أستفسار ، هل الأولاد المرافقين تحت سن 10 سنوات بحاجة لتعبئة نموذج الـ DS-160 ؟؟

نعم اخوي ضروري تعبي لكل طفل نموذج خاص به

وتسدد رسوم تأشيرة لدى بنك سامبا لكل واحد

اما السفيس فقط للي بيدرس لغه في المعهد والفيزا f1

يعطيك ألف عافية أخي أماني ،،
طيب ، يعني الحين فيه رسوم التأشيرة تدفع لـ كل واحد منهم ، صغير وكبير ، هي بنفس القيمة؟
وفيه الـ سيفيس يدفع بس للي رايح يدرس (اخوي وزوجته).
وسؤالي الأخير ، أقدر أعبيء نموذج الـ DS-160 لهم من هنا من ملبورن في أستراليا؟؟

اي نعم لكل واحد صغير وكبير نفس القيمة

والسفيس مثل ماقلت أخوك وزوجته فقط

ومن ناحية التقديم من استراليا ماعندي علم والله

بس اعتقد ماتفرق والله يسهل لكم أمركم

يعطيك ألف عافية أختي أماني ، وموفقة بالدنيا والأخرة ..
.

أعرف أني أبلشتكم ، وأسألتي حيل كثيره ، بس والله توهتني المواضيع ..
الحين الـ DS-160 نموذج إلكتروني ، يتم تعبئته لكل واحد يبي يروح عـ أمريكا ، صغير وكبير ، صح؟؟
طيب ، وش سالفة F1 ، و F2 ،،،،، اللي فهمته ، تعني نوع الفيزا ، وما لها علاقة بالنموذج.
F1 للدارس نفسه ، والـ F2 للمرافق ،، طيب يتم تعبئة الـ DS-160 لكل واحد منهم؟؟
هذا شيء ،،،،،، الشيء الثاني ،لقيت موضوع يقول أن الصغار يعبون نموذج DS-156 ، هذا النموذج غير الـ DS-160 ؟؟
الـ DS-160 سوفت أبلكيشن soft application والثاني DS-156 هارد أبلكيشن hard application ؟
الـ DS-156 نموذج خاص ، يقدمونه مع الأوراق يوم يروحوا عـ المقابلة؟؟
ما أدري كيف العمل ؟؟
وش اللي يفترض أعمله الحين؟؟
عندنا القبولات ، وعندنا الـ I 20 للصغير والكبير ، وش السواه؟
آسف لكثر أسئلتي ..

اخي الكريم اتوقع من خلال بحثك بالنت كما حصل مع الكثيرين دخلت في لخبطة شوي
نموذج DS-156 قديم لان السفارة تحدث الية التقديم على الفيزا من فترة الى فترة الالية المعمول بها حاليا من خلال تجربتي اللي ما لها اسبوعين كالاتي
يتم تعبئة نماذج DS-160 للجميع
يتم دفع رسوم بنك سامبا للجميع
يتم دفع رسوم السفيس لكل من الزوج والزوجة اللي فيزتهم F1
F1 فيزا طالب يعني يحق له دراسة اللغة والجامعة
F2 فيزا مرافق يحق له فقط دراسة اللغة
ومن الافضل اذا كان للمرافق الرغبة في تكملة الدراسة ان تقدم له على فيزا F1 من هنا لانه عملية تغيير الفيزا من F1 الى F2 لدى دائرة الهجرة في امريكا من الصعوبة بمكان وتاخذ وقت طويل جداً
الابلكيشن يتم تعبئته اون لاين يعني بامكانك تعبئته من اي مكان بالعالم واختيار اي سفارة تريدها ليتم فيها المقابلة وفي حالتك هنا تختار طبعاً السفارة او القنصلية الاقرب لك في السعودية
نصيحة كون دقيق عند تعبئة النموذج بدون اي اخطاء في التواريخ والمعلومات
بالتوفيق ان شاء الله

يعطيك ألف عافية أخوي vipsss والله يجزيك عني خير الجزاء.
خلصت النماذج للـ DS-160 للجميع.
.
الحين أحاول أشتري رقم البن حق الموعد في السفارة ، بس الموقع مو راضي ، أدخل كل بيانات البطاقة الإتمانية ، بس ما فيه فايدة ، أضغط على زر التنفيذ ، في أسفل الصفحة بعد تعبئة كل البيانات ، تخذ الصفحة حق شيء دقيقة لـ دقيقتين تحميل ، وبعدين ترجع على نفس الصفحة.
وهم لاحظت إعلان في الموقع بالعبارات :
"
اقرب موعد متوقع في القنصلية العامة في الظهران بعد 16 ايام من تاريخ اليوم
اقرب موعد لتأشيرة طالب في القنصلية العامة في الظهران متوقع بعد 16 ايام من تاريخ اليوم
اقرب موعد متوقع في القنصلية العامة في جدة بعد 30 ايام من تاريخ اليوم
اقرب موعد لتأشيرة طالب في القنصلية العامة في جدة متوقع بعد 30 ايام من تاريخ اليوم
اقرب موعد متوقع في السفارة الأمريكية - الرياض بعد 0 ايام من تاريخ اليوم
اقرب موعد لتأشيرة طالب في السفارة الأمريكية - الرياض متوقع بعد 0 ايام من تاريخ اليوم
"
السفارة بالرياض هي اللي قدمت عليها بالطلب ، وش يعني هذا الكلام؟؟
كيف الرياض "0" ، وأيش يعني هذا الكلام؟؟
فيه أحد ممكن يفيدني في هذه الحالة؟؟