عندي سؤال واتمنى الاجابه . وضروري الرد عليه لاهنت .

1- ماذا تقصد بـ "المدة المطلوبة عشان ادخل بعثة على حساب الحكومة"؟ هل تقصد أنك تسافر على حسابك الخاص ثم تلتحق بالبعثة من هناك؟ إذا نعم، فلا أعتقد أحد يقدر يتنبأ بهذا الشئ.. فيه ناس انضموا من أول يوم وفيه ناس راحوا ودرسوا وخلصوا ولم ينضموا!!
إذا تقصد الحصول على الابتعاث من هنا، فما أعتقد يأخذ وقت.. هناك جدولة معينة إذا توافرت فيك الشروط راح تكون أمورك سليمة!

3- الدراسة معقولة.. تتطلب بالطبع إجادة للغة الانجليزية وجدية في الدراسة والصبر عليها
4- الملحقية معترفة بهذا التخصص لا شك.. والمتخصصون في الهندسة في أمريكا يشكلون غالبية المبتعثين.. يعني إن شاء الله بعد خمس سنوات راح تكون السعودية مليئة بالمهندسين!!

الله يوفقك بكل خطوة تسويها

حاكم الله يعطيك العافيه وماقصرت

انا اقصد التحق بالعبثه .
طيب يعني بالشهر تقريبا كم احتاج ؟ لو ماجاتني الالتحاق بالبعثه ؟

سؤال صعب الجواب عليه! لأن أنت من يحدد ذلك؟
مثلا،
هل معك عائلة؟ هل ناوي تشتري سيارة؟ بكم سعر؟ (الاسعار من 1500 دولار إلى فوق 20000 دولار)
هل ناوي تسكن في سكن الجامعة (وهو مكلف نوعا ما) أم تسكن في شقة صغيرة رخيصة ولو بعيده عن الجامعة؟
أشيااااء كثيرة جدا... أنت من يحددها!
لا تنس رسوم الجامعة..أو المعهد..
نصيحتي خذ مبلغ كاف (قياسا على المعطيات أعلاه) ولا تضع في اعتبارك أنك ستنضم للبعثة!! من باب الاحتياط فقطـــــ ..

لا انا بحالي وبسكن عند عائلة
بدون سياره
وبكم رسوم الجامعه والمعهد .؟
وكم المبلغ المطلوب بالشهر ؟
واشكرك على جهدك والله يعطيك العافيه

رسوم الجامعة/المعهد يختلف من مكان لآخر... ادخل على صفحة المعهد/الجامعة وستجد كل التفاصيل.. أو تواصل مع مكتب الطلاب الدوليين للإفادة.. بالإضافة لمعرفة تكلفة العائلة (تقريبا 600 دولار بالشهر بالنسبة للسكن مع عائلة)
إذا انتهيت من هذه النقطة (وهي العقبة الأكبر) تبقى حساب المصاريف اليومية والاحتياجات الضرورية.. وهذه أنت من يحددها! وفقــك الله..

يعني كم تقريبا احتاج بالشهر ؟ غير الجامعه والسكن مع العائلة .

هل ستكون مرتبط بفواتير معينة؟ الهاتف عادة من 30-50 دولار بالشهر
النت نفس الحكاية
الاتصال للسعودية.. يعتمد على كثرة اتصالك.. لكن نقول 30 دولار بالشهر
التنقلات.. هل ستكتفي بالباص.. وهو اختيار اقتصادي.. أم ستحتاج ليموزين وهو مكلف جدا جدا.. مع الأخذ بالاعتبار أن هناك أماكن لا يمكن الوصول إليها بوسائل النقل العامة (كالباص)..
هل تنوي الأكل خارج البيت؟ الوجبة إذا ذهبت لمطاعم سريعة في حدود 10 - 20 دولار

يعني نقول تحتاج 150 دولار إلى 250

يعني 5 الاف ريال سعودي كل شهر يكفي ؟
ومن ناحية الاتصال skype موجود
وبالباص او بالمترو اذا موجوده .
وبالنسبه للاكل فطور بالجامعه وعلى المغرب غدا وعشا ( اقتصاد )

بس انشاء الله 5 الاف تكفي بالشهر الواحد ؟

5 آلاف ريال تكفي وزيادة!! اسأل أيضا عن التأمين الصحي لأن الأمور الصحية غالية.. وخاصة حالات الطوارئ.. كفانا الله الشر.