مساعدة موعدي بالسفارة غداً بس ناقصني كشف حساب بالمبلغ المطلوب وما قدرت أؤجل الموعد وش الحل؟؟

اذا ماقدرت ترروح بكره
سوي الغاء حجز من نفس الموقع الي حجزت منه موعدك
(( عشان يستفيد اخوك المسلم المظطر من الموعد الي انت مانت رايح له لآتنسى تسوي الغاء الحجز عشان فيه الف واحد يتمنون الموعد ))
بنسبه لك أنت احجز موعد في يوم ثاني اذا وفرت الضمان المالي وشكراً

ما احد يقدر يستفيد منه لو قلبها 48 ساعه عادي من ذا الشخص الي بيجهز كل اشيائه في يوم

رح يا رجال ولد خالتي ما سألوه قالهم بروح على حسابي اول ما اوصل امريكا بحول على حساب الحكومه قالو اوكي

رح وجرب بالعكس بتستفيد اذا بتجلس ببيتكم بتروح الموعد الثاني ومنت عارف شي

واذا موعدك متاخر شوي اذا تعرف احد بالبنوك يضبط انا طلعت كشف حساب بميه وخمسين الف والحساب ما فيه ولا ريال بتعرف احد بيودع في حسابك وبيطلع الفلوس علطول بس بيعطيك كشف حساب

الله يهديك جاي باخر الوقت كذا انا يالسعودين

للأسف انا دخلت على الموقع وكنت راح أقدم او ألغي الحجز بس صارت الخيارات غير مفعله وما قدرت اسوي اي شي

انا وضعي مثل وضع ولد خالتك بالضبط اول ما اوصل راح احول على حساب الحكومه
بس كنت ناوي اروح للمقابله بخطاب الابتعاث أو اي ورق منهم بدل الكشف والضمان...بس الموضوع تأخر شوي
دلنا اذا تعرف احد ممكن يسوي لي كشف بأي مبلغ مثل ما سويت انتا بتسوي فيني معروف ما انساه

طيب باسألك سؤال لو طبعت كشف والمبلغ الموجود أقل من ٢٠ الف دولار بيمشي حاله؟؟
أنا بس خايف يصير رفض او يعطوني ورقه صفرا مدري زرقا اللي سيرتها تجيب الهم هههه

نسبه كبيره يا يرفضك يا اما يعطيك ورقه صفرا ويقول ارسل كشف حساب
شفت ناس واجد راحت عليهم ال 500 ريال تبع المقابله واضطروا يعملوها مره ثانيه
لا تروح الموعد بس رسوم المقابله ما تروح عليك بس ادفع 45
وسوي موعد ثاني افضل بكثير لانه احتمال يصكك برفض انه المبلغ غير كافي
45 ريال ولا الدخول في احتمالات مالها اول

انا في حيره واعتقد اني راح اترك الموعد هذا
لأن صعب ادفع مبلغ التأشيره اللي هو ٥٣٢ ريال حق المقابله هذي وبعدها اضطر اني ادفعها مره ثانيه

لكن اللي فهمته من كلامك اني اتركه واحجز بعدها جديد....بس الرسوم اللي دفعتها حق هذا الموعد ال ٤٥ تروح صح؟
حتى لو راحت ما يهم...بس اقدر افتح الموقع بعد كذا واحجز من جديد بنفس البيانات اللي دخلتها قبل؟؟
ولا يمسحونها ويجبروني ادخل البيانات من جديد؟؟
وما ادري عن السيفيس بعد اخاف يطير علي

بانتظاركم....