موعد مقابلتي في السفاره الأمريكيه في 17- 10 -2010 م

هلا بك اخوي m.nasser ابد وانا اخوك الوضع مررررره سهل وسلس اكثر من ما تتخيل بس اهم شي ترد على اللي بيسوي معك المقابله بنفس الاجوبه اللي بالابلكيشن حطيتها لانها بتكون عنده وتكون الاجابات مختصره مع ابتسامه طبعا بس
والله يوفقك يااااااااارب وتجيك الفيزا بأقرب وقت وننظر ردك بعد المقابله بالتوفيك ياغالي...

الوضع جدا عادي

اهم شي تكون اوراقك كامله والكامل الله

وبالتوفيق للجميع يارب :

يارجل كل شي سهالة جدا وهم متساهلين جدا جدا جدا بس خلي اوراقك كاملة وتعال في وقتك وان شاء الله كل شي هل

انا شخصيا كان موعدي امس والحمدلله ماطولت والحمدلله فيزتي مقبولة

الله يوفق الجميع ..


وعقبالي .. موعدي يوم 19/10

دعواتكم ..

ابي اعرف اللحين بعد رساله القبول هم يدعون للمقابلات والا اراجعهم

أشكركم على تفاعلكم في الموضوع

اهلين وسهلين

الحمدالله على كل حال >> الله يسهل الامور

رحت لمقابلتي والوضع >> very very very easy

في البدايه رحت لمبنى السفاره الامريكيه صفيت سرى عند الشباك مع مجموعه طلاب

وصلت لشباك شخص يتكلم عربي يشيك على اوراقك ( ورقة الموعد - ايصال سامبا ) بعد ذلك يوضع جوالك ومفتاحك في ظرف ويعطيك الظرف

بعد ذلك يفتحون الباب لك تدخل تلقى جهاز التفتيش توضع اوراقك واغراضك و أنتم بكرامه ( shoes ) في جهاز التفتيش بعد ذلك تلقى مصريه تاخذ الظرف وتعطيك كرت صغير في الظرف ( رقم )

بعد ذلك تطلع من مكان التفتيش الى مبنى التأشيرات >> تدخل تلقى موظف سعودي يعطيك رقم بعد ذلك تجلس لين ينادونك برقمك للكاونتر المرقم ( كاونتر 1 الين 9 )

بعد ذلك تروح للكاونتر تلقى على حسب رجال او إمراة >> جيت عند إمراة عربيه

ترحب فيك في البدايه تقول بصم اصابعك بالجهاز عندها بعد ذلك تقول عطني جوازك عطني ايصال سامبا عطني تاكيد طلب التاشيره بس

بعد ذلك تسئلك اسئله عاديه >> قد رحت لمريكا ؟ قد سافرت خارج السعوديه ؟ بس هاذي اسئلتها

بعد ذلك تقول خلاص خذ اوراقك ورح انتظر لين ينادونك للمقابله >> في الحاله ذي انا انبسطت قلت عربيه سوت معي مقابله وخلاص مادريت ان هي بس تشيك وبعد ذلك فيه مقابله هههههههه

المهم رحت انتظر لين نادوني برقمي الي كان معي من اول

بعد ذلك رحت للمقابله إمراة امريكيه

اسئله عاديه وتتكلم عربي بعد وانت بعد لو تتكلم معها عربي ماعندك مشكله

خذيت السماعه

قالت قود مورننق صباح الخير ناصر . تبي تشوف ردي بالعربي ولا الانجليزي >> طبعن رديت عربي

ابصم بصبعك الكبير

عطني جوازك ورقة موعدك ورقة تاكيد التاشيره ورقة ايصال سامبا

بدت الاسئله بالعربي

وين رايح تدرس ؟

وش راح تدرس ؟ طبعن قل لها لغه قبل تخصصي الجامعي

هل تعرف أحد في أمريكا ؟

ماهي ولايتك ؟

ماهي جامعتك ؟ وش تخصصك ؟

وش اخر مؤهل لك ؟

من راح يتكلف في دراستك ؟

اختصر عليها الاجابه

بسسسسسسسسسسس ( طبعن مقابلتي عربي بعربي ) الحمدالله

بعد ذلك عطتني اوراقي وخذت جوازي وقالت لي المقابله مقبوووووووووله

قالت رح لفيدكس ارسل ورقة تاكيد التاشيره >>> طبعن مكتب الفيدكس موجود في السفاره

رحت لهم عطيتهم ورقة التاكيد مع رسوم 65 ريال >> يعطونك ايصال >> انتظرنا نتصل عليك

بعد ذلك خلاص تتوكل على الله >>> وانت طالع بس لاتنسى تروح لشباك الي عطاك الظرف عطهم رقم الظرف يعطونك اغراضك

بصراحه الوضع سهل جدا جدا >> مافيه شي صعب كل الامور سهله

ولا تتخوف من الغه الانجليزيه تلقاهم متساهلين معك بالعربي ويتكلمون بعد هم عربي

الله يكتب الي فيه الخير يارب ويوفق الجميع ويسهل دروبكم

تحياتي

طيب اخوية وانت مبتعث
ايش الاوراق اللي طلبتها طلبت الشهادة وكشف الدرجات ؟
في اي سفاارة ؟
عموما الف مبروووووووووووووك

عقباال الفيزااا

ودّي

هلا بك

ماطلبت مني السفاره اي شهادة دراسه >> بس الافضل تجيبها معك ممكن يطلبونها ( أحتياط )

السفاره الامريكيه بالرياض

الله يبارك فيك >> عقبال الفيزا يارب ويوفق الجميع