مبتعث مجتهد Senior Member
الولايات المتحدة الأمريكية
It's Law , ذكر. مبتعث مجتهد Senior Member. من السعودية
, مبتعث فى الولايات المتحدة الأمريكية
, تخصصى L.L.M
, بجامعة ..
- .., California
- السعودية
- Nov 2010
المزيدl April 2nd, 2011, 01:18 PM
April 2nd, 2011, 01:18 PM
بسم الله الرحمن الرحيم ،، تمت بحمد الله مقابلتي اليوم بالسفارة الامريكية بالرياض .. وتكللت بالنجاح بحمد الله .. بعد معاناة نفسية من المواضيع الي قريتها و كأني طالع للمجهول.. طبعاً امس كله اشتغل على تجميع جميع المستندات المطلوبة .. حتى شهادة الثانوي ترجمتها وانا طالع ادرس ماجستير .. وترجمة حسن السيرة والسلوك .. وكذلك شهادة الترخيص بمزاولة العمل من زود الحرص والتهويل الي شفناه من بعض الاعضاء الله يعطيهم العافية .. كان موعدي الساعة 8 تماماً ،، حضرت عندهم 7:30 مثل ماطلبوا مني في ايميلهم المرسل قبل الموعد بـ3 أيام للتذكير .. جيت بالبداية ولقيت زحمه بسيطة في الطابور عند مدخل السفارة .. لقيت ناس تستخف دمها وتميلح << ما يخلون حركاتهم بعض ربعنا >> هع ،، وقفت تقريباً 20 دقيقه .. وطلبوا مني 4 حاجات ( ورقة تأكيد الموعد ، الجواز ، وايصال سامبا ، و ورقة تاكيد المقابلة ) ،، كان معي واحد تعرفت عليه بالطابور ،، نسى ورقة تاكيد الموعد ومشووه ،، وهذا دليل على السهالات يا اخوان .. طبعاً طلبوا مني بعد كذا الجوال و المفاتيح وغيره وقلت لهم ما معي الامفتاح السيارة و 100 ريال ( حقت الفيدكس 65 ريال) قال اوكي انتظر عند الباب ،، لانهم يدخلون شخصين كل مره يفتحون فيها الباب .. طبعاً تفتيش عادي كالمطار ،، ثم تنتظر ع الكراسي ،، وتنادي عليك وحده بالسرا ،، تعطيها الاوراق الي ذكرتها فوق وتعطيك رقم مثل رقم الانتظار بالبنك .. يجي دورك وتختلف هنا المتطلبات حسب وضعك الدراسي .. او سياحة او علاج وخلافه .. طبعاً الي يهمنا الفيزا الدراسية .. طلبت مني الاي توني (صورة) - و كشف الحساب بحكم اني دارس على حسابي - و الجواز - وايصال سامبا .. سألتني سؤال عادي وبصمتني وقالت رح للشبابيك الي بالخلف وانتظر لحد ما يجي دورك .. انتظرت تقريباً ساعة .. سوالف مع الي جمبي لين راح الوقت .. نادوا على رقمي وتوجهت للشباك رقم 8 .. طلب مني ياجماعه الاوراق التالية بسسسسسسسسسسسس .. كشف الحساب - الجواز - ايصال سامبا ( ولا سيفس - ولا قبول جامعه او معهد - ولا شهادة جامعة او ثانوي - ولا تعريف حتى من جهة العمل ) ما اقول هالكلام يعني لا تجيبونها لا الي اقصده ان الامور جداً سهالات و إجراءات روتينية .. سألني وين بتدرس بأمريكا قلت له ع الولاية - بأي مدينة ؟ - وش تخصصك بالماجستير - وين تشتغل ؟ - وين سافرت خلال الخمس سنوات الماضيه وقبل الخمس سنوات الماضية ؟ بس ثم ابتسم وقال فيزتك مقبولة ،، وقالي راح تطول شوي راح تستلمها بعد شهر.. ممكن ؟ ،، قلت اوكي الأهم اني استلمها قبل موعد دراستي .. قال أكيد ( لان دراستي بعد شهرين ) رحت لفيدكس ،، قال الموظف (فلبيني ظريف ) ما معي صرف 100رح اشتر قهوه وخله يصرف لك ،، شكيت انهم متفقين << هع كافشهم ،، وشريت كوفي ودفعت لفيدكس وطلب مني اعطيه اقرب موقع لفيدكس من بيتي .. وبس والله يا جماعة الامور سهالة بالمره ،، ناس هولت الموضوع و قالت افطر بالبيت ترى بتجوع ،، وترى بتعطش كأني رايح للربع الخالي ههههههههههه ،، بالعكس لقيت بوفيه صغير فيه دونات وخفايف وقهوه ومويه وكل شي ،، وهذا داخل السفارة ،، الناس عند انتظار المقابله فاتحينها بوفيه و أكل وسعة صدر .. ولكن لي نصايح مهمه بحكم المعلومات الي جمعتها للموضوع هذا قبل اروح اسوي المقابلة ،، * احجزوا الموعد بدري يعني قبل الموعد بأسبوعين ، وادفعوا رسوم السيفيس والفيزا بدري بنفس وقتك الي تحجز فيه ؛ وهذا عشان يبدون إجراءاتهم معك من بدري . * احضر قبل الموعد بنص ساعة ، علشان السرا وخلافه . * رتب اوراقك وخل معك ملفين واحد للأصول والثاني للنسخ عشان تصير جاهز لأي طلب ولا تلخبط نفسك ، واذا طلب منك أسأله انت قل نسخة او اصل . * بالنسبة للبس هناك كل شي شفته ،، يعني انت و موودك 
، واكثر شي لنا يا الشباب شفتهم بالثوب والشماغ << لبى قلوبهم . وملاحظة ثانية : للي جايين للسفارة الي بالرياض السفارة موقعها قدام ساحة الكندي و بتلقى في الدوار رقم 8 مكتوب المسار مغلق ، انت ادخل ما عليك حتى تجيك الحواجز وبيجيك يوتيرن لف معه والمواقف على طول على يمينك قدام السفارة التركية ، والسفارة الامريكية على بعد خطوات معدودة .. اتمنالكم التوفيق ،، و لا تنسوني من خالص دعائكم وانا كذلك وافقوا على التأشيرة ولله الحمد والمنه ..
