نماذج السفارة الأمريكية || جاهزة للتعبئة || مع الشرح الوافي

افضل شي انك تختار لها اف توو وبالتوفيق

الاخ مود3
السلام عليكم
لابد ان تكتب جميع افراد العائله الموجودين بكرت العائله وغير الموجودين
وطبعا الفراغ ما راح يكفي والحل هو: انك تعبي الابلكيشن وتحط افراد العائله اللي يوسعهم الفراغات
وتكمل تعبئة الابلكيشن وتسوي له برنت
بعدها تفتح نموذج جديد وتكمل افراد العائله بالخانات فقط وتطبعه وصار عندك الان نموذجين ل 158 الاول فيه البيانات الكامله والثاني فيه بس اكمال افراد العائله

اتمنى اكون افدتك
واسفين على التاخير في الرد
واتمنى لك التوفيق

أقرب موعد بالنسبة للقنصلية الامريكية بالظهران راح يكون بعد 100 يوم يعني 3 شهور و 10 ايام
The estimated next available appointment for a student applicant in U.S. Consulate – Dhahran is 100 day(s) from the current date.

اخوي jafar net
سوي دائما رفرش للصفحه وان شاءالله بتحصل موعد قريب
انا كان بعد 50 يوم وقعدت اسوي رفرش لين حصلت بعد 5 ايام بكرى ان شاءالله بيكون الموعد
بس خلك متاابع وبالتوفييق

ياسلام على هالمعلومات والله يعطيكم العافيه
بس عندي سؤال يااخوان
انا والدي الله يرحمه متوفي ويرحم جميع المسلمين هل اكتبه واكتب متوفي died
او مايحتاج
واللي بكتبه هم بس الام والاخوان والاخوات والا انا غلطان
ويعطيكم العافيه مره ثانيه ،،،

كيف حالك اخوي وانشاء الله بخير
انا جالس اعبي الفورمات الحين ولكن عندي كذا سؤال وبنثقل عليك شوي

اول شي d156

-الخانات الفاضيه نكتب فيها none ولا نخليها فاضيه.
-الخانه 22 لا اعلم متى الوصول فماذا اكتب
-24 برضوا مافيه
-26 كم اكتب الفتره هل اكتب 3 سنوات علما ماعندي الا قبول اللغه.
-27 هل اكتب التخصص وبالتفصيل ولا بس رايح ادرس
-28 ؟؟؟؟؟ برضوا وش نحط له



ثاني شي d158

بخانه 6 اذا الشخص متوفي هل اذكره
وبالنسبه للعنوانين لازم بالتفصيل ولا شي بسيط

ثالث شي d157

بخانه 17 هل اذكر المدارس الثانويه ولا بس الجامعه؟؟؟

وجزاك الله خيرا

هلا اخوي انا مقابلتي بكره و بقولك وش سويت انا
اي خانه ماتعرف عنها شيء اكتب none ماعدا اللي لازم تكون معروفه زي عنوان بيتكم والارقام الخاصه اذا كان الشخص متوفي يفضل تكتب اسمه وتكتب متوفي والعنوان لايوجد والعنوان يكفي تكتب لباقي الافراد المدينه وخلاص
المدارس مادري وش يقصدون بالضبط احد المواضيع يقول لازم من المتوسطه وناس يقولون من الثانوي لكن بعدلها الحين وبحطها من المتوسطه احسن"
العنوان في امريكا حط عنوان الجامعه او المعهد ورقم الاتصال وبس
موعد الوصول خله تقريبي يعني قبل بدايه دراستك بشهر مثلا بالكثير
مده الفيزا خلها خمس سنوات مو ثلاث واذا قال ليش قول لاني ابي اجيب قبول جامعه من هناك واكمل"
بعض النقاط انتبه لها زين ترى لو اقولك اني عبيت هالاوراق وعدتها يمكن 100 مره لاني كل اشوي اتلخبط
الدول اللي اصدرت الجواز بتقول انت مثلي اكيد ولادوله لا (خطاء)
الدوله saudi arabia
شهادات الخبره ضروري في حاله انك من زمان متخرج واي شيء مو واثق منه اكتب none
عشان تكون صادق معاهم ومع نفسك وفيه شيء مهم مره ترى النماذج اللي هنا قديمه وماكشفتها الا بعدين وهي اللي ضيعت وقتي مع ان الجديده قريبه من ذي مره والله يجزاه خير صاحب الموضوع بس عب الابلكيشن من الموقع نفسه لانه بيعطيك رمز باكورد لنموذج 156 انتبه للنقطه هاذي وتمشي امورك واي سؤال انا حاضر
دعواتكم لي بالتوفيق
جـــــــــــــــايـــــــــــــك ياامـــــــــــــــريكــــــــا

لله يعطيكم العافية على هل الجهد الكبير

سؤال ع السريع ياشباب

الاستمارات المطلوبه للسفاره
دي اس 156
دي اس 157
دي اس 158

طيب انا رايح لوحدي لا مرافق ولا عائله ..؟

لازم اعبيها كلها يعني؟؟

وبعدين الاي توني الي وصلني يبغالي اعبي شي فيه ولاهو جاهز,,؟؟

اتمنى الاجابه ,,