تجمـع من كان موعده في شهـر ------ > / نـوفبمــــــــر /

^
ألف مبرووك و الحمد لله يا رب ..

العمري , لقيت حجوزات طيران متوفر ولا وش النظام ؟

أنا ما فيه شي جديد للأسف

بتستلمة محمد لاتشيل هم

ان شاء الله انك من حقين هالأسبوع او الجاي ..


بالنسبة للحجوزات

بحثت ولقيت اكثر من شركة

بس غاااااالية مرة عشاني متأخر

لقيت الخطوط الألمانية بحدود ٦٠٠٠ ريال

الرياض المانيا واشنطن

ولقيت الخطوط الفرنسية

٤٧٠٠ ريال

الرياض باريس واشنطن

ولقيت الخطوط المصرية برضو غالية

الرياض القاهره واشنطن


ارخص شي لقيته هو الخطوط البريطانية

٣٢٠٠ ريال

الرياض جدة لندن واشنطن

والغريب بالأمر انو

لو حجزت الرحلة على تاريخ ٢٨ او ٢٩ ديسمبر

بتطلع علي بهذا السعر


لكن لو حجزته على يوم الأثنين ٣ يناير

بتطلع بخدود ٥٠٠٠ ريال ..

على الرغم انو يوم ثلاثة يناير بعد تاريخ ٢٩

يعني لو تأخرت بالرحلة بتطلع اغلى

لكن لو بكرتها بتطلع ارخص !!

عشان الكرسمس


يوم السبت بروح الوزارة وبشوف اذا قدرت اخذ امر اركاب

واذا ماقدرت بحجز وبتوكل على الله ..

نصيحة اي واحد يروح لمكاتب الخطوط يستفسر اذا بالإمكان يحجز من الحين

عشان لو طلع جوازك متأخر يصير انت حاجز ومخلص ..

ولو ماطلع جوازك بإمكانك تأجيل الرحلة قبل ٤٨ ساعه من الإقلاع

وتدفع مبلغ معين ..



بالتوفيق ان شاء الله ..

موعد خويي في 30 نوفمبر

واليوم استلم جوازه الفيزا خمس سنين

والحمد لله مسافر معايا

عقبالكم إن شاء الله

موعدنا كان ب 29 نوفمبر
فيزتي طلعت خلال اسبوع
لكن فيزت اخوي للحين ماطلعت بكره بتكمل 3 اسابيع

المشكله قايلين لنا ان خلال اسبوعين بسس
الله يعينا على الانتظار

الحمد لله على كل شي

انا مثلك خويي وصلته باسبوع

وانا للان انتظر والله يجيبها على خير

ياجماعه الخير اليوم وانا اقلب بالاوراق اللي اختها معي للسفاره الثلاثاء اللي فات لقيت الاي تونتي الاصل ولقيت الصوره ؟؟ بدت تلعب فيني الوسوسه قلت يمكن انا مصورها نسختين ؟؟ واللي انا متأكد منه انه طلب مني الاي توني وشافه بس ما ادري هل رجعه لي او اخذله نسخه ؟؟ اذا ما اخذ نسخه هل شرط ياخذله نسخه عشان يفيزلي عل الجوااز ؟؟ اللي قد سوو مقابله ياليت يفيدوني ؟؟ وهل قد صارتلكم مثل سالفتي ؟؟ وكيف اقدر استفسر من السفاره ان معهم نسخه او يبون نسخه وارسلهم عن طريق الفيديكس ؟؟ وشاكرلكم يا اخوان

بالنسبة للي تونتي فهم يشوفونه وبعدين يرجعونه لك،ولا ياخذون منه نسخة،أو على الاقل هذا الي صار معي،فلا تشيل هم وان شاءالله تطلع الفيزا قريب.

مقابلتي في 9 نوفمبر وللحين مافي شي ورحلتي يوم السبت ماادري ايش اسوي

اللي مسافر خارج السعودي سابقا على حد علمي ياخرونه
وانا اولهم لي ثلاث اسابيع ومابقى على بداية الدراسه الى اسبوعين فقط

وربك يعين

ابشركم اليوم اتصلت على فديكس وقالوا جوازك عندنا اليوم وصل من السفارة الامريكية.

تاريخ المقابلة:9 نوفمبر.
تاريخ وصول الجواز من السفارة:20 ديسبمر
تاريخ الحجز على اللفت هانزا:9 يناير.
تاريخ بداية الدراسة:13 يناير.

على العموم انصح الجميع بالاتصال على فديكس.لانه الموقع ياخذ وقت للين يتحدث.

تمنياتي لكم بالتوفيق.وإن شاءالله نسمع منكم قريب اخبار حلوه.