مدة اصدار فيزت طلاب ارامكو لا تتجاوز اسبوع ..تعالو شوفو الدلع

الله يعين


لزم لان شغل امريكا .. يعتمد على ارامكوو

و كل واحد يمشي مصالحه على الثاني

و بخصوص طلاب ارامكو الي تقصدهم .. هم طلاب الـ ( CBC ) وليس طلاب الـ ITC

يمكن الدلع من ناحية انهم مايدفعون بسس .. النموذج ماياخذ منك اربعين دقيقه
انا فيزتي وصلتني في اقل من اسبوع
رحت الموعد يوم الاثنين ووصلتني الفيزا يوم الخميس ..
يعني الشغله كلها ما اخذت مني الا 10 ايام َ ،
مافي فرق بيني وبينهم ههههههه

يعطيك العافيه

لا اخي انا الشخص اللي قالي الموضوع طالب ITC اقل من اسبوع وطلعت.. مو بس طلاب الCBC حتى طلاب ال ITC يبعثونهم اذا كان درجتهم عالية بالاختبار اللي يسوونه اول ما يقدمون
طبعا بشكل عام طلاب ارامكو كلهم ما يطولون CBC و ITC
هذا دليل ان الاجراءات اللي يسوونها والوقت اللي يضيع مو ضروري بس لعانة فيهم

انا لا اتفق مع صاحب الموضوع
السبب ان ليس جميع طلاب ارامكوا مثل بعض
على سبيل المثال لو جا واحد من طرف ارامكوا وعليه سوابق مشاكل والملف حقه مليان تعتقد انهم راح يعطونه اصلا ؟

انا ماقصدت كذا
شي اكيد ماياخذ الفيزا ويدخل امريكا اي واحد
انا قصدي من اللي ما عليهم اي سوابق ومعلقين على الفاضي و بدون سبب مثلي ومثل الالاف من باقي المبتعثين
اتوقع الصورة وضحت

موضفين ارامكو اذا يبي فيزه سياحيه تطلع باقل من اسبوع انا عيال خالي اثنين اخوان واحد موضف برامكو واحد توه متخرج ومقدم على فيزه دراسه
اللي برامكو بيومين طلعت ماشاء الله تبارك الرحمن
والثاني توه تطلع امس مده انتظار شهرين الله يوفقه انشالله

حنا لو الله يكفنا من الحسد كان حنا بخير

ليه هذا كذا وليه هذا كذا ليه حنا ماحنا زيه ليش طلاب ارامكوا اسرع منا وليه وليه ؟؟

اولا: طلاب ارامكو عددهم قليل لايقارن بعدد الشعب السعودي يعني عطني عدد خلال سنه ؟؟؟

ثانيا: ارامكو ماتقبل اي طالب يعني تقبل طالب على ردجه عاليه او متوسطه او عنده واسطه قويه وكلها ماتفرق عن بعض

يعني يستحقون الثقه اللي تمنح لهم سوا من قبل ارامكو او من قبل السفاره الامريكيه وحتى حنا يستحقون الثقه منا

ياعزيزي موظفون ارامكو لو يخالف قوانين المرور فقط يعاقب من قبل جهة عمله ؟؟ وانت كل يوم تقطع الاشارات ماحد يقولك شي ههههههه

ليه مايعاملونهم مثلكم ؟؟؟؟

حنا الطلاب اللي على نفقة الوزاره او اللي على حسابنا بالالاف وهم بالمئات

ويمتلكون ضمانات ماليه عاليه تفرق عن الضمانات اللي عندنا ؟؟

بالنسبه للابلكيشن من الطبيعي جدا كشركة مثل شركة ارامكو تمتلك كوكبه من افضل الموظفين الاداريين

لتقديم وتسهيل كافة الاجراءات اللي يحتاجها موظفهم المبتعثه ؟؟؟؟؟ وتبي يعاملونك مثلهم ؟؟؟ <<-= ميت ضحك عليه ههههه

ياحبيب البي انت كل اللي عليك انك بس

تكمل كل اوراقك وتضبط امورك وتسوي كل اللي عليك وتاخذ المقابله

وتدعي ربك وتطلبه الخيره (والخيره فيما اختاره الله )

وكل شي مكتوب لك بالدنيا بس اهم شي لاتطالع بغيرك

اعمل قم بما يجد عليك ان تقوم به ولا تلتفت لغيرك


تحياتي لك

اخي نواف انا لا اتفق معك في بعض ما ذكرت "واختلاف الرأي لا يفسد للود قضية"

موظفي آرامكو ليسوا ملائكه, ومن جهة أخرى الطلاب الذين تأخر إصدار تأشيراتهم ليسوا شياطين.

كما أود أن أذكرك أن طلاب برنامج خادم الحرمين جميعهم من أصحاب المعدلات جيدجدا فما فوق,

إذا كان الموضوع صحيح أن تأشيرات موظفي آرامكو تصدر خلال أسبوع فهذا شي جيد , ويظهر أن كل ما في الأمر أن الشركة قامت بتنسيق مسبق مع القنصلية وهذا كل ما في الامر.

الى الاخ نواف الوقيتان
اولا انت مو عالم بنيتي عشان تقول حسد وغيره انا قصدت اوضح الفروق اللي بينا وبينهم وان هم مو شايلين نص همنا
وعتبي على وزارة التلعيم والسفارة مو عليهم
بالنسبة انك تقول عددهم قليل هذا مو مقياس ولا سبب مقنع ابدا لان احنا ما راحنا لمكتب صغير ووتورط بعددنا الكبير ... هذي سفارة امريكية!!!!
ومن ناحية انك تقول تاخذ اعلى الدرجات فلا تخلي نفسك مقياس ... اذا كانت درجاتك نازلة ورحت على حسابك وانضميت غيرك نسبته ممتاز 96 وفوق وانا واحد منهم ومقبول طوالي على حساب الدولة وانت عارف الشروط والنسب المطلوبة ..
وبعدين على اي اساس قلت يستحقون الثقة ؟؟؟؟؟؟؟
هل ارامكو تعلم ما في قلوب الناس
وبعدين بكلامك حسستنا ان احنا ارهابيين والا سفاحين واحنا كافين خيرنا شرنا
اللي بغيت اوضحه ظلم واستهتار السفارة وتقديم طلاب على طلاب
كلنا انتظرنا شهور واجلنا مرات وغيرنا اسبوع وتطلع ومافيه اي فرق مقنع بيننا
بذمتك تشوف ان هذا عدل ؟