حوار السفارة الأمريكيـة ومرمطـه 4 شهور من الأنتظار "وصمت الوزارة "...!!!

آتوقع ياخوي مثل ما ذكرت الاحداث الجديدة في المنطقه هي السبب والسبب الاكبر مقتل بن لادن , طيب دام بن لادن مات , وش ذنب الطلاب السعوديين ,,؟
يعني الطالب السعودي ماشي وفق اجراءات نظاميـة , ليه كل ذا التعقيد ..؟
بعدين موب كل سعودي متطرف ارهابي هذا اللي ما يبي يفهمه الشعب الامريكي والحكومة الامريكيـة ...!!

مشكور اخوي وان شاء الله تصدر التاشيرات في القريب العاجل , شكرآ على مرورك وتشريفك نورتنـآ ..

عبد العزيز

هههههههه حلوة بابا نويل ياجالكسي
ماراح نستفيد شي من هالكلام لاننا ماندري وش سبب التاخير فيه ناس تطلع لهم ب٣ ايام وناس ب١٠ شهور
كل شخص يفكر بحل بديل من الان حرام يضيع كل هالوقت انا ضيعت٤ شهور انتظار وراح اجرب اغير المرافق
ماتشين الا تزين بقدرة الله وماتضيق الا وربك فرجها ماتدرون يمكن تطلع فيزنا كلنا هالاسبوع
بالتوفيق للجميع *

عليكم السلام

لا تنسى ان السياسين الامريكيين يتبجحون في وسائل الأعلام ان المملكة دولة صديقة طيب دام المملكة دولة صديقة ليه كل هالاجراءات الغير مبررهـ ..؟

لا هم معطين دولتنـآ حجم بس حنى بالعربي ما عندنا وزارة تعرف تنسق على مستوى جيد مع امريكـآ , ولا تسنى ياخوي الاحداث في المنطقه لها دور كبير في وضعنا الحالي ..

في الثمانينيات والتسعيينيات ما كان فيه شيء اسمه احداث 11 سبتمبر , ولا تنسى ان فيها اكثر من 9 سعوديين في الطائرات المستخدمة في تفجير الابراج , وعند الامريكان نظره تشائم من المواطن الخليجي والسعودي بشكل خاص ..

الحمد لله , ولكن انا سويت المقابلة وفق اجراءات نظامية , هي السفارة اللي طلبتها مني كأ طالب تاشيرة دخول غير الهجرة

انا بسـآلك سؤال , هل تضمن لي ان هالكلام صحيح ...؟
خصوصآ ان ربعنا إذا لقاء عليك طريق اكلك ولا حسب لك حساب ..

انا ماجل موعد دراستي لان تاشيرتي لم تصدر بعــد , وانا ارسلت رسالة للوزارة ووضحت لهم هالموضوع , وكان ردهم ان اخر مده هي شهر اغسطس وما قالوا لي ان المجال لك مفتوح قالوا حاول انك تستعجل في موضوع التأشيرة وتسافر في مدة اقصاها اغسطس

انا اما اطلع على امريكا ولا ماني طالع , تدري ليه لان فيه اكثر من 12 الف مبتعث كلهم في امريكا وغير امريكا عندنا هنا النظره لهم تختلف تماما ...

انت قبل شوي تقول المجال مفتوح , واخاف اسحب جوازي ويكنسلون علي التاشيرة وانت تعرف الامريكان وطمراتهم اللي مالها داعي



شكرآ لك ياعسل ع مرورك وتشريفك ,, نورتنـآ بطلتك علينـآ ,,

عبد العزيز

جلكسي تبي تتيسر ان شاء الله , لكن يبي لهم شوية صبر ..
امريكان عاد وش نسوي يتبجحون بانهم متقدمين وهم عندهم انظمة اعوذ بالله مدري وش تبي صراحة ...

مشكورة ع مرورك وتشريفك , اسعدني تواجدك

عبد العزيز

ياوخيتي انا دايم متفاءل خير , ان شاء الله تصدر التاشيرات
اما سالفة اني بغير الدولة مانيب مغيرها لو مدري وش يصير , لاني إذا بتعب بتعب في امريكا ولا مانيب مسافر اسااسآ ,

مشكورة ع تواجدك وتشريقك , نورتي الحتـه ,,

عبد العزيز

اووووووف من السفارة والوزارة على البهدله اللي بهدلونا اياها
شنو احنا رايحين ندرس مو رايحين نفجر لو طالعين على حسابنا ممكن قلنا يأخذو راحتهم بالتأخير بس احنا بين نارين
تأخير قبول مرافقي من مكتب القبولات اللي حاطته لنا الوزارة
تأخير فيزتي من السفاره
تأجيل دراستي بسبب السفارة
والى اغسطس وقتها بتطلع فيزتي اولا الله العالم

