ادخل واكتب موعدك بالسفارة الأمريكية

السلام عليكم
شباب عندي استفار بخصوص موعد المقابله والحصول على الفيزا
انا حصلت على موعد بخصوص المقابله في السفاره
عن طريق الموقع
وعملت الاجراءت كامله
وكان مو عدي2007-9-5 رمضان طبعا
ورحت على السفاره ومعاي
كامل اورق وكل شي اوكي
فقط انتطر التاشيره
الموظفه الي هناك
تقولى درجات الكليه ضعيفه
وكدا ولازم تكون اللغه االاتجلزيه جيده عندي
طيب انا رايح ابي ادرس
الهم
لم تحدد لي موعد حق الفيزا وقالت روح
ادرس وتعال
هل هدا كلام ومنطق ياشباب
تكفون علموني

من الأشياء اللي ساعدت إن الأمور تمشي تمام مع السفارة:
توفيق الله ثم دعاء الوالدين...
كل أوراقي جاهزة كاملة مكملة! ما فيه أي شي ناقص... جوازاتي القديمة كانت معي وأظن إن هذا عطاهم بعض الأرتياح...
كنت صادق معهم في جميع الأسئلة وواثق من أجاباتي! وكنت مجهز لها من قبل...

الأسئلة:
· تتكلم انجليزي؟
· ليس جيداً...
· طيب خلينا نحاول؟
· طيب...
· كم لك سنة وأنت تشتغل؟
· 11 سنة...
· ليش الحين نويت تكمل دراستك؟
· هذِ كانت خطتي إني اشتغل حتى اكسب الخبرة وأجمع فلوس بعدين ادرس! ولأنه الحين فيه فرصة إني انضم للبعثة إذا استكملت الشروط المطلوبة...
· أنت راح تدرس في جامعة رايس؟
· بدرس في رايس اللغة بعدين أجيب درجة التوفل المطلوبة للأنضمام إلى جامعة هيوستن...
· وش التخصص اللي تبي تدرسه في الجامعة؟
· هندسة كيميائية...
· فيه كثير مهندسين في السعودية!
· أي نعم فيه كثير لأن شركات البترول والبتروكيماويات كبيره في السعودية...
· كل اللي اساميهم موجودة في الأبليكيشن اهلك؟
· أي نعم...
· عائلة كبيره؟
· في عوائل اكبر في السعودية (مع ابتسامة)...
· سفرياتك كثيرة؟
· أي نعم! جميع سفرياتي للسياحة ما عدا سوريا كانت لعلاج الأسنان...
· وين رحت في سوريا؟
· دمشق...
· بس دمشق؟
· أي نعم...
· كم يوم قعدت؟
· اسبوعين...
· طيب وين رحت في اندونيسيا؟ جاكرتا؟
· أي نعم رحت جاكرتا وباندونق وبالي...
· اووه رحت بالي؟
· أي نعم...
· كيف؟ يقولون حلوه؟
· مرره حلوه إذا تحبين الشواطئ...
· قد رحت اليمن ايران العراق افغانستان؟
· نهائياً...
· عندك أي واحد من افراد عائلتك يدرس في امريكا؟
· لا...
· طيب هل راح تسافر في العيد؟ لأنه ما راح نقدر نرسل لك الجواز إلا بعد العيد عشان إجازة العيد!
· لا انا ما راح اسافر في العيد! لأني عندي دوام...
· طيب راح يكون جاهز بعد ثلاثة اسابيع!
· هذا جيد...
· روح ادفع 27 ريال حق رسوم الفيزا وبعدين رح ادفع قيمة الفيدكس من الرياض إلى الخبر!
· شكراً جزيلاَ...

نصايح للي عنده موعد قريب!
خليك مبتسم! مصحصح حتى لو كنت رايح مواصل خاصةً الحين في رمضان ولا تكون عيونك حمر! لابس ومتشيك... جهز نفسك للأسئلة اللي ممكن تنسأل[ولا تروح إلا أنت متأكد من إن جميع أوراقك وطلباتهم معاك... ساعدوا بعضكم في السفارة إذا احد ما كانت أوراقة جاهزة ولغته الأنخليزية ضعيفة! وإذا كان افراد عائلتك او سفرياتك كثيرة والأبليكيشن ما يكفي اكتبهم في ورقه ثانيه.

الأوراق اللي كانت معي:
الأبليكيشن الثلاث - I-20 - السيفس - رسوم تسديد السفارة من بنك سامبا - الضمان المالي - كشف حساب من نفس الحساب اللي اصدر منه الضمان المالي – صوره وحده مقاس 5*5 - الجوازات السابقة - تعريف من العمل – صورة من الجواز - كشف حساب من حسابي واّخر شهادة دراسية (بس ما طلبوهم).

هذا اللي صار معي في السفارة ومش شرط يحصل مع كل واحد عنده مقابلة!
هذا للفائدة