تقرير واخييييييييييييييراااا قبلوو فيزتي ومن اخوف خواف على وجه الارض هههههههه يارب لك الحمد

November 5th, 2010, 03:27 AM

يارب لك الحمد وقبلو فيزتي والله !!

مافي احد ممكن يتصور كيف كنت متوتر من هذا الموضوع وماخليت سوؤال في راسي الا وسئلتو

وعملت موضوع كامل عن كشف الحساب على اساس انو الفلوس دوبها محولة هههههههههههه

وعاد لا اجيكم في السيرة الثانية نسبتي خايسة زي الزفت ومسسببتلي هاجس في حياتي LOOOL

لاكن ولله الحمد قبلو فيزتي @

حأعطيكم معلومات سريعة ولاحد يبحث عن تفاصيل زي ماكنت اسوي انا !! ترى الوضع مرا سهالة

كانت في الرياض وانا ما اتخيلت في يوم اني ممكن اسافر الرياض بصراحة اكرها هههه
بس استخرت الله ورحت

وفيييه معلومة انا ملاحظ انو مافي احد يذكرها كثير انو الوضع من كثر ماهو سهل المقابلة وانتا واقف لاحد يحسب انو زي الافلام ..... هههه

والاسئلة جدا عادية ...

فين رحت قبل كدا على وين رايح ايش حتدرس ايش ناوي تسوي في امريكا
والله لايوريكم على العربي الفصحى انا قلتها كلميني انجليزي احسن بس انتبهو
في واحد هنا من الاخوان اترد بس في سفارة الظهران قالتلو انجليزيتك كويسة ماتحتاج تتدرس لغة روح جيب قبول جامعة ما ادري ايش سوا بس الله يعيين في النهاية جلست شويا اتغابى عليها وكمان قالتلي انتا انجليزيتك كويسة بس انا قلتلها ايوا بس انا ابغا اجيب درجة عالية في التوفل عشان بكمل الجامعة هناك مع العلم انو عندي فقط قبول معهد ....

بس اهم شيء لاحد يتوتر واستغفرو كثير ووالله الوضع مرا مريح ومايتخوف الشغلة هيا كل المسئلة انك طالب / ة

رايح / ة تتدرس في امريكا حاولو تاخذو الامور باريحية (( قرات معلومة عجبتني ما ادري فين ) انو في المقابلة يمكن الواحد من قوة التوتر يبان عليه كانو فيه شيء وهوا اصلن الانسان طبيعي وانشاء الله ماتوصل لهذه الدرجة

خذو الاشياء المهمة واتوكلو على الله

والسلام خير ختام


شكر كبير لي الدكتورة لولوو وفي ناس كمان ساعدوني في هذا الموضوع الله يعطيكم الف عافية ووييسر امركم ويفتح عليكم سامحوني لاني محا اقدر ارد لاني مشغول ومحا اقدر اكون اون لاين

BADR

• نشر عبر تويتر
• نشر عبر فيسبوك
• نشر عبر جوجل