حوار اللي كان موعدهم في 29 نوفمبر في الرياض

السلام عليكم
مبروك قبول التأشيره وعقبال صدورها قريباً

تقريباً نفس حالك تم قبول التأشيره وقالت خلال شهر ستصدر والدراسه عندي 10 يناير
نفس الأساله سألتني (كونتر6) ولو ان عليه ملاحظات من ناحية كشف الحساب لكن تم قبولها
الساعه 7 ونص كان الموعد
اول مادخلت وبعد التدقيق والتفتيش اعطوني رقم عشان اقدر استرد اغراضي
طاح مني من دون ما ادري رجعت ادوره شافني رجل الامن الي معه سلاح في الساحه داخل وقام يدور معي
ويكلمني انقليزي قلت له مافيه معلوم انقلش قال لي وين ضيع صديق وقال روه داخل بعدين انت في خلص روح برى وكلام سوا سوا نفر اغراض وهوا اعطي هههههههههههههههههههه بعدها عرفت ان التأشيره سهالات

عسى الله يعين ويعجل بصدور التأشيره لكل من ينتظر صدورها

تاريخ المقابله 29
الساعه 10

طلعنا من البيت الساعه 9 وجلسنا ندور بحي السفارات مالقينا السفاره الامريكه لانها مو واضحه وهاذا الشي الغريب ان كل السفارات الثانيه واضحه ومكتوب عندها لوحات
المهم وصلنا بعد عناء طويل على نفس الوقت طبعا مقابلتي انا واخوي بنفس الوقت الساعه 10
رحنا لشباك الخارجي وقال عطوني ورقه الموعد واخذ جوال اخوي ومفاتيحه وعطاه بطاقه حمرا انا ماجبت اي شي معي لاني عارفه انهم بياخذونها بس جايه باوراقي
وفيه حارس فتح لنا الباب ودخلنا وحطينا اوراقنا بصندوق ومر من الجهاز ومرينا احنا وطلعنا لساحه اللي فيها نافوره كبيره كان فيه حارس معه سلاح وبجنبه وحده اتوقع مصريه تسولف معه واشرت لنا على الباب الحديد اللي كثير تكلمو عنه المهم دخلنا وقابلنا واحد قال انتم مع بعض قلنا ايه وعطانا رقم واحد وجلسنا ننتظر طبعا كل شوي نقوم نتقدم ونجلس لين وصلنا للاردني اللي نفسه خايسه مادري وش يبي من الحياه
ودخلنا الغرفه ننتظر رقمنا ورحنا عند الهنديه طلبت الجواز وصوره الاي تونتي وايصال سامبا قالت اول مره تروحوا امريكا قلنا ايه واخذت بصماتنا وبعدين قالت وريني وجهك عشان تطابق على الصوره وخلصنا من عندها
(فيه شي مهم اننا انا واخوي حجزنا الموعد واي تونتي ماوصل فعشان كذا عدلنا الابلكيشن وطبعنا تاكيد جديد يوم وصل الاي تونتي وكل من شفناه بالسفاره قلنا له ترانا معدلين الابلكيشن ويقولون لنا عاادي يعني اللي نفس حالتنا مب لازم يقول شي بس يعطيهم ورقه التاكيد الجديده )
بعدين جلسنا ننتظر المقابله كانت الساعه تقريبا 11:45 وحنا مره تعبنا من الانتضار وقسم اناظر الكراسي الفاضيه ودي انسدح عليها خخخخخخخ
واخيرا نادوا على رقمنا من كثر ما تعبت مااتذكر اي شباك المهم كان امريكي يتكلم عربي بس انه خرشنا قال عطوني الجواز والاي تونتي وايصالل سامبا كويكلي كويكلي على قولته مدري ليه متصربع لهدرجه انا تروعت ونشبت الورقه بالملف وعصب على خخخخ
المهم قال لاخوي ارفع السماعه : <<يتكلم عربي طبعا
وين بتروحون اي ولايه ؟
قد سافرت امريكا من قبل ؟
سافرت برا المملكه ؟
مين بتكفل بدراستكم ؟
بعدين اشر علي قال هاذاي زوجتك ؟ قال اخوي لا اختي
بس هاذي الاسئله تقريبا وانا ميته من الروعه لاني بيجي دوري بس يوم خلص اخوي قالنا بصموا وبعدين قالنا مبروك الفيزا مقبوله انا شوي واسجد سجود الشكر لانه ماكلمني .. وبس خلصنا منه وانا متشققه من الفرحه ورحنا لفدكس عشان يرسلون الجواز طلعنا من عندهم 12 بالضبط

لحد يشيل هم مره الشغله بسيطه

فيه شي ودي اقوله عشان مايضيعون الناس زينا
مكان السفاره: اذا دخلت حي السفارات - الدوار رقم 3 رح يمين << بعدين بتلقونها انشالله

ليت تقول لنا وش الملاحظات الي كانت على كشف الحساب ...؟؟؟؟

الملاحظات سلمك الله يوم طلعت شهاده بنكيه وكشف الحساب كان بـ، رمضان وكنت ناوي اروح امريكا على اكتوبر على ماعتقد
تأخر قبولي وخلاني احجز في اليوم هذا واضطريت اني اخذ كشف حساب جديد ولايفيد ان المبلغ متوفر فيه الآن

والشهاده البنكيه حقت رمضان اخذتها معي وقالت لي انت كان متوفر عندك المبلغ في اوقست (رمضان )
الآن العمليات الاخيره انسحب منها الفلوس كيف بتدرس ؟

قلت لها انا مستعد اوفر لكم كشف حساب جديد بمبلغ متوفر وبمبلغ اكبر لأني في الاساس كنت بنزل امريكا قبل شهرين لكن تأخر القبول
ووقتها طلعت شهاده بنكيه وكان بحسابي فعلا المبلغ ولكن مادام تأخر القبول سحبتها من حسابي وقلت الظاهر كافيه الشهاده البنكيه
ويكفيني كشف حساب جديد والعمليات الكثيره تدل على القدره الماليه

المهم التأشيره مقبوله
والي بيصير له الي صار لي لاياخذ كشف حساب جديد ويروح بالقديم وبشهادته البنكيه افضل من انه ياخذ كشف حساب جديد مافيه المبلغ ويتوهق شوي