كيف كانت مقابلتك في السفاره الامريكيه

اول شي سالتني الامريكيه تعرفي تتكلمي انجلش قلتلها مو مررره قامت جابتلي مترجمه
وسالتني الاسئله التاليه بالعربي:
انتي رايحه دراسه صح ؟وكم مدة دراستك وجاوبتها بنفس اللي كتبته في الابليكيشن وليش اخترتي هذا التخصص؟
هل تعرفي احد بامريكا ؟بيدرسو ؟وايش اسم الجامعه وايش المستوى اللي بياخدوه
وفي اي ولايه هم ساكنين؟ طبعا سالوني هادي الاسئله لاني كاتبه في الابليكيشن اخواني بيدرسو هناك
وكمان سالتني انتي مسافره بعثه او على حسابك الخاص واذا كان على حسابك بتطلب منك الضمان المالي
الزبده : الاسئلة تعتمد عالابليكشنات اللي عبيتيها اهم شي تجاوبي بكل ثقه وماتتدربكي في الكلام
في البدايه كنت مررررررررره خايفه لاتدربك بس حسيت الموضوع كانو دردشه والحمد لله عد على خير
وبالتوفيق

جزاكي الله خير على ردك وشكرا لإيضاحك الاسئله الي سألوك اياها

واستفدت منك بصراحه الله يجزاك خير والله انا ماعرف كم سنه مده دراستي يبغالي اسال والاهم انا اخاف لو قلت لهم ماعرف اتكلم انجليزي زين اخاف يركزون عليها عادي صح مشت امورك ولالا ياليت توضحين وياليت كمان اذا احد منك سالوه اسئله ثانيه غير الاسئله المكتوبه هنا يقول لنا وجزاكم الله خيرااا

يعطيك الف عافيه أختي Rann

موضوع مهم ومفيد

واتمنى التفاعل في الموضوع


ولك مني كل الود,,,

رح اقلك كل شي بالتفصييييييل الممل لدرجه انك لما تروحي رح تقولي انا كأني جيت هذا المكان قبل كدا. ادري انك طالبه تفاصيل الاسئله بس انا فاضيه
اول شي روحي من بدري يعني لو كانت مقابلتك 9
من 7 تكوني عند باب السفاره لانك رح تلاقي طابور لا ينتهي
بعد ما تخلصي وتوصلي - ملاحظه هذا الكلام كله برا السفاره يعني في الحوش حقهم -
رح تلاقي وحده جالسه على مكتب وتدقق الاوراق قبل الدخول وتتأكد ان كل شي كامل.
اعتقد انها مسلمه لانها لما عطست قالت الحمد لله
بس وبعدها تروحي عن الشباك رح ياخذ الجوال والاشياء الممنوع دخولها ورح يشوف الجواز
وبس بعدها تلاقي باب لا تفتحيه استني السيكورتي اللي جوا يفتحه
وبس تمري بنقطه تفتيش ورح تلاقي وحده تفتش الشنطه وبس بعدها تعتبري داخل السفاره ودخلي باب ثاني وتمري بنقطه تفتيش صغيره وبعدين تدخلي صاله فيها كنب تروحي تاخذي رقم وبعدين اجلسي اشربيلك قهوه الين ينادي على رقمك. بعدها رح تمري على شباك تشوف اوراقك بعدين تطلعي تاخذي رقم ثاني للمقابله وتروحي لشباك ثاني توريه الرقم ويربط كل الاوراق بمطاط وبس لما يجي دور المقابله خليكي واثقه وروحي عند الشباك وصبحي عليهم وابتسمي وانتبهي على البودي لانجويج ولازم تطالعي في عينها لما تتكلمي عشان تبيني انك واثقه. رح تسأل عربي ولا انجليزي. قوليلهاعلى حسب اللي تعرفيه. بس بصراحه ماني فاكره الاسئله بالانجليزي اخاف اكتبها يطلع فيها غلط ولا شي بس رح اقلك هيا بالعربي
رح تقلك تبصمي اول شي الاربعه اصابع مع بعض وبعدها الابهامين مع بعض.
المهم رح تقلك ارفعي السماعه وتبدأ تسأل طبعا على حسب ما كتبتي في الابلكيشن
انا سألتني اي ولايه رايحه وسألتني عن اخويا اللي يدرس في نفس الولايه قالتلي كم سنه له هناك وايش يدرس وبعدين وكانت تكتب اشياء على الابلكيشن المهم وفتحت الجواز
سألتني ايش اخر سفراتك خلال ال 10 سنين الماضيه قلتلها كل السفرات وكان من ضمنهم سوريا - طبعا بدأت تسأل ليش رحتي سوريا وفين رحتي هناك - قلتلها ان سياحه
بعدين سألت مين رح يدفع تكاليف الدراسه قلتلها ان الوالد وبس بعدها سألتني ما رح تروحي بعثه- قلتلها اني مسجله ف يالبعثه بس لسا ما طلعت النتايج واني رايحه اخذ لغه على بال ما تبدأ دراسه الماجستير - (وبعد دا كله ما انقبلت في البعثه ان شاء الله خير )
المهم بس قالت انتي ما عندك اي مشاكل في اصدار الفيزا واعطتني كرت صغير فيه رقم وقالتلي اذا تبغي نوصلك هو على المكان اللي انتي قيه روحي لحق الفيدكس وشوفي معاه الاجراءات وبس ثانك يو و باي وانتهت المقابله حسيت بانه هم وانزااااااااااااااااح والحمد لله وصلتني الفيزا بعد 7 ايام عمل بالضبط وتاريخ اصدارها كان من ثاني يوم بعد المقابله.
والله يوفقك ان شاء الله ويسهل امورك.

