عطوني فيزا لامريكا ومعدلي مقبول

February 8th, 2012, 09:05 PM

السلام عليكم ورحمة الله ..

فالبدايه انا تخرجت من الجامعه بمعدل مقبول وسعيت للحصول على قبول جامعي وللحين ماحصلت .. المهم لقيت قبول معهد وناوي هناك ادور قبول جامعي .. مالكم بالطويله .. بعد ماجهزت الاوراق وكل شيء مابقى الا الفيزا .. بعد ماسويت الابلكيشن واخذت الموعد سألت فالنت عن اسئلة المقابله من باب الاستعداد .. انصدمت بالي قريته والتهويل الي صاير من ناحية اصدار التأشيره لأمريكا .. الي يقول رفضوه عشان معدله والي يقول قالوا له انت غير مؤهل للدراسه ومن هالكلام الي صراحه احبطني وخلاني افكر اكنسل السفر كله بالرغم من استعدادي له .. الي حصل استعنت بالله ورحت موعدي فالسفاره يوم الاثنين 6 فبراير 2012 .. ورحت مواصل من القلق وانتظر منهم الرفض عشان اكون سويت الي علي .. الي حصل رحت السفاره واخذوا اوراقي وسويت المقابله .. وفالمقابله انصدمت من بساطتها صح سألني عن معدلي وقلت له وماقال شيء وكمل باقي الاسئله الروتينيه .. بعدين اخذ الجواز وقال 5 ايام توصلك الفيزا بس روح ادفع رسوم فيديكس .. دفعت الرسوم وانا ماني مصدق قبولي خصوصا الي قريته فالنت لدرجة قلت في نفسي يمكن يدقون علي يقولون رفضناك .. لكن الحمدلله ماصار اي شي من الي قلته واستلمت الفيزا بعدها بيومين على طول 8 فبراير 2012 .. استلمته من الفيديكس اليوم الصباح والامور سهله جدا .. والي خلاني اكتب هالموضوع هو النفسيه والاحباط الي جاني وتكبير الموضوع رغم بساطته .. صح فيه ناس يرفضونهم لكن الرفض صدقوني مايعتمد الا على مزاجية الي مسوي لك المقابله او نقص الاوراق المهمه .. غير هذا مافيه اي سبب للرفض حتى لو كان المعدل .. والمعدل بيكون ذريعه لرفضك لأنه ماراح يقول لك ما ارتحت لك خصوصا اذا كنت مرتبك في كلامك اوعطيتهم معلومات خطأ .. لكن بيقول معدلك عشان مايفتح على نفسه باب للأخذ والعطاء .. هذا الي استنتجته من اللي جربته بنفسي ..

وفالختام الله يسهل اموركم وتجيبون الشهادات الي في بالكم يارب ..

اخوكم براق ..

للمعلوميه الرسائل الخاصه لايمكن لي فتحها بسبب قلة مشاركاتي .. ياليت الاداره يشوفون لنا حل اذا سمحوا ..

• نشر عبر تويتر
• نشر عبر فيسبوك
• نشر عبر جوجل