اهم شي انت شفت اللي انا شفته في السرا <<<< يعللق
من جد فيه شباب الله يهديهم يطلع طلعات مالها فايده
يعني يا يشطح ويجيك كدش وطيحني الخ الخ هههههههههههههههه
او يجيك واحد حاط شماغه على كتفه <<< يغمز هع
لأنك فبل كل شي تمثل بلدك ف من الضروري انك تكون تمثلها بأفضل مالديك ..
واتمنى التوفيق للجميييع
7BOOB April 2nd, 2011, 01:28 PM
7 " هههههههههههههههههههه
شكلك تقصد الي ببالي الله يستر عليه
يالله ان شاء الله نستلم الفيزا بموعدها بس ..
انت متى واعدوك .. ؟
It's Law April 2nd, 2011, 01:32 PM
7 " ايه ايه ههههههههههههههههههههههههههههههههههههههههه
قالوا لي تم قبول التأشيرة ، وروح للفيديكس
بس
ماعطوني لا ورقه صفراء ولا زرقاء ولا غيره
سألت الفيديكس قال من اسبوع الى ثلاثه
على حسب
ان شاء الله تتيسر امورنا
7BOOB April 2nd, 2011, 01:57 PM
7 " موفقين يارب!
الدور علينا ان شاءالله تعالى!
DifPath April 2nd, 2011, 03:33 PM
7 " الف مبروك ,,
انت في البدايه كنت تحاتي القبول و خلصت من القبول و جلست تحاتي المقابله .. و خلصت المقابله .. باقي اخر مرحله و العن مرحله
الي هي انتظار الفيزااا انا لي لحد الان 3 اسابيع و هم قالوا لي اسبوعين .. لكن الله يسهل الامور
بونعيم April 3rd, 2011, 08:37 AM
7 " مبروك اخوي والله يوفقك
احب اضيف بس
كشف الحساب مهم جداً لازم يكون فيه دخل ثابت ومبلغ محترم وهو اكثر شي يساعدك بقبول الفيزا
mohagf April 4th, 2011, 04:26 AM
7 " مبرووووك اخوي
انا وزوجي نفس الوضع تمام ونفس الاسئله ونفس الطلبات لدرجة تعجبت ونفس الشباك
وكان باقي علي موعد دراستي شهرين ويوم كمان
وقال انت بعد اسبوعين وزوجك من اسبوعين لثلاثه
وانطبعت فيزتي وفيزا ولدي الكبير بعد ٢٤ساعه ماشاء الله وزوجي بعد ٦ايام بس انا اخرني طفلي الصغير انطبعت بعد ٨ايام
يعني لايهمك كلامو شيك يمكن تلاقيها خلصت
موفق اخوي *
nofa April 4th, 2011, 07:03 AM
7 " 
LinkBack URL
About LinkBacks
April 2nd, 2011, 01:18 PM
بسم الله الرحمن الرحيم ،،تمت بحمد الله مقابلتي اليوم بالسفارة الامريكية بالرياض .. وتكللت بالنجاح بحمد الله .. بعد معاناة نفسية من المواضيع الي قريتها و كأني طالع للمجهول..
طبعاً امس كله اشتغل على تجميع جميع المستندات المطلوبة .. حتى شهادة الثانوي ترجمتها وانا طالع ادرس ماجستير .. وترجمة حسن السيرة والسلوك .. وكذلك شهادة الترخيص بمزاولة العمل من زود الحرص والتهويل الي شفناه من بعض الاعضاء الله يعطيهم العافية ..
كان موعدي الساعة 8 تماماً ،، حضرت عندهم 7:30 مثل ماطلبوا مني في ايميلهم المرسل قبل الموعد بـ3 أيام للتذكير ..
