مشكلة في السفارة الامريكية...

انصحكم بالحجز بالمواعيد في القنصلية بالظهران لانها بتفتح في 5 مايو
بس تأكد انه فيه مواعيد شاغرة

وبالتوفيق للجميع

السلام عليكم انا يا اخواني موعد الدراسه بدي له تقريبا شهر بتاريخ 10-3-2008وموعد السفاره حصلت عليه في 27ابريل يعني شهر اربعه طيب الحين اروح لسفاره اكمل اجراءات الفيزا والا اروح للوزاره باقي يومين علي موعد السفاره دلوني ماذا اعمل والله يرعاكم ضروري ردوعلي تكفي رد علي لان الموعد السفاره يوم الاثنين اروح لسفاره والا لا0 واوراقي كامله اخاف السفاره تقول لي موعد دراستك راح عليه شهر ولا يعطوني الفيزا

شكرا اخوي الله يعطيك العافيه ويعطيك من الدارين ما تتمني ويجزيك الله خيرر وصلي الله علي محمد

طيب استطيع احدد للمعهد الموعد اللي ابيه يعني اطلب منهم الاي تونتي بعد شهرين او ثلاثه واقدم علي السفاره موعد جديد اذا وصل الاي تونتي يصير اقدم علي السفاره من جديد

هلا اخوي
اكيد تقدر تختار التاريخ اللي انت تبيه انت راسل المعهد ولا ادخل على موقعهم في النت وتلاقي تواريخ الدراسه كلها وانت اختار اللي يناسبك و اكتبل للمعهد انهم يرسلون لك ال i-20 بالتاريخ المطلوب وبعدها تحجز موعد السفاره بعد ما يوصلك ال i-20 ((((( بس من الممكن في هذي الحاله انك ماتلاقي موعد للسفاره الا بعد شهر او شهرين من وصول ال i-20))))


واذا حساب السفاره لسع ما انتهى(لان له تاريخ انتهاء ) لك الحق تغير الموعد ثلاث مرات بس اذا ودك تغيره لازم قبل موعدك بيومين او اكثر - يعني اليوم اخر يوم تغيره ولا الله يعينك تفتح حساب جديد وتدفع 45 ريال

بس اذا تبي نصيحتي ارسل للجامعه اليوم و اختار التاريخ و اطلب تجديد ال i-20 عشان تستلمه بدري واسالهم كم يوم يبغاله الين يوصلك

واذا بيتأخر اسبوع عن الموعد (يعني يوصل الاسبوع الجاي ) روح للسفاره و سوي المقابله و هم بيعطوك الورقه الصفرا واول ما يوصلك ال i-20 الجديد وديه للسفاره
بس اذ بتسوي هذي الطريقه لا تتأخر وراسل الجامعه اليوم (لاتنسا ان السبت و الاحد اجازه في امريكا)

بس اذا بتغير موعد السفاره ترا بتتأخر لان اقرب موعد في شهر july يعني بعد شهرين

وبالتوفيق اخوي في السفاره - لا تشيل همها ترا اجرائات السفاره سهله اذا اوراقك كامله وما ينقصك غير ال i-20 الجديد ان شاء الله ما يكون عندك اي مشكله


واسفه على الاطاله و بالتوفيق اخوي

ياخوي الله يجزيك خير الا نبهتني عن اشاء غافل عنها طيب انا اخاف اني لو راسلت المعهد بنفسي ما تقبله الوزاره الا من طريقها اي لابد ان اللي يراسل المعهد الوزاره
اوالا لو راسلته انا مافي مشكله تكفي تأكدلي من هذه النقطه والله يحفظكم ويرعاكم

^
^
تقدر تراسله بنفسك بالعكس الوزاره تتمنى تساعدها..أصلا لو تجلس تنتضر الوزاره شاب راسك


سلام

هلا اخوي
الحين الوزاره ترا مالها دخل هي جابت لك القبول و اعطتك اياه

وبالنسبه للخطوات الحين انت باقيلك الفيزا -- اللي انت حايس فيها الحين--
وبعدها قرار الابتعاث و التذاكر
طبعا قرار الابتعاث يطلعولك اياه بعد الفيزا يعني مالهم دخل بالقبول ولا المراسلات اهم شي معك فيزا

انت راسل المعهد ولا تتأخر ((( تراني راسلت المعهد بنفسي )))


وحتى لو جاك موظف سخيف و قالك مانقبل ولا سوالك مشكله
انت بس عليك توريه ال i-20 القديم و توريه تاريخ اصدار الفيزا
وهو بيعرف ان الفيزا طلعتها بعد تاريخ بداية الدراسه اللي في i-20 القديم اللي هم عطوك اياه

وترا الوزاره ماهمها مين يراسل المعاهد بالعكس انت شلت شغل عنهم

واذا انت لسه عندك شك
ارسل للمعهد اليوم عشان ما تتأخر في الوقت و يوم السبت روح للوزاره و قولهم انك تبي تراسل المعهد ولا قولهم انك راسلت المعهد

وشوف ايش يقولولك

بس المثل يقول --- ما حك جلدك مثل ظفرك ---

واي استفسار انا حاظره
وبالتوفيق اخوي

شكرااااا يا خوي المشكله انا في مكه ويني وين الوزاره انا مااا باغي اعني نفسي واحجز واخسر ذهاب واياب بخمسا ئه ريال والموضوع سهل انا الحين

السلام عليكم

شكرا علي الرد وفقك الله انا ودي اقول للك علي طريقتي وارجو التنبيه اذا كان فيها غلط

طبعا اول شي بكنسل موعد السفاره لاني ماراح استفيدشي بادفع 45ريال ثانيه ولا اخسر ذهاب الي الرياض واخسر الف ريال


الامر الثاني انا براسل المعهدواطلب منه الاي تونتي جديد (بس ياخوي لو تكتب لي نموج المراسله اللي سويته باللغه الانقليزيه فأني اكون للك من الشاكرين)وأخر موعد بدايه الاي تونتي الي


شهرين او ثلاثه من اجل اضمن وصول الاي تنوتي ان شاء الله في غضون اسبوعين او ثلاته



ويصير معي وقت لاخذموعد من السفاره وثم بعد ذللك قرار الابتعاث ويش رايك اذا كان فيه ملاحظ بين لي والله يرعكم وحفظ والديك والبسهم لباس الصحه والعافيه وصلي الله علي محمد

هلا اخوي
بالنسبه للموعد اذا كنسلته مو لازم تدفع 45 ريال اذا كان حسابك لسع ما انتهت مدة صلاحيته تقدر تحجز موعد ثاني بنفس الحساب
بس اذا انتهت صلاحيته لازم تفتح حساب جديد

بالنسبه لل i-20 ترا عادة يوصلك مابين 10 - 16 يوم

بس عندي سؤال (( انت المعهد اللي بتدرس فيه ELS ولا تابع لاحد الجامعات)) لان معاهد ال ELS يحطو تاريخين للدراسه

تأكد اخوي ان ال i-20 فيه تاريخ واحد مو تاريخين للدراسه

وبالنسبه للخطوات مظبوطه

اما بالنسبه لنوذج المراسله بدور عليه و ارسله لك

وبالتوفيق اخوي