استفسار عاجل يااخوان اذا سألوني مين المتكفل بالدراسة اقولهم انا او اخي

وعليكم السلام


أخوي قد قريت ان فيه واحد غير موظف وجاب كشف حسابه ورفضوا يعطونه تأشيره لانه استلف مبلغ الشهاده البنكيه وبين في كشف الحساب وقالوا له بما انك غير موظف معناها ما تقدر تطلع شهاده بنكية

الافضل اخوك او احد الوالدين يسوون لك شهاده بنكيه على حساباتهم

يعني مثلا يطلعها لك الوالد .. اني انا فلان الفلاني اتكفل بدراسة ابني فلان

وبس ان شاء الله فهمت علي

وبالتوفيق ان شاء الله

وعليكم السلام ورحمة الله وبركاته
أنا أوافق رأي الأخت،،، لكن إذا تقدر قبل ما تسافر بمدة قصيرة تسوي شهادة بنكية بإسمك ومطابق للي بالجواز حتى إذا حبيت تغير الجامعة ،،،للإحتياط فقط

الله يعطيك العافية اخت حالمه وشكراً على التنويه وانا وضعي تقريباً نفس الشيء كان في مبلغ قرابة 50 الف في حسابي من 10 اشهر واودعت عليها 140 الف وخلال 24 ساعه طلعت الشهاده البنكية وكشف الحساب ومبين هذا بالكشف ان المبلغ ماله الا 24 ساعه وعشان كذا خايف انرفض ,,,, والوالد الله يرحمه والمسلمين جميعا ,, وحاولت من قبل اني اطلع شهاده بنكية بإسم أخي مذكور فيها انه يتكفل بمبلغ الدراسة لكن الراجحي قالوا ان هذا الشيء مانقدر نسويه يعني شهاده بنكية حاف اللهم الاسم اللي يجمعنا فيها
سؤالي هل الشهاده بهذي الصوره مقبوله عند السفارة او يحتاجلها اوراق اخرى ؟؟
والله يجزاكِ خير وكل من رد وأفادني ,, تحياتي للجميع

الأفضل إنك تجيب كشف حساب لأخوك وتقول لهم إن أخوك هو الي بيتكفل بدراستك طبعا جيب منه خطاب موافقة مع كشف الحساب ل 3أشهر كفاية وأقوى من الشهادة البنكية ، أنا طلعت كشف حساب للشركة حقنا ل3 أشهر وخطاب مصدق من الغرفة التجارية ، وشهادة بنكية بعد ، سألوني عن كشف الحساب وماسألوني عن الشهادة البنكية ولا الخطاب ، بس سألوني بمين الشركة قلت لهم لأبوي قالوا أوكية ، بس فيه بعض الإخوان جابوا شهادة بنكية وطلبوا منهم كشف حساب والبعض لا ، مما يعني إن كشف الحساب أهم من الشهادة البنكية .

ترى الأمور سهلة جدا جدا زي ماذكر أخونا إياد العنزي في تقريرة الله يعطية العافية كأنك بتروح تطلع شريحة موبايلي ، وبمعنى أصح كأنك بتطلع بطاقة فيزا من أحد البنوك ، بس يبون يتأكدون إن عندك فلوس للدراسة ، طبعا إنت بتروح هناك وتبغى تنظم للبعثة ، والله يوفقك ويوفق الجميع

أشكرك أخوي لتجاوبك مع موضوعي وأبسألك عن خطاب الموافقة اللي من عند اخي كيف تكون طريقته ويعبيه عن طريق مرجعه أو يدوي ويوقع ماني فاهم ممكن توضح ,,, هو معلم
وصادق كشف الحساب اعم واشمل من الشهاده ,,, وسؤالي الثاني أقل مبلغ يشترطونه لازم يتوفر طيلة الاشهر هذي يكون كم . آسف على الاطاله

طيب الاسهل انك تغير البنك

روح لسامبا او العربي .... هذي كلها ممكن اخوي يسوي لك الشهاده ويذكر فيها اسمك

بكل سهوله يكتب خطاب بالإنجليزي بالوورد إنه متكفل بدراستك في أمريكا مع مصاريفك لازم يكتب إسمك نفس كتابة الجواز مع رقم جوازك ويكتب إسمه تحت ويوقع بكل بساطة ويصادق على توقيعه من البنك ( هذي زيادة بس للإحتياط بس مالها داعي ، بس أفضل للتوثيق) والبنك يصادق عليها ويختم بصحة التوقيع عادي يسوونها ، والمبلغ يكون حول 180000 ريال ، وحتى لو كان 120000 كحد أدنى مافيه أي إشكال يقبلونه عااادي.

وتراها سهله جدا ، بس لا تاخذ هم وأنا أخوك

أشكرك أختي على اهتمامك ,,, يعني لوبيفتح حساب من جديد اكيد بيكون واضح بكشف الحساب وعلى كلام اخونا البرنس ان الكشف اهم من الشهاده .
ان شاء الله انها تتسهل ... والله يوفقنا ويوفقك
تحياتي