني ورقة زرقاء وجوازي وقالواارسله إذا طلبناه منكـ .. والآن لي 15 يوم ولا حس ولا خبر

ارسلت لهمـ .. رساله بعد ما مر اسبوع .. قالوا under pinding

وقالوا شيك على الاونلاين ..

وبأنتظر إلى 20 يوم وارجع ارسلهم من جديد .. والله يعجل بوصولها

الله يسهل لكم والله اني تألمت لكم بس بأذن الله الله بيسهل الامور وان كان به خير الله يجيبها

الله يسهل امورك يالغالي.

نصيحتي خل عندك صبر ووسع خاطرك واللي كاتبه ربك محدن براده

يا شباب انا ماني عارف وش الموضوع بالضبط بس اللي اتوقعه ان اللي مبتعثين على برنامج الابتعاث لهم الاولويه على الباقين سواءا اللي على حسابهم او سياحه.

بما ان مبتعثين برنامج الملك كثيرين البقيه اكيد بعدهم بس متى ماندري

للمعلوميه .. برنامج الملك عبدالله للإبتعاث للحين .. ما طلعوا نتائج المقبولين وبعد ما يطلعونها

يوزعونهم على المكاتب عشان يوصل القبول وبعد ما يوصلهمـ يروحون يسوون المقابله

يعني اقل شئ .. يبغالها شهرين صدقني

السفاره والقنصليتين الموجوده .. ما عندهم ولا شئ والموجودين كلهم يا عن طريق حسابهم الخاص

او الجامعات او العمل .. يعني ماتوقع عندهم الضغط هذاك .. لكن هي عباره عن تعقيد للأمور