جزاك الله خير اختي banicaماشاء الله استفدت من كلامك وخاصه اخذ الجواز معانا ماكنت اعرف الحمدلله نبهتيني بس انا عندي مشكله اخاف عشان تخصصي طبي يدققون بالانجليزي مره وهذا الي مشيلني هم وبحاول اكتب اسئله واجاوب قبل ماروح وكمان مشكله ثانيه انا في الابليكيشين ماكتبت ان عندي اخت هناك تدرس اخاف اقولها وتقول ليش ماكتبتي ويلغون الابلكيشين يقولون غلط عاد على العموم كلامك وافي وضحكتيني من عسطت المدققه وانا اخاف من المقابلات تقريبا اي مقابله ادخلها ماكون زينه اخاف ويبان علي احيانا رسوبي سببه المقابله الشخصيه والسبب الخوف والاجوبه تروح واتلخبط لكن ان شاء الله تجينه قوه من ربي وشجاعه وبالنهايه جزاك الله الف الف خير

لا ياشيخه ارتاحي على الاخررررر وزي ما قلتلك اهم شي الثقه بالنفس وكوني مبتسمه
انا طول وقت الانتظار وانا اقول في نفسي confidence جربيها
وما يهم اللغه انتي رايحه تدرسي لغه وجامعه ناس كثير يبدأو من الصفر عادي.

واعتقد انك تقدري تغيري الابلكيشن 156 عادي ماهي مشكله الى قبل المقابله بيومين

ايوه صح الجوازات لازم تاخذي الجديد والقديم

gd luck

بسم الله الرحمن الرحيم

لاتخافين اختي الكريمه ان شاء الله مايصير ولاشي انا كنت اعرف من زمان ان هذي الدول شويه متشددين بالاجرات حقتها االعراق وسوريا ايران افغانستان لانها امريكا تخاف من الاهارب وكذا بس عادي لاتخافين بس اجراء روتيني وماراح يسوون لك شي بس هم يركزون للتاكيد

على فكرة الابلكيشن بالعربي ولا انقلش .
تحياتي .