السلام عليكم شباب وشباب
خواطر موعدي في السفاره الأمريكيه ليوم 19/10/2010 م .
طبعا راح اذكر عن المقابله بالتفصيل الممل .
بسم الله توكلت على الله . نبدا بالتفاصيل :-
* وقت الموعد
كان الساعه 8 صباحا . طبعا من زود الحماس والأنتظار . قايم الساعد 6.15 الصباح ( من متــى فتوووتي يقوم الساعه 6.15 الصباح ؟؟؟)
ولا وازيدكم من الشعر بيت .. قمت ووديت ألأهل المدارس ~~!!
طبعا كل الأهل مستغربين القومه على هالصباح . ولا عندهم خبر بموعد السفاره .~
المهم . حركت الساعه 7.05 الصباح عن طريق الجسر المعلق ( وما ادراك ما الجسر المعلق خاصا الصباح )
وياليت ( ابو شراراه يمر فيه لو يوم واحد فقط ) . طبعا كالعاده مكتظ بالسيارات . على طول .
صرفت عمري عن طريق شركة الكهراباء .
ووصلت تقريبا الساعه 7.35 مواقف السفاره .
انتظرت في الطابور وكان الطابور تقريبا فيه ما يقارب 25 شخص
وكل ماله يزيــد العدد .
شوي والهندي يقول إلى موعده 7.30 يتقدم قدااام .
طبعا انا باقي في آخر الصف .
شوي ويقوم الهندي ويقول الي موعد 8.00 الصباح يتقدم قدام .
على طووول نقزت من آخر الصف وجيت في المقدمه
بفعل حركه سويتها . بس ربي ستر ان الهندي ما شافني . ولا رحت فيها .!
( طبعا الحركه هي اني نقزت من على الحاجز الي هم حاطينه ) .
المهم . وصلت إلى الشباك . طلب مني الهندي الموظف . ورقه الموعدوالجوازوالأيصال حق سامبا ( أهم شيء الأيصال ) .تصدقون صار أهم من الجواز . يسئلون عنه في جميع المقابلات .!
المهم . شيــًك على الأوراق بسرعه . وقالي إذا عندك جوال ولا اي شيء اكتروني عطني إياها . طبعا . من الأفضل تأخذ احتياطاتك . وتخلي الجوال وكل شيء حتى البوك . خلها في السياره .
خذ معاك فقط مفتاح السياره والنظاره الشمسيه او الطبيه . !
دخلت من عند الباب . وخذلك تفتيش ( زي حقين المطار ) .
ومن ثم تدخل مع الباب . وتمشي شوي إلين ما توصل الباب الرئيسي حق السفاره . افتح الباب ( طبعا ثقيل بابهم يلعن ابو شكله )
اول ما تدخل تقابل موظفي أمن اثنين . تأخذ يمين تقابل رجال عربي ( احتمال يكون سعودي ما ني متأكد )
تعطيه الـDS 60
مع الجواز . بعد ما شيك عليها يعطيك رقم ( حاول انك تأخذ رقم مميزا هههههه )
ومن ثم تروح تجلس في الاستراحه . طبعا فيه استراحتين ( الأولى صغيره وفيها شباكين رقم 1 و 2 )
والأستراحه الثانيه كبيره ( وفيها من 5 إلى 13 ) .
وتجلس وتنتظر رقمك إلين ما يجيك .
طبعا سبحان الله كل ما كان الموظف عربي او هندي . يحب يكثر اسئله
شوي ونادوا برقم الي هو ( 40) على شباك رقم ( 5)
سبحان الله من حسن حظي كانت فلبينيه .
طلبت الإيصال (ما قلت لكم أنه أهم شيء. حريصين على الإيصال) والـ i20 و الجواز .
وسئلتني سؤال واحد فقط
هل قد زرت أمريكا من قبل ؟؟
طبعا الجواب . اول مره . ( وآخر مره ههههههه )
وقالت ضع اصابعك الأربع اليسرى على الجهاز
ومن ثم الأربعه اليمنى
ومن ثم الأبهامين سواء
ثم قالت رح ارجع اجلس وراح ينادون لك بنفس رقمك هذا ( 40)
جلست في الإستراحه هذه الكبيره . وكان مشغلين برنامج رفع ظغطي ( عالم الحيوان ) . مدري وش يحسوون فيه ؟؟؟
كان شغلوا على الإقل سبيس تون والله العظيم اصرف .
وبعد ما يقارب الساعه .
نادوا برقمي إلى شباك رقم ( 10) ( رقم الشلهوب . علشان كذا انا متفاهل بالمقابله وبفوز الهلال بإذن الله تعالى) .
قابلني واحد امريـكي اصلي اصلي بجذوره وجنتل كمان ( نفس الي يطلعون في التلفزيون وفي الأفلام الأمريكيه هذوليك اكيد عرفتوهم)
يتكلم العربيه الفصحى .
طبعا على طول عطيته .
الجواز مع الإيصال مع الـ I 20 فقط .
وسئلني 3 اسئله فقط
س1/ لماذا اخترت امريكا ؟
ج1/ لكي اتلعلم اللغه الإنجليزيه .
س2/ في اي ولايه سوف تذهب ؟
ج2/ ولايه ..... ( منفوووحــه ) >> امزح لا احد يصدق .
س3/ من اين تخرجت من الجامعه ؟
ج3/ جامعه الملك سعود .
طبعا الأمريكي الكاشخ . كان يتصفح جوازي .
طبعا جوازي جديد ولا عليه اي ختم .
لأني دوووبي مطلعه طازج من الجوازات .
على طول طلب الجواز القديم . ومن حسن حظي كان معاي .!!
يعني (( أنتبهووووو )
ثم قال : ضع الأصبعك الأوسط لليد اليمنى في جهاز البصمه .!
وضعته .
ثم قال : اقلب وجهك . لقد نجحت في المقابله وسوف تصلك الفيزا خلال 2-3 اسابيع .
رح قم انزح وراك ورح اإلى فيديكس .
طبعا فيديكس موقعه عند أول شخص عطيك الرقم (40 ) .
رحت فيديكس عبيت الأبيكيشن . وعطيتهم 100 علشان يرجع الباقي إلا هو 35 ريال.
لأن حسابهم ( 65 ريال ) . بس للأسف الفلبينيه رجعلي ( 34 ) ريال
تراا الفلبيني ( اول واحد على يمين زارفني ريال لأن ما عنده صرف .
بس الي يرووح يأخذ ريالي تكفوون . )
وخلاااااااص
رفعت الأقلام وجفت الصحف .
الخلاصه من المقابله .
1- تعال بدري علشان تخلص بدري .
2- جهز اوراق بهذا التسلسل عند البوابه الريئسيه الخارجيه . من فوق إلى تحت (الجواز , إيصال سامبا , ورقه الموعد , )
3-3- جهز اوراقك بهذا التسلسل عند المقابله الأولى . من فوق إلى تحت (الجواز , إيصال سامبا , ورقه الـ DS 60 , و الـ I20 )
Ø و والجواز القديم ضروري ) I20 4- جهز اوراقك بهذا التسلسل عند المقابله الثانيه. من فوق إلى تحت ( الجواز ,
5- قسم بالله العظيم قمــه في التعاااامل والتسااااااااااهــــل والأخلاااااااااااااااق وووو إلــخ . من موظفي السفاره كلهم .
دعوااااتكم يا شباب
LinkBack URL
About LinkBacks
احسن شي ...
October 19th, 2010, 04:28 PM
ولا تهوووووون باقي السفارااات .