مساعدة تذكرة مرور للسعوديه ! تصريح زواج ؟

كان نفسي أفيدك
بس الاسف مآآعندي إي معلومة بخصوص دي المشكلة
ان شاء الله الاخوان مايقصرون معاك
وان شاء الله ترجع مع عائلتكـ الى بلدكـ

تسلم ماقصرت , ان شاء الله يارب , الله يسمع منك , انا جالس انتظر لعل احد الاخوة يقدر يساعدني

تسلم اخوي عبدالعزيز , جواك الله خير , يعني الخارجيه هي المسؤولة عن الزيجات من الخارج؟ طيب عندك خلفية ايش نوع العقوبات الي ممكن تكون وهل راح يدخلون اهلي طيب ويتسجل الولد والا بس اخذ عقوبة ومايدخلون ! ارجو توضح يا عبدالعزيز الله يخليك

اولا////
طبعا الاجراء بسيط انشاء الله اول يجب عليك تطلع جواز بدل فاقد وهذا اذا بدون واسطه تاخذ عليه حرمان 2 سنه منع سفر وافضل لك تجيب تقرير كيف فقدت الجواز عشان تكون اجراءاتك سهله مثلا حريق او تلف بس لازم تقرير واذا كان منتهي حاول تعرفلك واحد بالجوزات يطلعلك مجدد لان القديم مايحتاجونه يعطونك اياه ومن حظك انه منتهي حاول حاول بالواسطه وتمشي امورك على انه مجدد وليس مفقود .

ثانيا///
بعد حصولك على الجواز تتوجه الى بلدك وسجل مولودك ..

هنا انت انتهيت من مشكلتين باقي لك الطامه الكبرى

موافقه من وزاره الخارجيه للحصول على موافقه الزواج من الخارج اهم شي ماتكون الزوجه من البلدان التاليه ( سوريا - العراق - ايران - اليمن ) تكون انت في شبه السليم .
وهذي الشروط

1. يجب أن يكون الزوج من سكان الرياض أو المحافظات التابعة لها .
2. لايقل عمر المتقدم للزواج عن 30 سنة ولا يزيد عن 70 سنة .
3. من لدية زوجة سعودية أو أجنبية فعلية إحضار تقرير طبي عنها من من مستشفى حكومي يثبت المرض كأن يكون عقم أو تشوه أو أمراض خبيثة أو ينص الطبيب في التقرير بخطورة الحمل .
4. تعريف عمل وإذا كان موظف أهلي يجب تصديقه التعريف من الغرفة التجارية أو مشهد مصدق من العمدة والشرطة بعدم وجود عمل .
5. صوره من بطاقة الأحوال وكرت العائلة .
6. صوره من شهادة الوفاة أو صك الطلاق لمن سبق له الزواج .
7. ملف علاقي .
8. صوره شخصية للزوج .

ملاحظة :

• إثبات صلة قرابة إذا كان بينهم صلة من الدرجة الأولى موثقة من المحكمة العامة .
• يجب حضور صاحب الطلب شخصياً ولا تقبل الوكالة بذلك .
  

اذا عندك واسطه بتاخذها في شهر ماعندك ردد يالليل مطولك ..


واتمنى اني افدتك

الله يجزاك خير يااخ عبادي 2 , بالنسبة للجواز زي ماقلت لك هو مفقود خارج السعوديه ومنتهي في نفس الوقت , انا اللحين اذا رجعت للسعوديه بتذكرة مرور شيء طبيعي يعرفون انه ( الجواز) ضايع ! انت تقول احاول اني اقدم عليه على انه منتهي مو ضايع ! انا عندي تقرير من الشرطه هنا في السويد وماادري ينفع والا لا ! بس اظاهر زي ماانت قلت لازم واسطه والا سنتين منع من السفر ! والشيء الي انا نسيت اذكره انه سبق لي فقدان الجواز قبل 10 سنوات وغرموني 500 ريال بس وطلعت بدل فاقد ! ياتي هل راح تكون هذي قاصمة ظهر على اني مضيعه مرتين ! مع العلم ان بعد كم سنه كذا لقينا الجواز القديم في بيت الاهل ولسا موجود !
الشيء الثاني موضوع تسجيل المولد ! مافهمت عليك تقول روح لبلدك وسجله ؟ يعني اقدر اسجل المولد في السعوديه بعد ماارجع مايعترضون علي شيء ؟ بمعنى انهم يرفضون تسجيله بحجة اني ماني متزوج نظامي؟ بعدين الولد قرب على السنه عمره اللحين؟ حسب ماقرأت في موقع الاحوال المدنيه انه لازم يبلغ عن الوالده خلال اسبوع ؟ بالله افيدوني في هذي ! لانه مره مرتبك وماادري وش اسوي بالضبط ! وش نصيحتك انت والاخوان ياعبادي , جزاك الله خير

انا لو يسجلون الولد ويحصل على جواز سعودي ويصير سعودي تهون الشغلات الثانيه

الله يعينك ويسهل أمورك

آآمين , جزاك الله خير

اسمعني انت حاول ترجع السعوديه وتضبط سالف الجواز دبرلك احد بالجوازات يطلعه لك انه مجدد حلو بعدين ارجع للسويد وسجل مولودك حلو وبعدها ماتكون نظامي في بلد السويد تعال هنا انت والاهل وجيب لهم فيزا عمره حلو او سياحه المهم تجيبهم هنا بعد ماتجيبهم رح لوزاره الخارجيه وقدم لك ملف اخضر ويجب انه يستوفي الشروط الي فوق اذا مايستوفيها الله يعينك على 30 او 40 الف ريال احد يجيبلك الموافقه وكذا انت انهيت الموضوع وانشاء الله اكون افدتك وعادي اذا مضيعه مو اول ودقرو معك جيبه بس النقطه هنا اذا في احد بالجوازات تعرفه قله طلعلي جواز مجدد هم ايش يسوون بس يختمون لك على القديم وبعض الاحيان مايحتاج انت احمد ربك انه منتهى يعني سهالات وترى مايشيكون ولا لهم دخل اذا جيت من بره وماعند جواز عرفت انت مكبر الموضوع وهو مايسوى وربي يوفقك انشاء الله وتتسهل امورك