جيت بالبداية ولقيت زحمه بسيطة في الطابور عند مدخل السفارة .. لقيت ناس تستخف دمها وتميلح << ما يخلون حركاتهم بعض ربعنا >> هع ،، وقفت تقريباً 20 دقيقه .. وطلبوا مني 4 حاجات ( ورقة تأكيد الموعد ، الجواز ، وايصال سامبا ، و ورقة تاكيد المقابلة ) ،،
كان معي واحد تعرفت عليه بالطابور ،، نسى ورقة تاكيد الموعد ومشووه ،، وهذا دليل على السهالات يا اخوان ..
طبعاً طلبوا مني بعد كذا الجوال و المفاتيح وغيره وقلت لهم ما معي الامفتاح السيارة و 100 ريال ( حقت الفيدكس 65 ريال) قال اوكي انتظر عند الباب ،، لانهم يدخلون شخصين كل مره يفتحون فيها الباب ..
طبعاً تفتيش عادي كالمطار ،، ثم تنتظر ع الكراسي ،، وتنادي عليك وحده بالسرا ،، تعطيها الاوراق الي ذكرتها فوق وتعطيك رقم مثل رقم الانتظار بالبنك ..
يجي دورك وتختلف هنا المتطلبات حسب وضعك الدراسي .. او سياحة او علاج وخلافه .. طبعاً الي يهمنا الفيزا الدراسية ..
طلبت مني الاي توني (صورة) - و كشف الحساب بحكم اني دارس على حسابي - و الجواز - وايصال سامبا ..
سألتني سؤال عادي وبصمتني وقالت رح للشبابيك الي بالخلف وانتظر لحد ما يجي دورك ..
انتظرت تقريباً ساعة .. سوالف مع الي جمبي لين راح الوقت .. نادوا على رقمي وتوجهت للشباك رقم 8 ..
طلب مني ياجماعه الاوراق التالية بسسسسسسسسسسسس ..
كشف الحساب - الجواز - ايصال سامبا ( ولا سيفس - ولا قبول جامعه او معهد - ولا شهادة جامعة او ثانوي - ولا تعريف حتى من جهة العمل ) ما اقول هالكلام يعني لا تجيبونها لا الي اقصده ان الامور جداً سهالات و إجراءات روتينية ..
سألني وين بتدرس بأمريكا قلت له ع الولاية - بأي مدينة ؟ - وش تخصصك بالماجستير - وين تشتغل ؟ - وين سافرت خلال الخمس سنوات الماضيه وقبل الخمس سنوات الماضية ؟
بس ثم ابتسم وقال فيزتك مقبولة ،، وقالي راح تطول شوي راح تستلمها بعد شهر.. ممكن ؟ ،، قلت اوكي الأهم اني استلمها قبل موعد دراستي .. قال أكيد ( لان دراستي بعد شهرين )
رحت لفيدكس ،، قال الموظف (فلبيني ظريف ) ما معي صرف 100رح اشتر قهوه وخله يصرف لك ،، شكيت انهم متفقين << هع كافشهم ،، وشريت كوفي ودفعت لفيدكس وطلب مني اعطيه اقرب موقع لفيدكس من بيتي ..
وبس
والله يا جماعة الامور سهالة بالمره ،، ناس هولت الموضوع و قالت افطر بالبيت ترى بتجوع ،، وترى بتعطش كأني رايح للربع الخالي ههههههههههه ،، بالعكس لقيت بوفيه صغير فيه دونات وخفايف وقهوه ومويه وكل شي ،، وهذا داخل السفارة ،، الناس عند انتظار المقابله فاتحينها بوفيه و أكل وسعة صدر ..
ولكن لي نصايح مهمه بحكم المعلومات الي جمعتها للموضوع هذا قبل اروح اسوي المقابلة ،،
* احجزوا الموعد بدري يعني قبل الموعد بأسبوعين ، وادفعوا رسوم السيفيس والفيزا بدري بنفس وقتك الي تحجز فيه ؛ وهذا عشان يبدون إجراءاتهم معك من بدري .
* احضر قبل الموعد بنص ساعة ، علشان السرا وخلافه .
* رتب اوراقك وخل معك ملفين واحد للأصول والثاني للنسخ عشان تصير جاهز لأي طلب ولا تلخبط نفسك ، واذا طلب منك أسأله انت قل نسخة او اصل .
* بالنسبة للبس هناك كل شي شفته ،، يعني انت و موودك
وملاحظة ثانية : للي جايين للسفارة الي بالرياض السفارة موقعها قدام ساحة الكندي و بتلقى في الدوار رقم 8 مكتوب المسار مغلق ، انت ادخل ما عليك حتى تجيك الحواجز وبيجيك يوتيرن لف معه والمواقف على طول على يمينك قدام السفارة التركية ، والسفارة الامريكية على بعد خطوات معدودة ..
اتمنالكم التوفيق ،، و لا تنسوني من خالص دعائكم