أنا و الورقة الحمراء و قنصلية الظهران !

الموضوع ومافيه ناس يوافقون عليهم مباشرة وهذي امورها سهلات وكلها 3 اسابيع لو امصخت
وناس الله يعينهم ويسهل عليهم هذول اللي يدخلون الاجراءات الادارية هذي اللي يدخلها مفقود واللي يطلع منها مولود وطريقة تبليغك تكون منه يعطيك ورقة وردية ياانه يقولك شفهي ياانه مايقولك شي ماتفرق بس الحاصل انه دخلك اجراءات ادارية واللي تكون في وشنطن يعني حتى اهم مايدرون متى تنتهي وكذا تضيع انت بالطوشه ......عموما في الاخير الموضوع توافيق من الله مثلي وغيري وماابي احطمك بس هذا الواقع اخذت الورقة الوردية و4 شهور والى الان ماطلعت فيزتي

شكر الله سعيك أخي و رحم الله والديك
أتمنى أن يكون ذلك كما ذكرت و يخلصونا بسرعة خاصة أن الموظف ذكر لي أنه موافقين على منحي التأشيرة لكن هناك إجراءات إدارية أتمنّى ألّا تطول
في حالة ترقب و متابعة مستمرة للبريد ... الله يكتب لي و لك و لجميع أخواننا المبتعثين التوفيق و السداد

سهلات ان شاء الله مع اني متحطم انا مثلك ورقة وردية بس الفرق اغنهم اخذوا جوازي وتوهم قبل اسبوع راسلين لي رسالة يطلبون جوازاتي القديمة وارسلت لهم امس

انت سويت المقابلة عند مستر شنب اللى جنب اللبنانية مافي الا هم اللى كريم ويصرف من الورق الوردي

وعلى فكرة مقدم من تاريخ اربع وعشرين شهر اربعة انلجيزي ودراستي بدأت

أنا بعد نفس الطريقة سويت المقابلة في تاريخ 19/07/2012 واعطاني الورقة الوردية وقالي راح نتواصل معك بالإيميل وما أخذ مني الا الشيك حق سامبا ,,,

أنا ما أدري ليش أعطوني الورقة الوردية ولكن بعد قراءة المنتديات وتفحص الوضع والوسوسة وكل شي استخلصت التالي وهو مجرد توقعات:

1) أنا من أهل الجنوب وبالتحديد قحطاني فيمكن يوم شاف اسمي قال هذا لا زم نشوف وضعه فيمكن أنهم يركزون على بعض القبائل كما قرأت في بعض المنتديات.

2) أنا كذبت عليهم في المقابلة ,, قالي رحت أمريكا من قبل ؟ قلت لا ,,, وأنا رايح أمريكا سنة 1995 يوم كان عمري 8 سنوات ,, وتلقى اسمي طلع عنده بالسيستم

فقال خلنا نشوف هذا اللي يشبه اسمه وكان في أمريكا سنة 1995 >>>> وسوسة تاااااااايم

3) أنا قبل سنة تقريبا وأنا في كندا قدمت على موعد في السفارة الأمريكية اللي في هاليفاكس تحديدا لزيارة أمريكا وسحبت عليهم سيفون >>>>>> الوسوسة تاااايم

أخيرا عليكم بكثرة الإستغفار والدعاء فهي السلاح الوحيد حاليا ,,,

يقول تعالى " ادعوني استجب لكم " فيا رب دعوناك بأن تعجل علينا بالفيزة إنك أنت على كل شيء قدير ,,,

يقول رسول الله صلى الله عليه وسلم " إن ربكم تبارك وتعالى حيي كريم يستحي من عبده إذا رفع يديه إليه أن يردهما صفراً " صحيح الترمذي

وفي سنن أبي داود وابن ماجة ، ومسند الإمام أحمد وحسنه العلامة الشيخ / عبد العزيز بن باز رحمه الله تعالى ، عَنْ عَبْدِ اللَّهِ بْنِ عَبَّاسٍ رضي الله عنهما قَالَ : قَالَ رَسُولُ اللَّهِ صلى الله عليه وسلم : " مَنْ لَزِمَ الاِسْتِغْفَارَ ، جَعَلَ اللَّهُ لَهُ مِنْ كُلِّ هَمٍّ فَرَجاً ، وَمِنْ كُلِّ ضِيقٍ مَخْرَجاً ، وَرَزَقَهُ مِنْ حَيْثُ لاَ يَحْتَسِبُ " .

لا ماعتقد له دخل موضوع القبايل هههههههههه
.. كثير ماخذين اوراق ورديه وموب من الجنوب
وانا اولههم


الله يعين ويسسهل علينا

ياااخي السبب واضح ليش غلطت هالغلطه هذول الامريكان يعرفون حتى مقاس ملابسك ..تجي تكذب عليهم صدقني يعرفون انك رحت امريكا ..في واحد عجوز يقولي راح سنة 1980 قبل 32 سنة وصارت له سالفه في امريكا قدم الحين اسألو عن ذاك الموضوع ههههههههههه فتح فمه الرجال ...عموما احنا غلطنا نفس الغلطة انا قالو لي عندك اقارب قلت لا وانا في ناس تقرب لي في امريكا اتوقع هذا السبب

ابشررررررررررركم قالولي ارسل جوازك ))))) امس على الايميل ،، بعد اكمال 25 يوم

الله يبشرك بـ الخير .. والله يوفق الجميع

يا شبااااااب ارسلت جوازي ولكن تتوقعون يطولون علي بعد كل الاجراءات الامنية اللي صارت

ما شاء الله تبارك الله إن شاء الله ما يطول ... أنت في قنصلية الظهران و إلا السفارة ؟؟!!!