رفضو تجديد فيزتي - الفزعة ياأهل الخبرة

أخوي ، ممكن تعطينا تفاصيل عن الأمور اللي تقول عنها مسؤولة الطلاب الوافدين في الجامعة انك ماسويتها؟ كيف يعني المسؤولة ماسجلت أوراقك في الجامعة؟

أفضل شي انك توكل محامي بس اذا عطيتنا معلومات أكثر ممكن نقدر نفيدك أكثر. احتمال تكون القضية مهي معقدة بالشكل اللي تتصوره. أهم شي انك ماتكون عطيتهم معلومات غير دقيقة وانت تعبي بعض النماذج.

ممكن ترسل لي التفاصيل بالايميل أو تكتبها هنا ، سوي اللي يريحك أكثر.

هلا بك اخوي فيصل ..

بخصوص التفاصيل :

انا كنت محول من جامعة بفلوريدا الى الاباما واللي صار بالظبط انه سوو لي

Terminated in Florida then they transfered me with RELEASE LETTER to Alabama

يعني حقت الاميقريشن اللي بالاباما قالت لي ان وضعي بالسليم "وهي ماسجلت اوراقي حقت الاي توني ..

وبعدها بفترة رحت استلم اغراض جايتني من السعودية .. لحظتها مسكوني الاميقريشن وقالو لي يلا السجن ..

وبرحمة الله طلعنا منها بعد ماكلمت مديرة الانترناشيونال ستيودنت بالاباما ..

وبعدها قالت لي عندك خيارين :

1. تمشي الآن السعودية .
2. تروح المحكمة بعد مايحددون لك موعد .

طبعا الخيار الاول هو الافضل لي .. رجعت لسلامتي اولى من اي شي .. وجددت الجواز .. وقدمت عالفيزا ورفضوها بسبب "عدم مقدرتك للدراسة" مع العلم ان عندي قبول جامعة .

تحليلي الشخصي للموضوع :

الاميقريشن يبون يحققون .. هل الغلط مني او من الجامعة " في عدم تسجيلي بسستم الجامعة " .

أتوقع انهم (حقين الهجرة) طلبوا منك توقع على أوراق قبل لاتسافر السعودية. هل عندك نسخة منها؟ هل الأوراق فيها أي شئ يمكن تفسيره انه اعتراف منك بالخطأ أو التقصير أو مخالفة النظام الخ؟ النقطة المهمة هنا ان الواحد يعرف اذا كان خروجك (نهائي) في اطار تسوية أو انها شئ ثاني..

الله يوفقك ويسير لك امرك يا الغلااا

لا ماطلبو مني ولاشي .. ويوم طلعت من امريكا كأني طالع من مطار محلي .. يعني مافي اي شي ..لاختم ولاتوقيع ولاشي ..


شاكر لك يالغالي ..

اللهم يسر اللي فيه الخير وارضنا به ..