تقرير تجربتي مع السفاره الامريكيه 5 ديسمبر

December 8th, 2010, 04:40 PM

السلام عليكم


صباح/مساء..الخير

بقولكم تجربتي مع السفاره

كان موعدي الساعه 1 ونص


طبعا قبلها بليله سويت بروفه ^_^ رحت للمكان ورجعت

عاد يوم 5 ديسمبر طلعت من البيت الساعه 12 الا ربع

وطحت فالزحمه .. ويالله وصلت..

ويوم قربنا من التفتيش عاد العسكر منسمين هع

سألوني وين رايح؟؟ قلت السفاره الامريكيه.. وسألته قلت وين


قال الدوار رقم 3

وطلعت لدوار رقم 3 ولقيت السفاره عاد لبقت السياره بعيد.. ودقيتها مشي

ويوم وصلت للشباك لقيت عنده امممممممه محمد يالله شي اعوذ بالله..!

والساعه 1 و25 دقيقه قلت والله راح الموعد واكلت هوا

عاد يالله يالله مشى الدووور.. يوم وصلت للشباك شااف نموذج D-160
وشخط تحت اسمي.. ورجعه علي قال هات اي شي معك (جوال-مفاتيح-كميرات)

عاد خذهم وحطهم في ضرف.. وعطاني كرت احمر صغير وفيه رقم.. المهم قمت انتظر عند الباب الثاني علشان ادخل

وجاء دوري ودخلت ومشيت من الجهاز ولقيت واحد سألته قلت انت فلبيني طنقر علي هههههه قال ايش انا باكستاني

اخوياه واللي في السرا وراي فقعوها ضحك حقد علي عاد ^_^

ويوم مشوني من تحت الجهاز جاب شي مدري وشو زي الورقه صغيره صفرا مسحها علي بعد التفتيش

وبعدين قالوا رح اطلع من الغرفه علشان تاخذ رقم ورحت وطلعت من الغرف ومشيت بزي الحووش

لين وصلت للمبنى حق المقابله ..

ودخلت ولقيت واحد على طاوله خذا الايتوني مني وحط عليه مثل الليزر حق المحاسب ^_^

وطلع زي الاستيكر ولصقه على الجواز..


وعطاني رقم
207


وجلست لي جنب واحد من اهل المدينه واسولف معه ..عاد جاء دوري على الكونتر رقم 7

ورحت لقيت وحده صاروووخ هههههه سألتني قالت قد رحت لامريكا؟
قلت مابعد طلعت من السعوديه.. عصبت علي هههه وبعدها قالت عط اربع اصابع بصم على جهاز مثل القزازه

وبعدين الابهامين

وبعدين قالت رح

ورحت وجلست عند خويي الجديد ذا اللي من المدينه قلت له طحت لي في مصيبه قال ليه قلت كونتر7 هههه قام يضحك

عاد انتظرت لين جاء دوري وسألوني عربي ولا انجليزي قلت عربي

قالوا رح كاونتر رقم 13 وجيت لقيته رجال عوارضه وشعره اشقر قلت هلاهلا

وابتسمت له قال انقلش ؟ قلت لا

قال اوكي ارفع السماعه رفعتها قال عطني الايتوني وعطيته قال كيف هالك؟ قلت تمام..

قال ليش بتروح لامريكا؟ قلت ابي ادرس.. قال هل سبق لك ان زرت امريكا او طلبت فيزا امريكيه

قلت لا قال هل لي ان ارى كشف الهساب قلت عندي شهاده بنكيه قال اعطني اياها وعطيته اياها قال .. هل اجتزت المرحله الثانويه قلت ايه قال اعطني كشف الدرجات قلت موب معي فالسياره.. قال لابد ان تثبت لنا انك قادر على الدراسه وانك قادر على المصاريف..

قلت اروح اجيبها من السياره.؟ قال لا مافي وقت .. قاال من بيتكفل بدراستك قلت انا..

قال اوكي فيزتك مقبوله وبتوصلك بعد ثلاث اسابيع وروح سدد الفيديكس..عاد انا طرت من الفرحه.. ماصدقت عاد قمت استلعن عليه
قلت 3 اسابيع كثيره ..قال احتمال تكون في اسبوعين قالت ثانكيوووو.. قام يضحك قلت له باي باي

ورحت سددت الفيديكس 65 ريال

وطلعت ووصلت البيت الساعه 4 العصر ..

وسلامتكم

اتمنى انكم استفدتوا..

و

• نشر عبر تويتر
• نشر عبر فيسبوك
• نشر عبر جوجل