مساعدة تكككفون الحقوني ماني ععارف وش اسوي ! ="(

وعليكم السلام ورحمة الله وبركاته
ماشاء الله تبارك الله عليك فكره ممتازه في عمر مناسب لاكتساب اللغه ,

اول شي يا فصولي شوف متى تبدأ اجازتك واعطي خالك التاريخ خلية يجبلك قبول بعد اسبوع من نهاية المدرسة وبعدها يجيك قبول المعهد وفيه رسوم الدراسة وتقدم على الفيزا . طبعا اذا جاك القبول حيكون يبدا بتاريخ معين وينتهي بتاريخ معين خذ التواريخ هذي واقرب مكتب سياحي واستفسر عن ارخص اسعار الطيران طبعا قبل بداية المعهد بيومين او 3 وبعد المعهد نفس الشي وتعرف تكاليف رحتلك مظبوط.....

هذا بالنسبة للتذكرة والمواعيد اما بخصوص الفيزه اتمنى من ذوي الخبره في لامنتدى يفيدوك ان شاء الله ... وبالتوفيق يارب

اخوي تخلي خالك يرسلك الاي توني وهوا القبول في معهد بعدين تروح تسويلك موعد عند السفاره من النت وتطلع الفيزا
وتدسدد رسومها من البنك الامريكي 528 ريال
والظاهر تدفع رسوم السفيس 800 ريال
وتتوكل على الله بس انتبه تحجز تكت الطياره قبل صدور الفيزا
بتوفيق اخوي..

مشكور , أخوي محمد واسامة ع المعلومات ماقصصرتو والله يجزاكم خخير ... بسس ابي ششرح مفصل ونا سساكن في المنطقة الغربية يعني ابي رابطط السسفارة الامريكية في جدة عششان اخذ موعد, وابي واحد يفصلي من الى لاني مااعرف ششي , وهل تتوقعون تطلع الفيزا بسسرعة , ادري بتعبكم بسس تحملوني ششوي , بسس تعرفون ماابي افوت هالفرصصة . تككفون ششرح مفصل من الى . !

اخوي انتضر الاي توني يوصل وتكون اوراقك كامله (اي توني-رسوم السفيس- رسوم التئشيره )
بعدين عب بياناتك ds-160 معا دفع خمسين ريال تسجيل
وحجز الموعد ونشاءالله سبوع او سبوعين وتجيك الفيزا
بس حاول يرسلك الاي توني الحين عشان تقدم ع الفيزا في بعض الناس تاخذ شهر وزياد الله يكون في عونهم
وهاذا سفارة جده Consulate General of the United States Jeddah, Saudi Arabia - Home

شوف اخوي بقولك من الى وش تسوي
اول شي تجيب شهادة 2 متوسط وجوازك وتروح مكتب كويس يترجمها لك واهم شي يكون اسمك الي بالأنجليزي نفس الأسم الي بالجواز , بعدها تقول لأبوك او المتكفل بمصاريفك يروح البنك الي له حساب فيه ويطلع شي اسمه شهاده بنكيه (اهم شي يكون فيه مبلغ فوق 100 او 150 الف ريال) وبعدين تروح تسوي لها سكان (الي هي الشهادتين باللغه العربيه والأنجليزيه , وجواز السفر و الشهاده البنكيه) وترسلها لخالك وشوف انت متى التاريخ الي بتخلص اختباراتك النهائيه و قله ابي اقرب موعد بعد هذا التاريخ .

بعدين تنتظر لمدة اسبوع الى شهر تقريبا ويجيك القبول الي هو i-20 اي توني (i-20 = 3 اوراق رسميه انك مقبول في المعهد) وورقة قبول عاديه

الحين جاء وقت الفيزا وتقتدر تطلعها من جده او الرياض او الظهران الي يريحك وعندك طريقتين اما انك تقول لمكتب يسويها وتقريبا ياخذ عليك 1500 الى الفين او انك انت تسويها

اذا كنت انت بتسويها اول شي صور صوره لك وتكون خلفيه بيضا (رح لأي ستوديو وقله تصوير للسفاره وهو يعرف ويحطها لك بسيدي) بعدين عب نموذج الطلب حق السفاره الي هو اسمه ds-160 على الموقع نفسه بعدين اذا خلصت اطبع الورقه الأخيره الي بتكون فيها صورتك

وبعدها اذا خلصت من النموذج حق السفاره ادخل موقع السفاره ولازم تكون معك بطاقة فيزا او ماستر كارد وادفع مبلغ 45 ريال وتطلع لك المواعيد وانت عاد اختر الموعد الي يعجبك

بعدها رح لبنك سامبا وقل للموظف ابي ادفع رسوم السفاره الأمريكيه وبيعطيك ورقه تعبيها الي هي اسمك بالأنجليزي ورقم جوازك وادفع مبلغ 532 ريال وبيعطونك ايصال انتبه لا يظيع

بعدين ادخل موقع السيفيس وسدد 200$ دولار الي هو تقريبا 750 ريال (السيفيس:يعني عشان اوضح زي السجل المدني حقك الي بالسعوديه هذا السيفيس بامريكا)

ورح المقابله وترا المقابله مره فله ورايقه وناس وجيههم تفتح النفس ويقبلون الفيزا وكله اسبوعين وتطلع لك

وعلى فكره لا تخاف وتتوتر ترى الأمور سهله بس الأجرائات طويله وانت لو تسافر وانت عمرك 15 بتكون سويت شي عظيم لانك بتكتسب لغه وثقافه جديده وصدقني بتحس بفايده كبيره واذا رجعت وبتحس اهلك بيكونون فخورين فيك وبيعاملونك كرجل كبير وبتفلها و لاتخاف لان خالك هناك وهو ماراح يخليك لحالك رح يساعدك ويعلمك واذا رحت هناك بتكتشف ان امريكا كثيييير فيها السعوديين بي اهم شي انت الحين لا تفكر بالفيزا فكر بالقبول وكذا ولاحقين على الفيزا بس من الحين ظبط اوراقك ولا تتكيسل


وبالنسبه للمصاريف :

التذكره من الرياض الى واشنطن قيمتها تقريبا 2000 ريال ذهاب فقط يعني ذهاب وعوده بتصير 4000 تقريبا
والتذكره من واشنطن الي جورجيا يمكن بـ 800 يعني ذهاب وعوده 1600 تقريبا
يعني فلوس التذاكر تقريبا 5600 ريال

والمعهد لمدة شهرين بتكون قيمته من 10 الف الى 50 الف ريال مع السكن
والمصاريف اتوقع بيكفيك الف دولار شهريا يعني الفين دولار في الشهرين

وقبل لا تسافر خذ 3 الاف من ابوك واشتر لك ملابس من هنا

يعني تقريبا الرحله بتكلفك من 25 الف الى 60 الف تقريبا وترى حسابتي غير دقيقه يعني يمكن اكثر يمكن اقل
وبس

واذا بغيت شي راسلني على الخاص

مششكوَر ككل من رد ععلي , اخوَي ععبدالعزيز اللله يوفقك ويسععدكك والله ماقصصرت وياارب ان فيزتكك تططلع بسسرعة