حوار اللي صار معي انا وصديقي في 5 ديسمير بالظهران

December 8th, 2010, 08:50 PM

السلام عليكم ورحمة الله وبركاتة

اخواني الاعضاء موقع مبتعث


طبعا انا كان موعدي يوم 5 ديسمبر في قنصلية الظهران الساعة 9 ونص

رحت انا وصديقي الصدوق هع .. وصلنا هناك 9 طبعا كالعاة تفتيش واغراضك في كيس ومن هالكلام

المهم دخلنا الا 4 شبابيك قدامنا اللي ع الاطراف عرب واللي في النص امريكان

انا وصديقي اخذنا رقم واحد وسوينا كل شي سوا ... طبعا تحسفنا بس كله من السكرتي هو اللي قال يكفيكم رقم واحد اذا انتو اصحاب


المهم ونقابل اللبنانية .. قالت رحتو امريكا من قبل ؟؟ طبعا قلنا لا واخذت مننا كسف الحساب وقبول المعهد والجواز وختم ومدري ايش وقالت انتظرو يجي دوركم للمقابلة


طبعا انا من يوم ماجلست وفي شباك رقم 2 واحد .. اعوذ بالله من غضب الله ... مايضحك واقشر وكل ماجاه واحد ما نسمع غير كلمة نو نو نو نو !!!

وانا ادعي يالله ما نطيح عنده لان بيستقعد لنا خاصه ان انا محول مبلغ 120 الف ريال ع الحساب اللي فيه بالاصل 40 الف فقط ..


المهم مع الدعوات سهلها ربي وطحنا عند شباك رقم 3 الا امريكية عسولة .. اسلوبها حلوو وطيبه

طبعا مقابلة انقلش بحت .. قالت ليه تبيتروح امريكا قلت ابي ادرس قالت طيب اي ولاية قلت لها ولاية wyoming

قالت طيب مين اللي بيدعمك ماليا قلت لها الوالد وسالت عن وظيفة الوالد الا انا الحمد لله ماخذ معي تعريف بالراتب حق ابوي وقدمته لها ..

المهم !! حلوو ونفس الشي صديقي فيصل يوم خلصنا قالت انتو من متى تعرفون بعض قلت لها من 3 سنوات قالت وين سافرتو قلنا البحرين والكويت في اخر 5 سنوات


عاد قامت تشيك ع الجواز الا لقت تاريخ سفرتي للكويت ثاني عيد الفطر نفس صديقي .. سالتني انتو رايحين سوا

قلت لا والله .. الا وتنصدم الحرمة وتورينا الجوازات الا انا وخويي نفس التاريبخ مسافرين

<<<<< هنا انا خلاص ضعت والمشكلة انا صادق انا مارحت وياه هو راح مع ربعه وانا رايح مع ربعي ههههههه بس هو العصر وانا ظهر ..

المهم وقلت لها لا لا لا انا رحت مع اصحابي وهو راح مع اصحابه بس بنفس التاريخ والمشكلة اصلا ماتقابلنا

المهم قامت ابتسمت وقالت خلاص دفعتو الفدكس ؟ قلنا يس قالت خلاص اوك بنرسل لكم الجواز ع الفديكس في اقرب وقت

والحمد لله طبعا كنا خايفين ... بس تتوقعون سالفة السفره هذي تخرب علينا ؟؟ والله اننا صادقين ماكذبنا بشي


وش رايكم ؟؟

• نشر عبر تويتر
• نشر عبر فيسبوك
• نشر عبر جوجل