بليز مساعدة؟

السلام عليكم ورحمة الله وبركاته
عندي استفسارات وياريت تردوا علي
1-بالنسبة لحجز موعد انا حابة احجز بالرياض وابغى اضيف والدي المرافق معايا بالموعد بس سمعت من ناس انو ما ينفع تضيفيه بالفاميلي ممبر بس انا ابغى يكون موعد مقابلتنا واحد لاني مو من الرياض وحسافر لهناك فصعب علي يوكن موعدين منفصلين؟

لا يا قلبو ينفع انا بابا مرافقي وضفتو معايا وفي موعد غير مواعيد المبتعثين وروحننا المقابله وخلصناها الحمدلله على خير
2-وبالنسبة لفيزا الوالد المرافق انا كنت ابغى اختارها b2 بس قرات انو ما تظهر بالخيارات في حجز الموعد او الابليكاشن فايش اسوي؟

شوفي يا ستي لما تعبي الابليكيشن الي هوا DS-160 الخاص بالوالد فهادا الي لازم تكون معلوماتك فيه دقيقه جدا ولازم طبعا تختاري نوع الفيزا السياحيه .. بس وقت حجز الموعد انا فعلا صادفتني هادي المشكله واضطريت اختار لبابا فيزا f2
وقلت لمن اروح المقابله اقلهم وكدا انو ما كان فيه غير هدولي الخيارين
بس لمن روحت لا سالوني عنها ولا شي وطبعا من قلقي قلت للرجال ترا بابا يبغا فيزا b1 مو f2 قالي عارف فلا تشيلي هم ابدا

3- واذا اخترناها b2فمدة البقاء بتكون 6 اشهر وبعدين بيخرج طيب كدة مرة صعب فايش بيعملوا الناس في دي الحالة؟

شوفي هوا الفيزا السياحيه انا جات لبابا بخمس سنين بس يوم المقابله قالي الرجال انو ترا صح السياحيه خمسه سنين بس الشخص ما يقدر يقعد اكتر من 6 شهور
فغالبا يعني الابهات بيقعدو فتره وبعدين يخرجو من امريكا وبعد فتره يرجعو وهكذا

4-هل يحتاج المبتعث على حساب الوزارة انو يجيب كشف حساب وشهادة بنكية او هدا الشي مطلوب من اللي على حسابهم الخاص وهل مطلوب كمان من المرافق حتى لو ما يبغى يدرس هناك؟

على حساب الوزاره لا ماتحتاجي كشف حساب ولا شهاده بنكيه بس مهم يكون معاكي البطاقه حقت الملتقى عشان تثبتي انك على حساب البعثات
المرافق يا حلوا اهم حاجه بابتك ياخد معاه تعريف من العمل بوظيفتو ومرتبو ومدة بقائو في العمل كدا يعني .. ويجيب معاه كشف حساب لتلات شهور .. بس هادا الي طلب من باباه يشوفو بس
واذا كان ضروري فكم المبلغ المطلوب
وعذرا على الإطالة بس حاسة نفس حايسة ومتلخبطة
شكرا