تقرير مقابلتي اليوم في السفارة في الرياض 1-11-2010

[QUOTE=saaaaad;2346327]هلا الله يعطيك العافية
انا اليوم كان موعد في الرياض ورحت سويت المقابلة وكل شي
بس اخر شي سالتني معك كشف حساب وكان معي شهادة بنكية
وشافتها واخر شي عطتني ورقة فيها النواقص اللي اهو كشف الحساب
قالت ارسله كشف الحساب مع الجواز عن طريق فيديكس
بس مدري هل فيه اشكالية من تاخير للفيزة او شي
والله يوفقك ان شتء الله

الله يوفقك اخوي سعد ومسالة التاخير هذي علمها عند الله ناس ارسلو لهم النواقص وصدرت الفيزا لهم قبل ناس ماكان عليهم نواقص وانت توكل على الله وتتسهل امورك

[QUOTE=saaaaad;2346332]وياليت تردون علي لاني شايل همها

ابد لاتشيل هم شي توكل على الله وارسل المطلوب وربك يسهلها


[QUOTE=saaaaad;2347005]والحمدلله ارسلت كشف الحساب مع الجواز

الحمدلله وعقبال الفيزا

[QUOTE=نجلاء2011;2346435]


الحمد لله
الله يوفقك ويوفقنا وكل مسلم


مشكوره اختي وعقبالك

[QUOTE=سابك;2347921]الف الف مبروك عقبال ماتوصل الفيزه ..

عقبالك وعقبال الجميع

عندي سوال عطاير الصوره الشخصيه كانت ببدله وله ثوب والمقابله كذالك ببدله وله بزي السعودي ..

الصورة تكون كاشف الراس الافضل تكون بدله واما المقابلة الافضل تكون بالزي السعودي والناس ترى مو سوى فيه ناس ترتاح للثوب والشماغ وهذه تعتبر حرية شخصية وترجع اولا واخيرا لقناعاتك الشخصية


السوال الاخير انت قدمت على الفيزا وكم باقي حتى تبدا دراستك للغه ..

والله ياطويل العمر دراستي باقي عليها فتره شهرين تقريبا يعني 3-1-2011 في (دنفر) كولورادو


واخيراً اسأل الله لنا ولكم التوفيق ..

وياك يالغالي وعقبالك وترى الامور سهالات

مقابلتي يوم السبت الجاي الساعه ٩

الله يعين وييسر الأمور

موضوعك طمني والله

بس عندي استفسار

الحين معاي شهادة بنكية بقيمة ١٣٠ الف ريال

بس يوم قريت كم موضوع في المنتدى قالو لي كشف الحساب مهم جدا واهم من الشهاده البنكية

كلمت الوالد

وعطاني ثلاث كشوف حسابات لثلاث بنكوك مختلفه

الأول فيه الراتب ومافيه مبلغ كبير

والثاني فيه مبلغ ٥٠ الف

والثالث فيه ٧٠ الف

ماادري شرايك

اروح فيهم كلهم ؟؟

او اروح بس بالشهاده البنكية ؟؟

كذلك شغله ثانيه

هل الشكل له دور في المقابله

البس ثوب وشماغ وعقال ؟؟

او البس بدله ؟؟

او البس ثوب فقط بدون شماغ


بصراحه متحير وش الأفضل برأيك ؟؟

[QUOTE=alomary;2348178]مقابلتي يوم السبت الجاي الساعه ٩

الله يعين وييسر الأمور

موضوعك طمني والله

بس عندي استفسار

الله يوفقك يالغالي ويشرفني ارد على استفساراتك

الحين معاي شهادة بنكية بقيمة ١٣٠ الف ريال

بس يوم قريت كم موضوع في المنتدى قالو لي كشف الحساب مهم جدا واهم من الشهاده البنكية

