تجمـع من كان موعده في شهـر ------ > / نـوفبمــــــــر /

أنا موعدي يوم 9 وعلى الله توكلنا بس اللي مخوفني هالإيميل حق الضمان مع أنه موجود في I-20 أني مبتعث بس ليه معقدنها ماأدري يالله نراكم إن شاء الله بعد المقابله

السلام عليكم شباب انا الحمدالله سويت مقابلة 3 نوفمبر والحمدالله مقبولة بس عندي استفسار عن فيدكس انا يوم سددت عطوني ورقة وفيها رقم التتبع حطيته بموقع فيدكس يقول لم يتم العثور حاول في وقتا لاحق ....هل يعني توهم ما ارسلوها ولا كييف ..؟ وهل بنفس الرقم اتتبع الجواز وهو جاي ..؟

ربي يسهل ويوفق الجميع^_*

شباب أنا طالب تحويل دوله .. والى الأن ما وافقو علي ..والطلب تحت الدراسه.. وأنا ودي أطلع الفيزه يعني الى ما يوافقون على الطلب .. هل يصلح أني أروح أخذ موعد وأجيب ضمان مالي من عند أبوي !! علما أنو في الأي تونتي مكتوب مبتعث ..

اي يالغالي ذا رقم تتبع بيه طلبك ومعنى لم يتم العثور اي انو جوازك باقي ماطلع من السفاره واول ما يطلع يبان لك ف موقع فيديكس.موفق*_^

اممم الحمدلله سويت مقابلتي امس السبت 6نوفمبر ... ماكانت سلسه مره .. وصلت بدري و دخلت ماكنت اتخيل ان هذا مكان القنصلية ماكنت اعرفه من اول و تفاجأت بالموقع سبحان الله دايم امر عليه ... الهم دخلت وخذت رقم جلست ناداني خال طلب جوازي و ورقة الفيزا اللي فيها الصورة وسألني عن الورقة الثانية اللي فيها الصورة انا اساسا ماطبعتها من التفهي احسبها مكرره سبحان الله تنحت طلعت ورقة التأكيد...ليه بتروحين امريكا,,قلت دراسة سألني كم بتجلسين انلخمت وقلت مدري ثم قلت سنة... ثم قالي اجلسي لين ينادونك ... جلست شوي نادوني ثم قالي الموظف لبناني اكشفي بطابق طابق ثم سألني رحتي امريكا من قبل ... قلت لأ .. قال روحي اجلسي لين نناديك لين تجي بياناتك من الرياض ... أنا انلخمت مدري وش سالفة الرياض يكلمني من ورا حاجز وأنا صقهه ولا فهمت وش قال بس حسيت اني كمخه حطيت مكان المقابله الرياض مدري مدري !!!!
المهم ناداني ثالثه و بصمت لين قلت آمين بصمت حتى بظهري ... ثم قالي خلاص روحي لفديكس لين نناديك رحت لفديكس وخذت الوصل ... جلست ثم ناداني واحد امريكي و الله اني اكثر وحده نادوها ... الكل عرف اسمي
قالي ليه بتروحين امريكا قلت للدراسه ,, قالي وين بتروحين قلت مدري ماعندي آي توني ... خزني ثم قلت اريزونا
و الله احس اني وهقت نفسي ,,, قالي وش بتدرسين بعربي مكسر قلت ماستر ... قالي على البرنامج قلت ايه ... قال من وين متخرجه قلت فيصل ... قال وين سافرتي بالخمس سنوات الماضية ... انلخمت قلت ماسافرت ثم قلت البحرين حسيته ماعطاني وجه ,,, ثم سألني عن رقم المنحه و انا ماجبته ولاني حافظته ... كل الاوراق المطلوبة ماطل فيها وطلب وحده مش مطلوبه .. الزبدة عطاني ورقة صفرا فيها النواقص ومن ضمنهم رقم المنحة ... طلعت وانا ضايق صدري ماحسيت ان مقابلتي مثالية ... انتوا وش رايكم ؟ تنوية .. ترى ماني كمخه بس امر الله