موعدي السبت القادم لكن فيه مشكله

الله يهديك ويصلحك تدري بين مقابلتي وكشف حسابي ٢٠ يوم عادي جداً
ليه انت اخرت كشف الحساب (( على شان يكون حديث !!!! )) لا تنسى الشهادة البنكية لكن اعتقد انها مو ضرورية لكن تكون داعمة
لكن اخر موعدك بالسفارة خلها الأحد او الاثنين
هذا اللي اقدر أقولك عليه
واذا عند الاخوان حل اخر اتمنى يفيدونك فيه
دمت بود

أخوي أنت في أي بنك ؟؟
عشان نعرف ، بالنسبة للدوامات يوم الخميس لبعض البنوك

و بعدين ، تقدر الحين تطلع لأي فرع قبل يقفلون نهاية الدوام
و لا تنتظر الموظف ، يمكن ما له خلق أو مكسّل يخدمك ،، إلا إذا إنت عندك مشكلة فعلية فـ حسابك و يا ليت توضّح وش هي ؟

و إذا مرّة رفضوا يعطونك و عطوك أسباب مو مقنعة ، توجّه لمدير الفرع و وضّح له وضعك ، و ما أتوقع كشف حساب يتأخر لهالدرجة

بالتوفيق يا رب , أنتظر توضيحك

اي والله الاخ لافي العنزي على حق
والله يوفق الجميع

الله يعطيكم العافيه .. المشكله كانت في النظام عندهم حسب كلامه .. وتوجهت للمدير وكل موظف في البنك ( الراجحي )

اليوم الاربعاء وماعندك الا يوم السبت ..وانا موعدي قبل ماتفتح البنوك

مالعمل

أخوي ما أدري إذا أنهم راح يعتبرونه لك من النواقص أو لا
بس أنا رحت لهم بدون شهادة الثانويه الأصل + كشف حساب للوالد + I20
عطوني إياها نواقص وقالوا ارسلها لنا بالفيدكس
بس الضمان المالي ما أدري والله

وإذا تقدر هالحين قبل الساعه 12 تأجل موعد المقابله أجلها اخوي


بالتوفيق

أخوي

تقدر تتصل على رقمهم تبع العملاء اللي هو هاتف الراجحي

920003344

و تدخل رقم العميل تبعك ، و الرقم السري ( في حال كنت مسجل لديهم بالهاتف )
أو إنك تطلب موظف خدمات العملاء

و تسأله عن الفروع اللي مداومين يوم الخميس (بكره) و مواعيد العمل لأنها ع الغالب فترة صباحية فقط !

و تسأله عن أقرب فرع لك إذا كان مداوم أو لا ، و للإحتياط تأكد من كذا فرع قريبين منّك بالسؤال عنها

و بكره الصباح .. روح للفرع و اطلب كشف الحساب و بإذن الله أمورك تتيسّر

بالتوفيق يا رب

* في حالة أخرى ، في حال ( لا سمح الله )
ما تمّت أمورك بكره ،،

توجّه يوم السبت الصباح للفرع و مو مشكلة إذا تأخرت شويتين ع السفارة
و حاول تروح لأقرب فرع للراجحي عند السفارة ، خذ منهم كشف الحساب و لا يردّك إلا الشباك الأول

أنتظر تحديثك ع الموضوع

لو ماطلعت كشف حساب روح موعدك بالسفارة عادي ولو سئولك عنه علمهم الي صار وقولهم برسله لكم بالفيديكس ويعتبر وضعك عليك نواقص وجب عليك اكمالها هذا طبعاً اذا قبلو فيزنك راح يصير الشي الي ذكرته لك اما اذا رفضوك بسبب هذا الشي الله يعينك يمكن تقابلهم من جديد يمكن ..

انا قلت لك هذا الكلام بناء على الي صار معي السبت الي طاف لان رحت لهم وكل شي مكتمل والكامل وجه سبحانه بس الكشف حقي ماوافقت عليه وقالت جيب مبلغ اعلى لكنها وافقت على فيزتي وقالت بعد اسبوعين تخلص فيزتك وقالت ارسل لنا الكشف الجديد على الايميل ..

وانت وظروفك وشوف الي يناسبك ..

بالتووفيق ..

نايت داندي

اللي فهمته من كلامك يالغالي انه ممكن اروح المقابله عادي واذا طلب مني كشف الحساب اقوله يعطيني الورقة الصفرا اللي فيها النواقص
وارسلها بالفيدكس وتمشي الامور ؟؟

لافي

اول مره اسمع في دوام الصباح للفروع .. لكن تشكر عليها
بطلع اليوم اشيك على الفروع اللي حولي وان شاءالله الاقي من يخدمني

يعافيك ربي


بيش لوف

ايوه هذا الكلام .. هذي نقطه حلوه انه ممكن اروح الموعد وارسل لهم النواقص
الله يعافيك يالغالي .. والله ييسر لي ولك وعقبال ماتوصلك


ولعلها خيره ان شاءالله .. وداعوا لي بالتوفيق

فرع الراجحي البطحاء شغال الخميس الصباح على ما اعرف....

وترى اذا جا السبت وما مشت الامور ...................هد اعصابك

الشباب تكون مقابلاتهم الساعه 10 ويدخلون الساعه 9.... يعني بأذن الله معك الى الساعه 10 او 11 لا تتأخر عنهم



موفق