تجمع الطلاب الي موآعيدهم بشهر ديسمبر

بالنسبة لي كان موعدي في القنصلية العامة بالظهران بتاريخ 1 ديسمبر
تاريخ بداية دراستي او بالاصح اخر تاريخ دخول لي مسجل بـ I-20 كان في 10 يناير
وقعد انتظر الين تاريخ 11 ديسمبر بالليل الساعه 11
وش رايكم بس بالتوقيت
المهم قلت ياولد ماينفع كذا معلق مدري وش السالفة ارسل لهم ايميل وشف وش السالفة
المهم ارسلت ايميل للقنصلية علاساعه 11 بالليل
وجاني الرد من بكرا الصباح الساعه 8
Dear Sir,
Your visa is approved, we will issue it and send you the passport by FedEx shortly.

Regards
Dhahran Visa Team

وامس بالليل اللي هو تاريخ 14 شيكت بالفيدكس لقيتها وصلتهم
واليوم الصباح استلمتها

ومعليش على الاطالة
تقبلو تحياتي وبالتوفيق للجميع بالفيزا

الحمد لله والشكر له
تمت المقابلة على خير
امس في قنصلية جدة
دخلت القنصلية 7:40 خلصت 8:40 انا في السياره
قود مورنيق
سئلني
فين راح تدرس ؟ وش البرنامج حق اللغة ؟
من متى تخرجت من الثانوي؟ ماجاوبته و احس اني هنا مسكت زمام المقابلة خخخ قلت له متخرج من الجامعة واعطيته الشهادة وكشف الدرجات
وقلت له بعد سنة اللغة عندي قبول ماستر واعطيته قبول الجامعة
مافي غير خذ شوف خذ شوف
وهو مديني جوي
بعدها سئلني
من راح يتكفل بدراستك؟ فين يشتغل ؟ ورين كشف الحساب؟
فيزتك مقبوله روح سدد فيدكس وتوصلك خلال اسبوعين
واديته 3 ثنكس ورا بعض جلس يضحك
واعطاني الورقه الصفراء واخذها فيدكس وسلمني ايصال
وان شاء الله انها توصل قبل الدراسه 28 فبراير
شكرا

4 ديسمبر الرياض

10 ايام وتوني مستلمها من فيديكس

الله يوفقنا يارب

ياجماعه انا امس قالي تم قبول تاشيرتك رح سدد لفيديكس

السؤال اللي يسوي معك المقابله اذا قالك رح سدد لفيديكس هل يعطيك ورقه خضرا او شي من القبيل لاني سمعت مثل هالكلام وانا ماعطاني شي ؟؟انا خاف عطاني ورقه خضرا والا شي ومن الفرحه نسيتها ؟؟تكفون طمنوني

يوم تسلم اوراقك للمدقق في شباك قبل المقابلة يدبس في الجواز ورقه مقوى لونها اصفر وتنقسم جزئين بعد المقابلة يقوم المقابل بيقطع الجزء و يسلمك هوا ويقلك وديه لفيدكس وسدد مقبوله فيزاتك
انا حصل معاي كذا امس
بالتوفيق ..

اول شيء مبروك على قبول فيزتكـ
والفيدكس لمن تروح تسددهم مايعطونك لا ورقة خضرا ولا شيء
يعطونك ايصال عادي حق التسديد لونه ابيض وتحت عاليسار في رقم مكون من 12 رقم
تتابع فيزتك عن طريق الموقع بالرقم هذا
وبالتوفيق

ماشاء الله تبارك الله
مبروك أخوي والله يوفقك
المهم أنا معك في نفس الموعد ، كم قال لك القنصل مدة وصول الفيزا ؟
أنا قال لي بعد ثلاث أسابيع ؟
نورنا الله يرضى عليك

-

للاسف ماعطاني ورقه صفرا انا سويت المقابله بالرياض بس عطيته الورقه اللي فيها صورتي اخذها الفيديكس

والله ما ادري شكل الفيزه بيكنسلونها الفيديكس هين اخذت الايصال انا اقصد اذا خلصت المقابله وقالك تم قبول التاشيره هل يعطيك او يقصلك ورقه صفرا او خضرا ويقول رح لفيديكس وعطهم اياه؟؟ انا مسوي المقابله في الرياض

ياعزيزي عادي لا تشيل هم شكله كل واحد وله طريقه
مادام قلك روح سدد خلاص ان شاء الله جايتك الفيزا