بعثتي بأخذها لو لا الله العالم

حتى لو يحولوني على كندا انا راضيه بس يضمنوا لي بعثتي ابي ادررررررررررررررس يا عالم

السلام عليكم

اولاً المملكة فعلا دولة صديقة "بس اعلامياً"

وبعدين انت زرت مبنى الوزارة؟؟؟؟ مبنى تعبان ومتهالك وينهم ووين يتفاهمون مع السفارة الآمريكية خل يستقبلون طلبة العلم في مكان كويس اول

وبالنسبة لآيام الثمانينات والتسعينات من قالك مافيه مشاكل وين راحت اسرائيل واحتلال فلسطين وحرب اكتوبر حق مصر وحرب الخليج والعرق كلها جات في هالفترة

بس قول في ذاك الوقت كان عندنا علاقات خارجية قوية اما الآن علاقتنا مهزوزة وشبة ضعيفة الكل ينهش فينى

اقل بلد بالعالم ممكن تموتك على ماتعطيك تآشيرة شيء غريب صراحة

----------------------------

الآن بالنسبة لسحب البعثة انا ما آضمن لآحد انا هالكلام رد علية فية الموسى شخصياً "عاد طلع يكذب علي الله يسامحة"

بالنسبة لي جات الفيزة ولا ماعمرها جات سويت ترتيبات وغيرت الدولة وقدمت على فيزة الدولة الجديدة

لو صار لاقدر الله تآخير بكنسل الموضوع كلة وبتوظف

الحمدالله عندي شهادة تعيشني مرتاح

الله يعين طلاب الثانوي هم اللي كاسرين خاطري لا بعثة ولا جامعة بالسعودية فعلا متعلللللقين

ان شاء الله مامن بهذله وكل الامور راح تتيسر معنى بس يبي لنا شوية صبر , لكن اللي قاهرني صمت الوزارة غير مبرر انا مدري ليه ما يكون هناك تنسيق بين الوزارة والسفارة ووزارة التعليم في امريكا وكذآ كل شيء ينحل
اما الوضع الحالي مزري ومطفش ومقلق في نفس الوقت ,

مشكورة ع مرورك وتشريفك ,,

عبد العزيز

عليكم السلام

معك حق ولا تنسى انها صديق اقتصادي < وهذا اهم شيء بالنسبة للآمريكان الراس ماليـه

ياخي طيب ليه مسوين لنا فيها تعليم عالي ودكاترة وزحمة .. يعني كل ذا مجرد ديكور ...؟
ما يقدرون يفرضون على امريكا اما تسهلون الاجراءات او نغير وجهات الطلاب السعوديين على دول اخرى غير امريكا , كذا امريكا راح تخسر اكثر من 12 الف مبتعث الدولة تصرف عليهم , الكثير من المعاهد الامريكية قائمة في المقام الاول على الطالب السعودي لانه هو الطالب الوحيد اللي الدولة تصرف عليه في الدراسة وفي التآمين الطبي ,,

اما عن مقر الوزارة يارجال كل الوزارات كذآ انا دخلت البريد قسم بالله اقذر من مكان النفايات والموظفين يداومون فيه وكان الوضع معجبهم , يعني لو كل موظف دفع 5 ريال شهريآ للنظافه داوم في مكان نظيف بس هم يبغون الدولة تسوي لهم كل شيء حتى نظافه مكاتبهم يبغون الحكومة تسويها لهم ..

في الثمانينات كانت حرب صدام حسين مع ايران , وفي التسعينات احتلال الكويت من قبل العراق اما احتلال فلسطين كان يوم النكبه في 67 واما حرب اكتوبر كانت في السبعينات ..
حبيبي كل ذا الحروب السعودية مالها فيها لا ناقه ولا جمل الا حرب واحده السعودية شاركت فيها وهي حرب النكبـه اللي شاركت فيها جميع الدول العربية , وحرب صدام حسين مع ايران السعودية ساعدة صدام ماديا ومعنويا ودوليآ فقط ..

في ذاك الوقت كان سعود الفيصل وفي هذا الوقت سعود الفيصل وش اللي تغير ..؟
ياخي التنسيق يجي عن طريق الوزارات المختصه التعليم الامريكي والتعليم السعودي ,, بعد ذلك يكون التنسيق بين وزارات الخارجية لتسهيل الاجراءات وكذآ ...