عندي استفسار عن سفارة !! <<الانهم ماخذوا معلوماتي

للاسف الشديد دامه عطاك الجواز ،، الفيزا انرفضت وصرفك بذوق ، لا تحط في بالك شوف وش الناقص عندك وكمله وقدم مره ثانيه

انا سألة المكتب الي خلصت اوراقي من عنده .. يقولي انه مارفضني يقول لو رفضني لازم يعطيني ورقة بيضه و يوقع عليها بس هذي طريقة عشان يخلونكـ تنتظر و تتعب معاهم الانه الحين اكثر الناس تقدم على فيز .. و انا باقي على دراستي اكثر من ثلاث شهور هم عطاني ورقة لونها وردي .. و مكتوب فيها .. اني ارسلهم بعد 4 او 8 اسابيع يقولي صاحب المكتب : بعد اربع اسابيع ارسل لهم على البريد الي بلورقه ((اسم بالانجليزي نفس الي في الجواز و رقم الجواز))دعواتكم لنا شباب

وعليكم السلام ورحمة الله وبركاته

اخوي كان ودي شرحت لنا وش صار معك بالتفصيل ابتداءا من تعبأة الابليكيشن انتهاءا بالأسئلة في المقابله مع القنصل .

في كل الأحوال مادام اعطاك الجواز وقال لك لا تسدد فيديكس معناته انو ( رفض ) وقد يكون السبب عدم وجود ما يثبت رجوعك للمملكه بعد الانتهاء من غرضك في الولايات .

انا متأكد هناك خلل كبير انت وقعت فيه ولم تنتبه له ، لكن لا تشيل هم ،، من حقك طلب الفيزا مرة ثانية وذلك بعد التاكد من استكمال كل أوراقك وإنشاء الله تتيسر لك وترى فيه كثير من الحالات الي زي وضعك ( قبلوهم بعد ما رفضوهم في المره الاولى ) .


في نظرك ،، ماهي الأسباب الي ادت الى رفض طلبك ؟


يالله ياكريم يسر له امره واكتب له الخير حيثما تكون وجهته .


*

ممتاز جداً ،، دام اعطاك هذي الورقه ومكتوب فيها نفس الي قلته ،، وباقي على دراستك اكثر من ١٢٠ يوم . معناته ما يقدرون يصدورن فيزتك الا اذا بقى عن بداية دراستك ما لايزيد عن ١٢٠ يوم . متى موعد دراستك الي موضح في I-20 .

اقترح عليك اذا بقى عن دراستك ١٢٠ يوم ارسل جوازك عليهم حسب العنوان الي في الورقه .


الف مبروك وتستاهل كل خير .

دراستي تبدا في 26 رمضان ..

^^^^

عفوا يا اخي الكريم ما فهمت عليك ، انت في للمشاركه الثانيه كاتب باقي عن دراستك اكثر من ثلاث اشهر وفي للمشاركه الي بعدها تقول دراستك في ٢٦ رمضان يعني باقي على دراستك تقريبا ٧٣ يوم اقل من ثلاث اشهر ((((( وكذلك يحق لك انك تستخرج الفيزا ))))، احس فيه لبس في موضوعك وفيه شي معين انت نسيته وما وضحته لنا . انتبه من هالمكاتب لا توهقك .


أيش الي مكتوب بالضبط في الورقه ، والله يهديك ليش ما سألت الموظف فيزتك مقبوله او لا .
وانصحك كذلك تستفزر من القنصليه نفسها لانهم راح يفيدوك ويريحوك .*

اشكر لك اهتمامك و متابعتك موضوعي ^^ الي مكتوب في الورقة ((عزيزي المتقدم ..فيما تلتزم القنصلية العامة الامريكية في الظهران في تيسير عمليات طلبات السفر المشروعة فعليها على حد سواء ضمان ان الموهلين للحصول على التأشيرة ,لن يشكوا خطرا امنيا على الولايات التحدة الاميريكية . لذلك يتوجب ,في بعض الاحيان , على التقدمين اجرات اضافيه لتحديد اهليتهم للحصول على التأشيرة تضخع اليها التأشيرت قبل ان يتم استصدارها .مثل العديد من الطلبات , سوف يحتاج طلبك الى اجراء ادري . ولذلك سوف يتم رفض طلبك وفقا للقسم ((ج221)) من قانوق الهجره و الجنسية للولايات , لاجراءات الادراية . ان مجمل الطلبات المستوجبه للإجراءات الادراية تتطلب مهلة من 4 الى 8 اسابيع من تاريخ التقديم , لكن من الممكن ان تتفاوت هذه المهلة وفقا لتوقيت وظروف كل حاله على حدة.واننا نعمل باستمرار الى تحسين و تسريع عمليات الاصدار وتقدر لكم صبركم .عند الانتهاء من العمليات الادراية سوف تقوم نحن بالاتصال لكم . فاذا لم تسمعوا منا خلال فتره ال 8 اسابيع من تاريخ اجرائكم للمقابلة , يمكنكم عندها من مراسلتنا على البريد الالكتروني : dhahranniv@stats>.gve

ارسلهم ايميل استفسر منهم ليش رجعوا جوازك وهل طلبك مقبول او مرفوض واذا مرفوض ايش هو السبب

واذا تحتاج اصيغ لك الايميل بالانجليزي على الرحب والسعه . وتراهم على ما اظن يستقبلوا الايميلات بالعربي مع اني ما انصح فيها .

اتمنى اني افدتك ولو بالقليل . لا تنسانا من دعائك

اخوي انت سويت المقابله في شباك رقم كم ؟