تعالو شوفو ربي وقعني في راعي الشباتي ابغى ارائكم

ربي يسعدلي ايامكم
اخباركم يارب طيبين
كان مقابلتي امس الربوع في قنصلية جدة ووصلنا الساعه 10 بالتمام وسو الاجراءات المعتادة
تفتيش وارقام وكل شئ طبيعي وجلسنا ننتظر دورنا وكنا اخر ناس
وصل رقمنا على كاونتر 5 عند واحد عربي اخد الجوازات والابلكيشن
وصورة شخصبة واوراق الدراسه وبصمنا وقال انتظرو لحد ماينادوكم عشان الانترفيو
وجلسنا ننتظر ووقتها جلست اراجع لبابا الإختبار << الدنيا دوووارة قبل يومين كان يذاكرلي واليوم اذاكرله
المهم نادى علينا ورحنا انصدمت انو ابو هنود راعي الشباتي والله وجهو مايطمن الله يستر
1) فسأل عن سبب زيارتي ؟؟ دراسة لغة + ماستر
2) اخد اوراق البكالوريا حقتي وسأل عن المعدل فحرك راسو كأنو مو عاجبو << قلبي عورني
3) من راح يتكفل بالتكاليف ؟؟ الاهل وطلب كشف الحساب اعطيتو سار يقلب فيه ومو عاجبو قال هذا قرض وااشر على 50000 موجودة قبل 3 شهور
فقلت هذا مبلغ قديم ومش قرض لآ تفتي من راسك هذا تحويل والمبلغ الاساسي الموجود حاليا اضعافه هز راسو للمره التانيه ومو عاجبو
4) سأل بابا عن مدة الاقامة قال لحد ماتخلص بنتي قام ضحك قال مايسير قال اروح وارجع عليها بين فترة واخرى
قام يتريق ويضحك ابو هنود نفسي اصكو بكف اضيع ملآمحو
5) اعطانا اوراق صغيره نسددها للفيدكس وقال انتظرو من اسبوع لإسبوعين وقلب وجهو

تخيلو ماسمعت كلمة مبرووووك مكبوله

تتوقعو انها انقبلت ولآ ايش القصة ابو الشباتي ماقال شئ وجهو زي مقفاه

الله يستر