الحمدلله طلعت فيزتي وعائلتي في يووم وااااحد

اهاااااااااا
الحمدلله حلو اخيرا لقيت احد استخرج تأشيرته من جدة
ابغى التفصيل الممل

متى كان الموعد اليوم والساعة؟
وهل كان زحمة؟
وين وقفتوا سيارتكم؟
ومع اي بوابة دخلتوا؟
وكيف كان التفتيش؟
وكيف كانت الاجاراءات؟
وكيف كان التعامل؟
وياليت مخطط بسيط لوسمحتي لان الموضوع يهمني كثير
لاني خايف اروح هناك واللخبط

الله يوفقك وييسر امورك وعقبال التخرج والنجاح
انا وصلتني فيزتي بس زوجتي لازالت قيد الانتظار

مين فيكم المبتعث
والمرافق وش الفيزا الي طلعت له

بالتوفيق ان شالله

[SIZE=4][QUOTE=هاه كيف;1061628931]اهاااااااااا
الحمدلله حلو اخيرا لقيت احد استخرج تأشيرته من جدة
ابغى التفصيل الممل
متى كان الموعد اليوم والساعة؟. الثلاثاء 6ديسمبر الساعه 9،30
وهل كان زحمة؟. ايوا والله زحمه كان رقمي ٢٨٠
وين وقفتوا سيارتكم؟ مواقف مستشفى سليمان فقيه جنب المسجد واقطع الشارع تلاقي بوابه في وجهك صغييييرة واقف عندها عسكري وامشي مع الخط وخليك عادي لاترتبك
ومع اي بوابة دخلتوا؟ بعد ماتدخل مع البوابه الرئيسيه بتلاقي واحد واقف يشوف جوازك وورقة الموعد وبعدها تدخل من بوابه التفتيش وزي ماقالو الاخوان بياخدون كل شي منك (مفتاح -جوال ) ويفتشو اوراقك وتطلع من بوابه وتخرج من بوابه ثانيه بس بدون تفتيش وتمشي مع الخط الى غرفة المقابله وفيها تفتيش نهائي زي الاول يعني زي حق المطارات .
وكيف كان التفتيش؟ مثل ماذكرتلك عاااااادي جدا زي المطار بس لاتجيب حتى سيدي .
وكيف كانت الاجاراءات؟ ابدا عادي تدخل الغرفة اللي قلت لك وتاخد رقم وتجلس وتلاقي عالشبابيك ارقام ولما يجي رقمك تروح بس ترتب اوراقك بيطلب منك الجواز وورقة التاكيد حقت السقاره الكونفيرميشن والاي تونتي وتسديد سامبا . وترجع مكانك الى ان ينادوك ثاني مره بالاسم او بتلاقي رقمك من جديد وهنا يعني المقابله فيه ٣ امريكي وامريكيه وفلبينيه والسوداني او اليماني هو يرتب الاوراق في الشباك الاول .. وعادي جهز اوراقك وكشف الحساب وبتسالك نفس الاسئله : وين وليش وايش الهدف من روحتك وكم بتجلس ووين رحت اخر خمس سنين وكدا . وبس ترى كانت سهاله وعادي جدا الوضع وبيقولك روح سدد فيدكس وتلاقيهم عند الباب الغرفه على مكتب صغير سدد وقوله انا باستلمه من فرعكم الرئيسي الي في الاندلس عشان اسرع ترى الفرع الي جنب كودو في عمارة تهامه عرفته؟! وبس بالتوفيق

[QUOTE=sha3oola;1061629427][SIZE=4]
الله يسهل دربك ويكثر خيرك ماقصرتي

ياليت اعرف الاوراق اللي طلبوها منكم؟؟
طبعا انا مرافق مع زوجتي وهيه المبتعثه وعندنا اثنين اطفال هل يحتاج اجيبهم ولا لا ..؟
واخيرا ياليت لو توصفي شوي عن موقع فيديكس لاني مو من جدة!!
وكثر الله خيرك

مبروك عليك اختي

الله يبارك فيكم جميعا .. بالنسبه مين مرافق؟ كلنا طلاب عبى حسابنا وبنتي وولدي مرافقين f2 .. ومايحتاج تاخدو الصغار اقل من١٤ سنه .. والاوراق: الاي تونتي / الجواز / ورقة التاكيد الي طبعتها من الموقع الي مكتوب عليها كونفيرميشن/ وصل سامبا ضروري/ هذا ترتيب الاوراق وبعدين في المقابله : جهز الضمان المالي اذا انتو مبتعثين او كشف حساب ٣شهور لو على حسابكم . وشهاداتك السابقه وبس .. على فكره حتى اولادك لما تيجي ترتب للاوراق في الشباك الاول تحط كل واحد جوازة والايتونتي والكونفيرميشن .. وفيديكس عنونه جنب السفاره ترى شارع الاندلس فيه مكتبة تهامه وكودو على يمينك هوا جنبهم .. بصراحه هدا الي اعرفه انت اسال جنب السفاره ترى..

مرحباً الله يسهل أموركم وربي شايله هم هالفيزه بشكل الاي توني وصلني الأربعاء بعد شهر واكثر للأسف مكتب تعبان
والحين لسه م بدا ولا حجز لي موعد ولا شئ ما ادري شنو ينتظر ماعلينا فيه
انا خائفه من المقابلة للمرافق اللي هو أبوي لانه كبير بالسن وبعد حب خشوم وافق يروح معي ):
أخاف يسألونه وين رايح اي مدينه اي ولايه متأكده مابيجاوب تكفون طمنوني ايش اسوي ولا كيف الحل ؟؟؟