كلمت الوالد

وعطاني ثلاث كشوف حسابات لثلاث بنكوك مختلفه

الأول فيه الراتب ومافيه مبلغ كبير

والثاني فيه مبلغ ٥٠ الف

والثالث فيه ٧٠ الف

ماادري شرايك

اروح فيهم كلهم ؟؟

روح اهم شي بالشهادة البنكية وخذ معك كشف الحساب اللي فية حركات صرف كثيرة يعني حساب متحرك انا جبت معاي كشف حساب لي حق الراتب ماكان فيه ذاك المبلغ بس هو يشوف حركة الحساب وبعدين طالع بالشهادة البنكية علما اني معطية كشف حساب على البنك العربي وشهادة بنكية على الراجحي بس كلها كانت باسمي

او اروح بس بالشهاده البنكية ؟؟

توكل على الله وخذ كشف حساب فية حركة صرف والشهادة البنكية

كذلك شغله ثانيه

هل الشكل له دور في المقابله

والله ياطويل العمر فيه ناس يدققون في اشيا كثيره انت حاول تكون كاشخ كانك معزوم عند واحد من ربعك بس في السفارة الامريكية اهم شي تتوكل على الله وثقتك بالله وبعده بنفسك وخذ الدعوى اذا الله كاتب لك شي راح يجيك

البس ثوب وشماغ وعقال ؟؟

البس اللي ترتاح له وانا اشوف الزي الوطني افضل لاني شفت ناس لابسين اشياء تضحك هذا وهم هنا بالرياض اشلون لو طلعو برى ياهي علوم

او البس بدله ؟؟

او البس ثوب فقط بدون شماغ


بصراحه متحير وش الأفضل برأيك ؟؟

شوف صورتك في الجواز بالغتره والعقال ولبسنا في الاعياد والمناسبات الغتره والعقال وانا صدقني بطبيعة عملي بدلة وبنطلون ومصافي وحديد وخلها على الله ماصدقت اروح البس ثوب واكشخ واروح المقابله فمن باب الافضل وهذ شي يرجع لك انت بالذات البس اللي ترتاح له انت الا اذا كنت سمين ووزنك زائد لا بالله البس ثوب وعقال وتوكل على الله

ايش الفرق بين كشف الحساب والشهاده البنكيه
وكشف الحساب عندي بالعربي؟؟؟؟؟؟؟؟؟ الانجليش ارسلته للمعهد
وموعدي بكره ايش العمل الحين

والاي توني ماوصل بس اي توني اخوي الي هو مرافق وصل
اروح ولا لا

السلام عليكم ..
ماشاء الله ألف مبرووووك على الفيزا .. ان شاء الله تتيسر الأمور لك وللجميع
بس انا ان شاء الله الاسبوع الجاي مقابلتي وماني عارفة ايش الاوراق الضرورية اللي اخذها وايش هو الضمان المالي ولا هذا مااحتاجه الا اذا باطلع اصدار القرار من الوزارة ..

وشكرا

مبروك اخوي مقدما

وعلى طاري الاشقر تراه هو الي سوالي المقابلة وربي عسل وحبوب ودمه خفيف


بالتوفيق

[QUOTE=mulberry;2348595]ايش الفرق بين كشف الحساب والشهاده البنكيه

كشف الحساب هو كشف جميع العمليات التي تتم على الحساب يعني سحبك من الصراف ومشترياتك وكل شي يعني حساب فيه حركة
اما الشهادة البنكية هي شهادة بوجود مبلغ تحطة في حسابك وتصدر عليه شهادة ان في حساب هذا الشخص المبلغ المحدد وبعد اصدار الشهادة تقدر تسحب مبلغك
وكشف الحساب عندي بالعربي؟؟؟؟؟؟؟؟؟ الانجليش ارسلته للمعهد
وموعدي بكره ايش العمل الحين
تقدر تروح للبنك وتاخذ منهم كشف حساب انقليزي وبالتوفيق لك وللجميع