يوم 29 july كانت المقابلة ولاجرات الغريبة !!

آخني moon 22 كيف نشيك من الموقع ..؟
فيدينا الله لايهينك طفشنا من الانتظآر

يا اخواني انا مقابلتي بالرياض يوم 15 اوغست والله اني خايفة

ارجو مساعدتكم وش هي الاوراق اللي اخذها معي ؟؟؟؟

الجواز الاصلي + وصل سامبا + وصل رسوم السيفيس+ نموذج DS-160 واخذي ورقة تآكيد الموعد احتياط
اذا مبتعثه من عملك اخذي تعريف بالراتب وترجميه + الضمان المالي اذا طالعه على حساب جامعه ( اذا على حسابك الشخصي مطلوب كشف حساب + شهادة بنكية ) + I-20 + ( اخر شهادة اخذتيها + السجل الاكاديمي + الجواز القديم + ٣ صور شخصيه زي اللي بالابلكيشن // ماطلبوهم مني بس اخذتهم احتياط )
+ اخذت نسخه من كل الاوراق اللي اخذتها معي في حال طلبوا ولاطلبوا شيء

وش الاسئلة اللي ممكن يسالوني عنها ؟؟؟

السؤال الوحيد اللي سألوه ليش بترحون امريكا ( لازم بيسألونك هالسؤال ) واذا احد من اخوانك سبق وكان بأمريكا على طول بيسألك شلون اخوكم فلان << سواها معانا من قلنا له صباح الخير

طبعا في الابليكشن كتبت ان معي زوجي وزوجي فيزته سياحية هل ممكن يضر هالشي ؟؟

وزوجي مكتوب في الابليكشن حقة اني انا معه وش تتوقعون راح يسالونه من اسئلة اخاف يتوهق ويخربها ولايعرف يرد بعدين ؟؟؟

وش الاوراق اللي لازم زوجي ياخذه معه يوم المقابلة ؟؟

ماعندي خبر والله لأن مرافقي طالع بفيزا طالب واخذ زي ورقي لأنه راح يدرس .. الأخوان هنا مابيقصرون ان شاءالله وبيفيدونك

سؤال اخير ومهم اسفة طولت عليكم هل ضروري اجيب كشف حساب وهل لو كان ضروري هل ضروري باللغه الانجليزية لان الراجحي مايعطي كشف الا بالعربي ؟؟؟

اذا على حسابك الخاص ضروري
اخوي كشف الحساب كان بالعربي بس اسمه فوق والمبالغ كانت بالانجليزيه والتاريخ بالميلادي طبعاً لأخر ٦ شهور
والشهادة البنكية كانت كلها باللغة الإنجليزية

هل لمن اسوي كشف الحساب لازم يكون في حسابي نفس المبلغ اللي في الشهادة البنكية الي معي ولا عادي ؟؟؟
لان الشهادة البنكية كان فيها مبلغ لكن الحين المبلغ نقص ؟؟؟؟

مو ضروري يكون نفس المبلغ عادي لو مختلف بس كل ماكان المبلغ كبير كل ماكان افضل

اااااااااااااااااسفة طولت عليكم بالاسئلة بليز ردوا على كل الاسئلة الله يتقبل صيامكم ويجعلكم من عتقاء النار في هذا الشهر المبارك

مشكورة اختي moon22 على ردك الله يوفقك يارب ويفتح ابواب رزقة بوجهك يارب

ننتظر الاخوان بشان الاسئلة اللي تسال للشخص اللي فيزته سياحية

الاخت الكريمة
السلام عليكم

اعانك الله ويسر امورك
اشعر انك متوترة جدا ،، لكن وكلي الله واطلبي منه التوفيق

بالنسبة لزوجك بيطلع فيزا سياحه ،، هم يطلبون تعريف العمل والراتب والحساب البنكي
عشان يتأكدون انه بيرجع للسعودية لأنهم يخشون ان الواحد يقعد هناك ولا يرجع

لذا كلما كان الشخص وضعه الوظيفي جيد وراتبه كبير ولديه رصيد في البنك بل حتى لو تحضري صك ملكية لبيت او ارض
كل هذه تدعم موقفكم ،، ولو سألوكم بترجعون بعد ماتخلصون لازم تأكدي لهم ذلك لاسباب كثيره
منها الاسري والاجتماعي والوظيفي والديني
هذا طبعا اذا سألوكم ، اما اذا لم يسأل عن شيء من هذا فلا يجب علينا التحدث عنه

واتوقع مر عليهم كثير مثل حالتكم

واخيرا الله ييسر لك امورك
اكثري من الاستغفار وادعي عند الافطار ان ربي يكتب لكم الخير والتيسير